ئەدنبرە | 14ـی کانوونا دووێ 2026، نڤیسینگەها راگەهاندنا زانکۆیێ (UNPO) —

وەک پشکەک ژ پێگیریا وێ یا ستراتیژی بۆ پێشێئێخستنا ڤەکۆلینێن زانستی، و هەڤپشكیا ئەکادیمی یا ناڤدەولەتی، و ئامادەبوون ل هەلكەڤنتێن جیهانی، زانکۆیا دهۆک (UOD) بەرهەڤبوونەکا زانستی یا بەرچاڤ تۆمارکر د کۆنفرانسێ "پیتاندنێ 2026" دا، کو نۆزدەهەمین کۆنفرانسێ ناڤدەولەتی یێ سالانە یێ "پیتاندن و زانستێن زاوزێ" یە و ل سەنتەرێ کۆنفرانسێن ناڤدەولەتی یێ ئەدنبرە (EICC) ل شاهنشینا ئێکگرتی (بەریتانیا) هاتە گێڕان.

د. زێرەڤان عەبدولرەزاق محەمەد، مامۆستا ل کۆلیژا پزیشکیا ڤێتێرنەری (CVTM) ل زانکۆیا دهۆک، ل 7-10ـی كانوونا دووێ، 2026، پشکداری د ڤێ كۆمبوونا جیهانی یا بناڤودەنگ دا کر، یا کو پێشەنگێن ڤەکۆلەران، و پزیشکێن کلینیکی، و زانایێن بوارێ زاوزێ و زانستێن پیتاندنێ ل خۆ کۆم دکەت. ئەڤ کۆنفرانسە ب هەڤپشكی ژ لایێ سێ دەستەیێن پیشەیی یێن ناڤدەولەتی ڤە دهێتە ڕێکخستن:

• کۆمەلا زانایێن زاوزێ و کلینیکی (ARCS)
• کۆمەلا بەریتانی یا پیتاندنێ (BFS)
• کۆمەلا زاوزێ و پیتاندنێ (SRF)

د دەمێ کۆنفرانسی دا، د. زێرەڤان ڤەکۆلینا خۆ یا كاریگەر پێشکێشکر ل ژێر ناڤونیشانێ:
"گونجاندنێن وەرزى د پێکهاتەيێن هوير و کيميايا بەرگريا شانەيى يا جۆگەيا سەرگونى (Epididymal Duct) ل دەڤ نێرێن بزنێن مەرەز."

ئەڤ ڤەکۆلینە تێگەهەکێ زانستی یێ پێشکەڤتی د فسیۆلۆژیا زاوزێ دا پێشکێش دکەت، و پشکداریێ دکەت د تێگەهشتنەکا کویرتر دا بۆ گونجاندنێن بایۆلۆژی یێن وەرزی ل دەڤ تەرش و کەوالی، و د هەمان دەم دا گرنگیەکا بەرفرەهتر هەیە بۆ پزیشکیا ڤێتێرنەری، و بایۆلۆژیا زاوزێ، و ڤەکۆلینێن بەرهەمهئینانا ئاژەلی.

پشکداریکرن د کۆنفرانسێن ناڤدەولەتی یێن ئاست بلند دا پابەندبوونا زانکۆیا دهۆک نیشان ددەت بۆ پێشێئێخستنا نایابیا ڤەکۆلینان، و پشتەڤانیکرنا لڤینا ناڤدەولەتی یا مامۆستایان، و بهێزکرنا ئالوگۆڕیا زانینیێ ل گەل کۆمەلگەهێن زانستی یێن جیهانی.

ب ڕێیا چالاکیێن زانستی یێن ناڤدەولەتی یێن ب ڤی ڕەنگی، زانکۆیا دهۆک بەردەوامە ل سەر بهێزکرنا ڤەکۆلەرێن خۆ دا کو بەرهەمێن خۆ ل سەر سەکۆیێن جیهانی نیشان بدەن، و پشتەڤانیا نویبوونێ د زانستێن ساخلەمی و ژیانێ دا بکەن، و پشکداریێ د پێشڤەبرنا زانینێ دا بکەن ل سەر ئاستێ هەرێمی و ناڤدەولەتی.

ڤێرە کلیک بکە بۆ دیتنا وێنەیان

نڤیسینگەها راگەهاندنا زانکۆیێ، 14ـی کانوونا دووێ، 2026
راپۆرت: فاطمە محمود عەلی، پەیمان فەخری تاهر