زانكۆيا دهۆك، ٥ـى كانوونا ئێكێ ٢٠٢٥ | نڤيسينگەها راگەهاندنا زانكۆيێ |

وەك پشكەك ژ هەلمەتا جيهانى يا ١٦ رۆژێن چالاكيان بۆ نەهێلانا توندوتيژيا دژى ژنان، زانكۆيا دهۆك، ب رێيا سەنتەرێ خواندنێن یەكسانیا جێندەری، دیدارەكا ئەكاديمى ل ژێر ناڤێ "ژ توندوتيژيێ بەرەڤ ئاشتيێ ب رێيا شیاندنێ" رێكئێخست. ئەڤ رێورەسمە ب سەرپەرشتيا د. داود سلێمان ئەتروشى، سەرۆكێ زانكۆيا دهۆك، هاتە گێران و پابەندبوونا زانكۆيا دهۆك ب بهێزكرنا خۆراگريا جڤاكى، پێشێخستنا یەكسانیا جێندەرى، و پشكداريكرن د ئاشتيا بەردەوام ل هەرێما كوردستانێ ديار دكەت.

ئەڤ ددیارە ب هەڤكارى دگەل رێكخراوا (LWF) هاتبوو رێكخستن و كومەكا بەرپرسێن حكومى، هەڤكارێن ناڤدەولەتى، و بسپۆرێن ئەكاديمى بخۆڤەگرتبوون. د ناڤ ئامادەبوويێن سەرەكى دا:

• د. ڤيان سلێمان، ژ نڤیسینگەها رێكخستنا پارتى دیموكراتی كوردستان
• رێزدار ماجد سەيد سالح، جێگرێ پارێزگارێ دهۆكێ
• رێزدار بريندار ئەحمەد، قایمەقامێ دهۆكێ
• نوينەرێن رێكخراوێن ناڤدەولەتى، شاندێن ديبلوماسى، و ماموستايێن كوليژێن جودا يێن زانكۆيا دهۆك

پەیڤێن دەستپێكرنێ و چارچوڤێ ستراتيژى

رێورەسم ب پەیڤا بخێرهاتنێ ژلايێ د. دلين سەردار زوهدى، رێڤەبەرا سەنتەرێ خواندنێن یەكسانیا جێندەرى دەستپێكر، يێ كو رۆلێ سەنتەرى يێ بەرفرەهـ د وارێ ڤەکۆلين و كارێ جڤاكى دا دياركرى.

پاشان پەیڤا سەرەكی ژ لايێ د. ڤيان سلێمان هاتە پێشكێشكرن، وێ باس ل رۆلێ گرنگ يێ ژنان د ئاڤاكرنا ئاشتيێ، رەوشا یەكسانیا جێندەرى ل هەرێما كوردستانێ، و ئەو ئاستەنگێن بەردەوام يێن ژن تووش دبنێ ژبەر توندوتيژيا پێكهاتەيى و كەلتوورى كر.

پەیڤەك ژ لايێ رێزدار كولينس ئونيانگو، نوينەرێ هەرێمى يێ (LWF) هاتە پێشكێشكرن، يێ كو تەەكەزى ل گرنگيا هەڤكاريێن ناڤدەولەتى كر بۆ بهێزكرنا چارچوڤێن نيشتيمانى بۆ پاراستن، خۆراگرى، و ششیاندنا ژنان. پەیڤا وى دوپاتى ل هەڤكاريا ب هێز يا د ناڤبەرا زانكۆيا دهۆك و (LWF) كر بۆ پێشێخستنا هەڤگرتنا جڤاكى.

