زانکۆیا دهۆك، تیرمەها ٢٠٢٦ | نڤیسینگەها ڕاگەهاندنا زانکۆیێ (UNPO) - زانکۆیا دهۆك شانازیێ ب قۆناغەکا دی یا کاروانێ قوتابییێن خۆ دبەت د دەمەکێ دا کو کۆلیژا پزیشكیا ڤێتێرنەری دەرچوونا خۆلەكا نوی یا پزیشكێن ڤێتێرنەری یێن پاشەڕۆژێ نیشان ددەت. ئەڤ وێنە پتر ژ هەلكەڤتەكا دەرچوونێ یە — ئەو چیرۆکا پێگیری، پێشکەڤتنا ئەکادیمی، و دەستپێکا کاروانێن پیشەیی یێن هیڤیبەخش یێن تەرخانکری بۆ ساخلەمییا گیانەوەران و خزمەتا گشتی ڤەدگێڕن.

میراتێ پێشکەڤتنێ د فێرکرنا ڤێتێرنەری دا

کۆلیژا پزیشكیا ڤێتێرنەری ل سالا ١٩٩٦ـێ هاتیە دامەزراندن، و ئێکە ژ دامەزراوەیێن ئەکادیمی یێن پێشەنگ یێن زانکۆیێ د وارێ فێرکرنا ڤێتێرنەری و ڤەکۆلینێن زانستی دا. کۆلیژ دکەڤیتە قەزا سێمێلێ، ب

دوورییا نێزیکی ١٤ کیلۆمەتران ژ کەمپێ سەرەکی یێ زانکۆیێ، و کۆمەکا بەرفرەهـ ژ بەرنامەیێن ئەکادیمی پێشکێش دکەت، ژ وان ژی باوەرنامەیێن بەکالۆریۆس، دبلۆما بلند، ماستەر و دکتۆرایێ. ب ڕێیا تاقیگەهێن خۆ یێن سەردەم، کلینیکێن فێرکرنێ و پێگیریا وێ ب پرۆسەیا بۆلۆنیایێ، کۆلیژ دەرچوویان ئامادە دکەت بۆ خزمەتکرنا کەرتێن سامانا گیانەوەری، سەلامەتیا خوارنێ، ساخلەمیا گشتی و پزیشكیا ڤێتێرنەری، دگەل بەشداریکردن د ڤەکۆلینێن زانستی دا ل سەر ئاستێن هەرێمی و ناڤدەولەتی.

رێزگرتن ل نڤشەكێ نوی یا تایبەتمەندێن ڤێتێرنەری

ئەڤ سالە، کۆلیژ ئاهەنگێ ب دەرچوونا ٦٠ قوتابیان دگێڕیت کو ب سەرکەڤتیانە کاروانەکێ ئەکادیمی یێ چر یێ پێن سالی ب دوماهی ئینایە کو فێربوونا تیۆری و ڕاهێنانێن کلینیکی و تاقیگەهی یێن چڕ

پێکڤە گرێداینە. ئەڤە دبنە هەڤپشک دگەل تۆرەکا دیار ژ ٧٤٠ پزیشكێن ڤێتێرنەری کو د ٢٥ خولێن دەرچوونێ دا ل ڤێ کۆلیژێ دەرچووینە، د دەمەکێ دا کو کۆلیژ د نوکە دا خزمەتا ٣١٦ قوتابیێن تۆمارکری دکەت. بۆ ڤان دەرچوویان، دەرچوون نە دوماهیا کاروانێ وان یێ فێرکرنێ یە، بەلکو دەستپێکا کاروانێن پیشەیی یە کو بۆ پاراستنا ساخلەمیا گیانەوەری، پێشڤەبرنا ساخلەمیا گشتی، بهێزکرنا ئاساییشا خوارنێ و پشتەڤانیکرنا گەشەپێدانا چاندنێ یا بەردەوام هاتیە تەرخانکرن.

ئامادەکرنا دەرچوویان بۆ بوارێن کارکرنێ یێن جۆراوجۆر

کۆلیژ دەرچوویێن خۆ ب زانین و شارەزاییێن پراکتیکی یێن پێدڤی بۆ پێشکەڤتنێ د کۆمەکا بەرفرەهـ یا بوارێن پیشەیی دا ئامادە دکەت. دەلیڤەیێن کاری نەخۆشخانە و کلینیکێن ڤێتێرنەری، دامەزراوەیێن حکومی یێن بەرپرس ژ گەشەپێدانا سامانا گیانەوەری، و کۆنترۆلکرنا نەخۆشییێن هەڤبەش، تاقیگەهێن دەستنیشانکرنا نەخۆشیێن ڤێتێرنەری، پیشەسازیێن دەرمان و ڤاکسینان، ڤەکۆلینێن زانستی، و سەلامەتییا خوارنێ و دلنیاییا جۆری بخۆڤەدگریت.

