زانکۆیا دهۆک، ١٤ تیرمەها ٢٠٢٥ | نڤیسینگەها راگەهاندنا زانکۆیێ — کۆلیژا پزیشکیا ڤێتێرنەری ل زانکۆیا دهۆک (UOD) خۆلێن راهێنانا هاڤینێ بۆ قوتابیێن قۆناغا دویماهیێ دەستپێکریە، کو ل ١ـی تیرمەها ٢٠٢٥ـێ دەستپێکریە و هەتا حەفتێیا دویماهیێ یا مەها تەباخێ دێ بەردەوام بیت. ئەڤ راهێنانا پراکتیکی پێدڤیەکا فەرە بۆ دەرچوونێ و پشکەکا گرنگ یا بەرناما فێربوونا كرداری یا کۆلیژێ.

پرۆگرام کو ل ژێر چاڤدێریا راستەوخۆ یا کارگێڕیا کۆلیژێ هاتیە رێکخستن، ژ لایێ تۆڕەکا بەرفرەهـ یا پرۆفیسۆر، ڤەکۆلەر، و پسپۆرێن پزیشکیا ڤێتێرنەری ڤە دهێتە سەرپەرشتیکرن، کو دلنیایێ ددەت قوتابی ل گەل تەڤایی بیاڤێن پزیشکی و تەندروستیا گیانەوەران ئاشنا ببن — ژ پراکتیکێن نەشتەرگەری و دەستنیشانكرنا نەخۆشیان هەتا خۆدانكرنا گیانەوەرێن كەهی، تەندروستیا گشتی، و کارێ کۆمەڵایەتی.

• پرەک دناڤبەرا تیۆری و پراکتیکێ دا
  ئارمانجا راهێنانا هاڤینێ پڕچەککرنا پزیشکێن داهاتی ب شیانێن پراکتیکی، ئامادەكرن بۆ پیشەیێ یە، کو بشێن ب کارایی پشكداری د کەرتێ تەندروستیا ڤێتێرنەری، ئابووریێن پشتبەستی ب چاندنێ، و خزمەتگوزاریێن پزیشکیا ڤێتێرنەری یێن گشتی ل کوردستانێ و دوورتر بکەن.
• کاری جڤاكی
  ژ بلی راهێنانا ئەکادیمی، پرۆگرام ڕاوێژکاری و چارەسەریێن بلەز یێن پزیشکیا ڤێتێرنەری بۆ خودانێن گیانەوەرێن كەهی و گیانەوەرێن دیتر ل دەڤەرێ پێشکێش دکەت — کو تەکەز ل سەر پابەندبوونا کۆلیژێ ب کارێ جڤاكی و خێرخوازیا ڤیتێرنەری دكەت وەک پشکەک ژ پلانا ستراتیژی ٢٠٢٣-٢٠٣٨ یا زانکۆیا دهۆک.

کۆلیژا پزیشکیا ڤێتێرنەری یا کو بۆ پڕکرنا پێدڤیا زێدەبووی بۆ پزیشکێن شارەزا ل دەڤەرێ هاتبوو دامەزراندن، بەردەوامە ل پێشەنگکرنێ ب رێبازەکا گشتگیر یا کو تیۆری، پراکتیک، و پشكداریا جڤاکی تێکەل دکەت.

ڤێرە کلیک بکە بۆ دیتنا وینەیان

چالاکیێن کۆلیژا پزیشکیا ڤیتێرنەری و پرۆگرامێن راهێنانێ ل ڤێرە ببینە

نڤیسینگەها راگەهاندنا زانکۆیێ، ١٤ـی تیرمەها ٢٠٢٥
راپۆرت ژلایێ: فاطمە محمود علی، پەیمان فەخری تاهر

پەیڤێن سەرەکی:

• راهێنانا پزیشکیا ڤیتیرنەری دهۆک
• کۆلیژا پزیشکیا ڤێتیرنەری یا زانکۆیا دهۆک
• خۆلێن هاڤینێ یێن پزیشکیا ڤێتێرنەری
• پەروەردا پراکتیکی یا ڤێتێرنەری کوردستان
• تەندروستیا گیانەوەران و کارێ جڤاكی