جڤاتا زانكۆیا دھۆك دیدگەھەكا ستراتیژی یا وێرەك بۆ جیاوازیا ئەكادیمی و داھێنانا دامەزراوەیی دادنیت

ئەڤرۆ رۆژا چوارشەمبی رێكەڤتی ٥ـی شوباتێ ٢٠٢٥، جڤاتا زانكۆیا دھۆك روینشتنا خۆ یا ئاسایی ب سەرۆكاتیا د. داود سلێمان ئەتروشی ئەنجامدا، د روینشتنێ دا بریارێن گرنگ ھاتنە دان كو رەنگڤەدانا پێگیریا زانكۆیا دھۆك ب پێشئێخستنا خواندنا بلند و پەرەپێدانا ڤەكۆلینا زانستی و پالپشتیكرنا ڤەگوھاستنا دیجیتالی دكەت. ئارمانجا ڤان دەستپێشخەریا گونجاندنا چوارچوڤێ ئەكادیمی یێ زانكۆیا دھۆك ل گەل ئاراستێن جیھانی و پێدڤیێن بازارێ كاری یێ دەڤەریی یە، كو ئەڤ چەندە پەرەپێدانا پێگەھێ زانكۆیا دھۆك وەك سازیەكا ئەكادیمی یا پیشەنگ ل ھەرێما كوردستانێ دكەت.

بخێرھاتنا نوینەرێ نوی یێ مامۆستایا: پەرەپێدانا حوكمرانیا ئەكادیمی

روینشانا جڤاتێ ب پیرۆزباھیكرن ل د. بەنگین ئیبراھیم حەمێ دەستپێكر ب ھەلكەڤتا ھەلبژارتنا وی وەك نوینەرێ نوی یێ مامۆستایا و ئەندامێ جڤاتا زانكۆیێ، كو دێ رۆلێ وی پشكداریێ د پەرەپێدانا دیالۆگێ د ناڤبەرا مامۆستا و كارگێریا زانكۆیێ دا كەت، دیسان دێ گەرەنتیا ژینگەھەكا ئەكادیمی یا گەشەكری كەت. ھەروەسا سوپاسی و رێزلێنان ل د. زولەیخە عەبدولوەھاب عەبدولجەلیل، نوینەرا مامۆستایا یا بەرێ ھاتەكرن، ژبەر ھەولێن وێ یێن بەرچاڤ د بەرگریكرن ل مافێن مامۆستایا و پشكداریكرن د پێشئێخستنا سیاسەتێن فێركرنێ دا.

ڤەكرنا كۆلیژا پەروەردێ: وێستگەھەكا بەرچاڤ بۆ مەشقدانا مامۆستایا 

ئێك ژ گرنگترین بریارێن د روینشتنا جڤاتێ دا ھاتینە دان بریارا مێژوویی ب دامەزراندنا كۆلیژا پەروەردێ بوو، كو دێ ل سالا ئەكادیمی ٢٠٢٥ - ٢٠٢٦ ھێتە جێبەجێكرن. ئەڤ پێنگاڤە رەنگڤەدانا پێگیریا زانكۆیا دھۆك ب پێشئێخستنا بەرنامێن بەرھەڤكرنا مامۆستایا و پەرەپێدانا ڤەكۆلینێن پەروەردەیی و پشتبەستنكرنا پرۆگرامێن خواندنێ یێن نوی دكەت كو دابینكرنا پێدڤیێن كەرتێ فێركرنێ ل ھەرێما كوردستانێ دكەت.

🔹 دووبارە پێكئینانا پەیكەرێ پشكێن زانستی: دێ چەند پشكێن زانستی بۆ سەر كۆلیژا نوی ھێنە ڤەگوھاستن بۆ گەرەنتیكرنا پەیكەرەكێ ئەكادیمی یێ تمام.
🔹زێدەكرنا بسپۆریێن ئەكادیمی یێن نوی: دێ بوارێن فێركرنێ یێن نوی ھێنە زێدەكرن بۆ گونجاندن ل گەل پێدڤیێن كەرتێ فێركرنێ و پێشكەڤتنێن نوی د پرۆگرامێن خواندنێ دا.