دەنگێ قوتابیان:

ئارمانج و هیڤیێن پشتی دەرچوونێ ل پشت هەر دەرچوویەكی چیرۆکەکا پێگیریێ، هیڤی، و پێشکەڤتنا کەسۆکی هەیە. د دەمێ وێنەگرتنا دەرچوونێ دا، چەندین دەرچوویان هزر د کاروانێ خۆ یێ ئەکادیمی دا کر و هیڤیێن خۆ بۆ پاشەڕۆژێ هەڤپشک کرن:

مریەم سەعید جۆرج

"د گەشتا خۆ ل کولیژێ، ئەز فێربووم کو ئەڤ کارە ژ چارەسەرێی دەرباز دبیت؛ هیڤیێن من ب دەستڤەئینانا باوەرناما ماستەرێ یە د بواری تەکنۆلۆجیا زیندی (Biotechnology) دا زانستێن بایۆلۆجی یێن مۆدێرن دگەل تەندروستی و چاڤدێریا گیانەوەری گرێدەم، ئەز ئامۆژگاریا قوتابیێن پاشەرۆژێ دکەم کو باوەری ب خۆ هەبیت؛ هەر چالنجەکا بەرنگار دبن، دەرفەتەکا ڕاستەقینەیە کو بهێزتربن و جیاوازتر بن ، ل دوماهیێ کەیفخۆشیا من تەمام بوو دگەل خێزان و هەڤاڵێن من ئەوین پشتەڤانیا من کری."

زیاد لقمان عثمان

"گەشتا من ل زانکۆیا دهۆك ئەزمۆنەکا گۆڕانکاریی بوو. ئەز فێربوم کو پزیشکيا ڤێتێرنەری زمانێ ژیانا بێدەنگە، و ئەڤ چەندە بوو سەرچاوێ من بۆ دروستکرنا پرۆژێ 'Vet Pix' دا چەمکێن ئاڵۆز بۆ هەڤاڵێن خۆ سادە بکەم، بۆ بەلاڤکرنا ڤەكۆلینێن چارەسەریێن پراکتیکی ئەوێن د خزمەتا تەندروستیا مرۆڤ و گیانەوەری دا . ئەز تەماشاى دەرچوونێ ناکەم وەک دوماهیا رێیێ، بەڵکو وەک دەستپێكەکا مەزنتر تێدا ل هیڤیێ مە شوێنپەنجەکا جیهانی ل دویف خۆ بهێلم د بوارێن پزیشکی و فسیۆلۆجی دا. ئەز ئەڤێ هێزێ ژ ئەزمۆنا سەربەخۆییێ وەردگرم یا کو من ژ ژیانا دوور د ناڤ پشكێن ناڤخۆیی یێن زانکۆیێ دا بدەستڤئینای ، گەشتەک کو پەیوەندیێن هەڤالینی یێن هەتا هەتایێ ئاڤا کرن."

محمد رجب یاسین

"پزیشکیا ڤێتێرنەری ئەز فێرکرم وەک زانایەکێ ڤەکۆلەر بیر بکەم، و د ناڤ پاتۆلۆجی و مایکرۆبایۆلۆجی سەرچاوەیێن نەخۆشیان ئاشکرا بکەم و تەندروستیا گشتی بپارێزم. ئاواتێ من ئەوە کو ئەز ببینم پیشەیا مە د جڤاکی دا ئەو نرخاندنا ڕاستەقینە بدەستڤەبئینيت ب رێیا دامەزراندنا نەخۆشخانەکا هه‌وارهاتنێ یا ڤێتێرنەری و پەیمانگەهەکا ڤەکۆلینان یا هەرێمي کو گرێدای زانکۆیێن جیهانی بیت. ئەز ل هیڤیێ مە کو زانياریێن تیۆری و ئەزموونا تاقیگەهان و هۆڵێن مەشقکرنێ بگۆڕم بۆ پشکداریێن بەرجەستە د دەستنیشانکرنا نەخۆشیان دا."

سوزيار صلاح محمد

"د درێژاهیا گەشتا خۆ دا، ئەز گەهشتمە شەیدایی و ئارمانجا خۆ یا بلنتر د ژیانێ دا: تێگەهشتن ژ پێدڤیێن گیانەوەران و چاڤدێريا وان، چونکی ئەوان شیانا ئاخڤتنێ نینە، و باشترکرنا جۆرێ ژیانا وان. ئاواتێ من یێ پیشەیی ل سەر کارکرنێ د بواری پاراستنا مافێن گیانەوەران و هۆشیاریا گشتی دا یە، و هاریکاریا جڤاکی—ب تایبەتی زارۆکان—دا کو دگەل ئەڤان زیندەوەران ب نەرمی سەرەدەریێ بکەن. ئەز هەروەسا ل هیڤیێ مە کار دگەل رێکخراوەیێن حکومی و پسپۆڕان بکەم بۆ بلندکرنا ستانداردێن چاڤدێریا گیانەوەری، و بەرنگاربوونا بکارئینانا دەرمان و ئالیکێن نەدۆست و نەپاراستی، و پشتەڤانیا بەرهەمێن گیانەوەری یێن ناڤخۆیی یێن خودان جۆرایەتیا بلند. د ئەڤێ گەشتێ دا، ئەز ئامۆژگاریا قوتابیان دکەم کەیفێ ژ گەشتا خۆ وەرگرن ، و د ناڤ چوارچۆڤێ ستانداردێن مرۆڤایەتی سەرەدەریێ دگەل وان زیندەوەران بکەن ئەوین شیانا سکالا و گۆتنی نەبیت."