پانێلا ئێكێ: رەهەندێن ياسايى و راستەڤینە يێن توندوتيژيێ – رێكێن بەرەڤ ئاشتيا دۆمدار
ئەڤ پانێلە ژ لايێ د. ساميە سەعيد خاليد ڤە هاتە برێڤەبرن، و تێدا شروڤەكرنێن بسپۆرانە ل سەر ميكانيزمێن دامەزراوەيى و ياسايى يێن تايبەت ب توندوتيژيێ هاتنە پێشكێشكرن:

• د. هنار مەعروف، سەرۆكا نڤيسينگەها سياسى ل كونسۆلخانەيا بريتانى، باس ل رێكێن كاريگەر كر بۆ رووبرووبوونا توندوتيژيێ ب رێيا پشكداریا جڤاكى، دەستێوەردانا زوو، و دەستپێشخەريێن كونسۆلخانەيێ بۆ پشتەڤانيا ژنان ل هەرێما كوردستانێ.
• د. كرمانج عوسمان، راوێژكارێ ياسايى ل وەزارەتا داد، ڕۆناهى ئێخستە سەر رۆلێ سەرەكى يێ دەستهەلاتا دادوەريێ د پەيداكرنا ژينگەهەكا پارێزەر و پاراستنا مافێن ژنان.
• دوكيومێنتاريەكێ كورت يێ چيرۆكا ژنەكێ ژ توندوتيژيێ بەرەڤ هێزداربوونێ نيشان دا كو رەهەندەكێ مروڤى يێ ب هێز دايە گەنگەشەيان.

پانێلا دوويێ: چارچوڤێن ستراتيژى بۆ شیاندنا ژنان و یەكسانیا جێندەرى
پانێلا دوويێ، يا كو ژ لايێ پ. هـ. زێرەڤان ئەمين عەبدوللا ڤە هاتە ب رێڤەبرن، ل سەر ميكانيزمێن پۆليسى و ستراتيژيێن شسیاندنێ راوەستا:

• موقەدەم لانا لوقمان، رێڤەبەرا نڤيسينگەها بەرەنگاربوونا توندوتيژيا دژى ژنان ل قەزا خەبات، تەكەزى ل گرنگيا سەركێشيا ژنان د كەرتێن ئەمنى و برياردانێ دا كر.
• خاتين شەرمين وەلى، بسپۆرا جڤاكى ل زانكۆيا سەلاحەددين-هەولێر، ديتنێن خۆ ل سەر ميكانيزمێن حكومەتا هەرێما كوردستانێ بۆ پێشێخستنا يەكسانیا جێندەرى دياركرن.
• خاتين بهار عەلى، رێڤەبەرا رێكخراوا ئێما، تاوتوێيا كاريگەريا جڤاكى يا پۆليسيێن يەكهەڤيا جێندەرى و رۆلێ وان د پێشڤەبرنا جڤاكى دا كر.

دیدار ب گەنگەشەيەكا هەڤپشك د ناڤبەرا پانێليست و ئامادەبوويان ب دويماهى هات، كو دەرگەهـ بۆ هەڤكاريا كويرتر، دەستپێشخەريێن ڤەکۆلينان، و پروگرامێن جڤاكى ڤەكرن.

پابەندبوونا زانكۆيا دهۆك ب یەكسانیا جێندەرى و كارێ جڤاكى

ئەڤ فۆرمە پشكەكە ژ ديتنا ستراتيژى يا بەرفرەهـ يا زانكۆيا دهۆك بۆ بهێزكرنا كارێ ئەكاديمى، شیاندنا تەخێن لاواز، و پشتەڤانيا دەستپێشخەريێن نيشتيمانى و هەرێمى يێن تايبەت ب نەهێلانا توندوتيژيێ. زانكۆ بەردەوامە ل سەر بەرفرەهكرنا رۆلێ خۆ وەك سەنتەرەك بۆ ڤەکۆلين، ديالۆگ، و دروستكرنا هەڤپشكیان كو پشتەڤانيا ئاڤاكرنا ئاشتيێ، مافێن مروڤى، و گەشەپێدانا بەردەوام ل هەرێما كوردستانێ دكەن.

بۆ ديتنا وێنەیان كليك ل ڤێرە بكە

نڤيسينگەها راگەهاندنا زانكۆيێ، ٥ـى كانوونا ئێكێ ٢٠٢٥
راپۆرت: روندك فاضل عادل
وێنە: محەمەد عەبدولكەریم تاهر