ئەڤ دەستپێشخەریە ژ دیدگەھا زانكۆیا دھۆك بۆ دامەزراندنا ئابوورەكێ ل سەر زانینێ ئاڤاكری دھێت، كو مامۆستا ل دویڤ نویترین شێوازێن پەروەردەیی و فێركرنێ یێن جیھانی دھێنە بەرھەڤكرن.

بریارێن ستراتیژی و دەستپێشخەریێن پێشئێخستنێ: نەخشە رێكا زانكۆیا دھۆك بۆ ڤەگوھاستنا دیجیتالی 

جڤانتا زانكۆیێ ل سەر چەند دەستپێشخەریێن ستراتیژی رازی بوو كو پەرەپێدانا پێگەھێ زانكۆیا دھۆك وەك سازیەكا پیشەنگ دكەت.

1️⃣ بەرفرەھكرنا کۆلیژا پەروەردا بنیات - ئامێدیێ

🔹 جڤاتێ پێگیریا خۆ ب بەرفرەھكرنا كۆلیژا پەروەردا بنیات - ئامێدیێ كر، ل گەل دانانا پلانێن ڤەكرنا پشكێن ئەكادیمی یێن نوی، كو پشكداریێ د پەرەپێدانا دەلیڤێن خواندنا بلند ل سەرانسەری دەڤەرێن ھەرێما  كوردستانێ دكەت. 

2️⃣ ديجيتالكرنا ژێدەرێن ئەكادیمی 

🔹 بریار ب پرۆژێ ئەرشیفكرنا دیجیتالی یا ئەكادیمی ھاتە دان، كو دەستپێشخەریەكە ئارمانجا وێ ئەرشیفكرنا بەرھەمێ ئەكادیمی و ڤەكۆلینا یێ زانكۆیا دھۆكە ب شێوێ دیجیتالی، كو گەھشتنا قوتابی و مامۆستا و ڤەكۆلەرێن ناڤخۆ و دەرڤە بۆ ژێدەرێن زانستی ب ساناھی دئێخیت.

3️⃣ ڤەكرنا خۆلێن فێركرنا زمانێ توركی

🔹 د چوارچوڤێ پەرەپێدانا فرە زمانی و كەلتووری دا، جڤاتا زانكۆیێ ل سەر ڤەكرنا خۆلێن فێربوونا زمانێ توركی رازی بوو، كو دەلیڤێن زێدەتر بۆ قوتابیا بەردەست دكەت بۆ بەرفرەھكرنا كارامەیێن خۆ یێن زمانی و تێكەلبوون د لێكگوھۆرینا كەلتووری دا. 

4️⃣ پەرەپێدانا ڤەگوھاستنا دیجیتالی 

🔹 جڤاتێ تەكەز ل سەر بەردەوامیدانا تێكەلكرنا تەكنۆلۆژیا دیجیتالی د پرۆسێسێن ئەكادیمی و كارگێری د چوارچوڤێ ستراتیژیەتا ڤەگوھاستنا دیجیتالی یا زانكۆیا دھۆك كر، كو پەرەپێدانا داھێنانێ د رێكێن وانەگۆتنێ و باشتركرنا گەھشتن ب ڤەكۆلینا و بساناھیكرنا پرۆسێسێن زانكۆیێ دكەت.

5️⃣ پێشئێخستنا پرۆگرامێن ئەكادیمی یێن ل گەل پێدڤیێن بازارێ كاری د گونجن

🔹 جڤاتا زانكۆیێ وەك بەرسڤدان د گوھۆرینێن بلەز د بازارێ كاری دا، ل سەر ڤەكرنا پشكێن ئەكادیمی یێن نوی رازی بوو كو تەكەزێ ل سەر پێدنا قوتابیا ب كارمەیێن پێدڤی بكەت، بۆ گەرەنتیكرنا بەرھەڤكرنا كادرێن خودان شیان كو پێدڤیێن كەرتێن جودا دابینبكەن. 