ريان زهير خالد

"د ساڵێن خواندنا خۆ دا، ئەز شارەزا بووم و فێربووم چاوا د بارودۆخێن فشارا بلند دا ب ئارامی و لۆژیکی دگەل هەڤاڵ و مامۆستایێن خۆ کار بکەم. هیڤیێن من د پاشەروژێ دا ب جياوازی سەرکردایەتیێ بکەم، ورێڤەبرنا تیمێن سەرکەڤتی بکەم و بکارئێنانا شیانێن خۆ یێن تەکنیکی دروست بکەم دا بیرۆکەیێن داهێنەرانە وگۆڕانکار بەردەوام بن، دێ بەردەوام بم دئاڤاکرنا شیانێن خو و ئاڤاکرنا تۆرەکا بهێز ژ پەیوەندییان. ل دوماهیێ شانازیا دەرچوونێ هەتا هەتایێ دێ دگەل مە مێنیت ، وپەیاما من بۆ قوتابیێن پاشەرۆژێ پێکڤە کار بکەن؛ وفێربن کو فشار یا کاتیە و پاشەرۆژێ ئاڤا دکەت."

رضوان أحمد بشير

"هیڤیێن من یێن کاری دگرێداینە ب جیهانا ئەکادیمی و گوتنا وانان ل زانکۆیێ، وپشکدار بم د ڤەکۆلینێن زانستی د بوارێ (Genetic) ئەەێن ئارمانجا وان چارەسەریا نەخۆشیێن دۆمدرێژ . وهەروەسا داهێنانەکا تەکنۆلۆجی یا زیرەک یا تایبەت ب کێڵگەیێن گیانەوەری بۆ زێدەکرنا ئاسایشا خوارنێ و گرێدانا زانستی دگەل کارێ چاندنێ.

دەرچوونا من وێستگەهەکە تێدا من ئاهەنگا سەرکەڤتنێ گێڕا دگەل خێزان و هەڤاڵێن خۆ،. و ئەز ئامۆژگاریا قوتابێن پاشەرۆژێ دکەم کو مفا ژ هەر دەرفەتەکێ وەرگرن و خۆ ژ گەنگەشێن بێ بەرامبەر دوور بێخن، بلا گەنگەشە د ئەرێنی بن ومەبەست پێشکەڤتن بیت."

ل پشت ڕوویێن ب گرنژین ڤە

ئەڤ وێنە ژ بەلگەکرنا نەریتی یا ئاهەنگێن دەرچوونێ دەرباز دبن؛ ئەو ئەرشیفەکێ دیتباری نە کو ساتێن ئارمانج و حەزا پێگیریێ نیشان ددەن. ل پشت هەر دەربڕینەکا د ڤان وێنان دا کاروانێ قوتابیەکێ هەیە کو ب سەر دژوارییێن کۆرسێن تایبەتمەند و فشارێن ڕاهێنانا کلینیکی دا سەرکەڤتییە، و پەیوەندییا خۆ ب پزیشكیا ڤێتێرنەری گوهۆڕیە بۆ پاشەڕۆژەکا پیشەیی یا هیڤیبەخش.

هەروەسا وێنە تیشکێ دئێخنە سەر گیانێ هەڤالینیا ئەکادیمی یا بێهاوتا کو دەرچوو دگەل مامۆستا و هەڤالێن وان کۆمکرینە، کو مسۆگەر دکەت ئەڤ ڕۆژا بێهاوتا د دلێ وان دا وەک ساتەكا دیار د ژیانا وان دا بمینیت.

پتر ژ كەیفخۆشیا دەرچوونێ

ڕۆژێ قوتابی و ئەندامێن دەستەیا وانەگۆتنێ و هەڤال کۆمکرن بۆ دەستخۆشی ب سالێن پێگیری و دەستکەڤتان. هەر وێنەیەک نە ب تنێ

سەرکەڤتنا ئەکادیمی نیشان ددەت بەلکو هەڤالینی، ڕێنماییکرن، و یادگاریێن ژبیرنەچن یێن کو ئەزمۆنا زانکۆیێ یا دەرچوویان دروست کرینە ژی دەردبڕیت. ئەڤ ساتە هێمایە بۆ ڤەگۆهاستن ژ ژیانا زانکۆیێ بەرەڤ پراکتیزا پیشەیی و دەستپێکا دەلیڤەیێن نوی بۆ خزمەتکرنا جڤاکی.

ڤێرە کلیک بکە بۆ دیتنا گالەریا وێنەیێن دەرچوونێ

نڤیسینگەها ڕاگەهاندنا زانکۆیێ، ١٩ـی تیرمەها ٢٠٢٦

ڕاپۆرت ژ لایێ: فاطمە محمود عەلی پەیمان فەخری تاهر

وێنەگر: عەلی حەبیب حەبیب، محەمەد ع. تاهر، هەرمان جانگیر ئەحمەد، مێهڤان م. سالح