زانکۆیا دهۆک، ٢٨ـی خزیرانا ٢٠٢٥ـێ، نڤیسینگەها راگەهاندنا زانکۆیا دھۆك | کۆلیژا پزیشکیا ڤێتێرنەری ل زانکۆیا دهۆک پێشوازی ل د. عومەر ئەلكوتوبی، پسپۆرێ ناڤدار د دەستنیشانکرنا نەخۆشیێن گیانەوەرێن بچووک دا، ل ١ـی خزیرانا ٢٠٢٥ـێ كر، بۆ پێشكێشكرنا سیمینارەکا کاریگەر ب ناڤ و نیشانێ:

"رێكێن دەستنیشانكرنا نەخۆشیان ب رێكا نازۆرێ - ئەندۆسکۆپی ل دەڤ گانەوەرێن کەهی"

📍 جهـ: هۆلا سیمیناران، کۆلیژا پزیشکیا ڤێتێرنەری

د. عومەر ئەلكوتوبی نێرینێن بھادار ل دۆر بكارئینانا تەكنیكا نازۆرێ بۆ دەستنیشانكرن و چارەسەركرنا نەخۆشیان ل دەڤ گیانەوەرێن كەھی پێشكێشكرن، كو دەلیڤەیەكا جیاواز بۆ دەستەیا وانەگۆتنێ بەردەست بوو بۆ نیاسینا نویترین تەكنیكێن پشكداریێ د ئەنجامدانا ڤەگوھاستنەكا جۆری د پزیشكیا ڤێتێرنەری دا دكەن.

🔍 ئارمانجێن سەرەکی:

• نیشاندانا پەیرەوكرنێن دەستنیشانكرن و چارەسەركرنێ یێن پێشكەڤتی بۆ ئامیرێن نازۆرێ.
• دیاركرنا رۆلێ نازۆرێ د پشكنینا كارێ كۆئەندامێن جودا یێن گیانەوەران.
• تەکەزکرن ل سەر پێدڤیا راهێنانا پیشەیی یا بەردەوام د ڤێ بواری دا

🌟 خالێن گرنگ یێن سیمینارێ:

ئامیرێ نازۆرێ ئالاڤەكێ بچویكە دەلیڤا پشكنینا كۆئەندامێن ناڤخۆیی بەردەست دكەت.

پەیرەوكرن د پزیشکیا ڤێتێرنەری دا:

• ئەندۆسکۆپیا سیستەمێ هەرسکرنێ: بۆ دەستنیشانکرنا تەنێن نامۆ، وەرەم، برین و ھەودانان.
• ئەندۆسکۆپیا سیستەمێ هەناسەگرتنێ: بۆ ھەلسەنگاندنا گرتنا رێبارێن ھەوایی، كوخكا دومدار، نەخۆشیێن ڤەگر.
• ئەندۆسکۆپیا دفنێ: بۆ پشكنینا وەرەمێن دفنێ، ھەودان، رژینا بەردەوام.
• ئەندۆسکۆپیا میزلدانی: بۆ دەستنیشانکرنا بەرك، وەرەم و ھەودانا.
• ئەندۆسکۆپیا گەھان: بۆ دەستنیشانكرنا نەخۆشیێن گەھان وەكو ھەودانێن چوك و ھەستیا.

سوودێن ئەندۆسکۆپی:

• رێكارێن سڤك كو دەمێ چاكبوونێ و ئێشانێ كێمتر لێدكەت.
• دەلیڤا دیتنا ئێكسەر و دەستنیشانكرنا ھویر بۆ نەخۆشیێ بەردەست دكەت.
• شیانا وەرگرتنا سەمپلا بێی دەستكاری یان ئەنجامدانا نەشتەرگەریێ.

⚠️ تێبینیێن گرنگ بۆ بکارئینانا نازۆرێ - ئەندۆسکۆپی:

• پێدڤی ب سرکرنا گشتی ھەیە.
• تێچوویا وێ یا زۆرە، پتریا جاران ل سەنتەرێن تایبەتمەند دھێتە ئەنجامدان.

🎙️ دەربارەی پێشکێشکەرێ سمینارێ:

د. عومەر ئەلكوتوبلی پزیشكەكێ ڤێتێرنەری یێ جیهانی یێ ناڤدارە د بسپۆریا پزیشكی و پشكنینا گیانەوەرێن بچویك دا، شارەزاییەكا بەرفرەھ د ئەڤی بواری دا ھەیە.

ڤێرە کلیک بکە بۆ دیتنا وێنەیێن ڤێ ھەلكەڤتێ

نڤیسینگەها راگەهاندنا زانکۆیا دھۆك، ٢٨ـی خزیرانا ٢٠٢٥ـێ

راپۆرت ژ لایێ: فاطمه محمود علی، پەیمان فەخری تاهر

پەیڤێن سەرەکی:

• ئەندۆسکۆپیا پزیشکیا ڤێتیرنەری
• دەستنیشانکرنا نەخۆشیێن گیانەوەرێن کەهی
• تەکنیکێن پزیشکیا ڤێتێرنەری یێن سڤك
• نازۆرا دەستنیشانکرنێ یا پێشکەڤتی
• راهێنانا پزیشکیا ڤێتیرنەری