6️⃣ دەستپێشخەریا ڤەگوھاستنا دومدار د ناڤ كەمپا زانكۆیێ دا 

🔹 د پێنگاڤەكا بەرەڤ دومداریا ژینگەھێ دا،  جڤاتا زانكۆیێ گەنگەشا پرۆژێ "سكوتەرێ كارەبایی" كر كو دابینكرنا ٧٠ سكوتەرا بێ بەرامبەر بۆ قوتابیێن زانكۆیێ بخۆڤەدگریت، ئەڤ جەندە ھاتن و چوونا قوتابیا د ناڤ كەمپا زانكۆیێ ب ساناھیتر دئێخیت.

دارێژتنا پاشەرۆژێ: پێگیریا زانكۆیا دھۆك ب جیاوازیا ئەكادیمی و پێشئێخستنا دامەزراوەیی 

ئەڤ بریارێن ھیڤی خواز دووپاتیێ ل سەر پێگیریا زانكۆیا دھۆك ب داھێنانا ئەكادیمی و پێشئێخستنا دامەزراوەیی و پەرەپێدانا سەركەڤتنا قوتابیا دكەت، ب رێكا تێكەلكرنا نویترین ستراتیژیەتێن فێركرنێ و بەرفرەھكرنا مەودایێ ھەڤكاریا ناڤدەولەتی و گونجاندنا پرۆگرامێن ئەكادیمی ل گەل پێدڤیێن بازارێ كاری، زانكۆرا دھۆك پەرەپێدانا پێگەھێ خۆ وەك سازیەكا پیشەنگ ل دەڤەرێ دكەت.

تؤكد هذه القرارات الطموحة على التزام جامعة دهوك بالابتكار الأكاديمي، والتطوير المؤسسي، وتعزيز نجاح الطلاب. ومن خلال دمج أحدث الاستراتيجيات التعليمية، وتوسيع نطاق التعاون الدولي، ومواءمة البرامج الأكاديمية مع احتياجات السوق، تواصل جامعة دهوك تعزيز مكانتها كمؤسسة تعليمية رائدة في المنطقة.

دیدگەھا ستراتیژی یا جڤاتا زانكۆیێ گەرەنتیا ئەوێ چەندێ دكەت كو زانكۆیا دھۆك دێ د پیشەنگیا خواندنا بلند دا مینیت كو زانین و كارامەیی و ژێدەرێن پێدڤی ب قوتابیا ددەت بۆ سەركەڤتنێ د ژینگەھا ركابەریا جیھانی دا.

إن الرؤية الاستراتيجية لمجلس الجامعة تضمن أن جامعة دهوك تظل في طليعة التعليم العالي، حيث تزود الطلاب بـ المعارف والمهارات والموارد اللازمة للنجاح في بيئة تنافسية عالمية.

📌 بۆ زانینا دویماھی پێشھات ل دۆر سیاسەتا زانكۆیا دھۆك یا ئەكادیمی، دەستپێشخەریێن ڤەكۆلینا، پرۆژێن ڤەگوھاستنا دیجیتالی چاڤدێریا پلاتفۆرمێن مە یێن فەرمی بكە.

📢 پەیڤێن سەرەكی:

🔹 پلانا ستراتیژی یا زانكۆیا دھۆك.
🔹 خواندنا بلند ل ھەرێما كوردستانێ."
🔹 ڤەگوھاستنا دیجیتالی د فێركرنا ئەكادیمی دا.
🔹 دەستپێشخەریێن دومداریا ژینگەھێ ل زانكۆیا
🔹 پرۆگرامێن ئەكادیمی یێن نوی ل كوردستانێ 

📍 راگەھاندنا زانكۆیا دھۆك | ٥ـی شوباتێ ٢٠٢٥
✍ نڤیسین: ماھر طاهر صالح