زانكۆیا دهۆك، ٢٤ـی كانوونا ئێكێ ٢٠٢٥ | نڤیسینگەها راگەهاندنا زانكۆیێ (UNPO)

زانكۆیا دهۆك دەستكەڤتەكێ ناڤدەولەتی یێ بەرچاڤ تۆمار دكەت، پشتی كو چاپتەرێ قوتابیان یێ كۆمەڵا كیمیایی یا ئەمریكی (ACS) — كو ئێكەم چاپتەرێ قوتابیان یێ (ACS)ـە ل ئیراقێ هاتیە دامەزراندن — ب فەرمی د گۆڤارا نووچەیێن كیمیایی و ئەندازیاری (C&EN) دا، كو بەڵاڤوكا سەرەكی یا كۆمەڵا كیمیایی یا ئەمریكی یە، هاتیە نیشاندان و بەڵاڤكرن.

ئەڤ دانپێدانا ناڤدەولەتی تیشكێ دئێخیتە سەر سەركەڤتنا چالاكیا هەفتیا كیمیایی یا نیشتیمانی ل ژێر ناڤێ "ژیانا ڤەشارتی یا بەهارتان"، كو ل مەها چریا ئێكێ یا ٢٠٢٥ـێ ل كۆلیژا زانست، ب هەڤكاری د ناڤبەرا پشكێن كیمیا و زینەوەرزانی دا هاتبوو ئەنجامدان.

گۆڤارا (C&EN) بنیاسە
گۆڤارا (C&EN) ژێدەرەكێ باوەریپێكری یێ هەفتیانە یێ كۆمەڵەیا كیمیایی یا ئەمریكی (ACS) یە، كو روومالا پێشهاتێن جیهانی د كیمیا، ئەندازیاریا كیمیایی، ڤەكۆلینێن زانستی، ترێندێن پیشەسازی، سیاسەتا گشتی، و پێشڤەبرنا كاری دا دكەت. ب هەبوونا پەیامنێران ل سەرانسەری ویلایەتێن ئێكگرتی، ئەوروپا، و ئاسیا، (C&EN) وەكی ژێدەرەكێ ب هێز یێ زانیاریان بۆ جڤاكا زانستێن كیمیایی یا ناڤدەولەتی دهێتە نیاسین.

رێبەریا نایاب
ئەڤ دەستكەڤتە ب رێبەریا یا د. سوهاد عەبدولرەحمان یاسین هاتە بدەستڤەئینان. وەك سەرپەرشتا لقێ، د. سوهاد رۆڵەكێ كاریگەر هەبوویە د ئاراستەكرنا تیمێ قوتابیان دا ب "حەز و ئارمانج"، و دووباره‌ ڤەژاندنا حەزا زانستی ل دەڤ قوتابیان، و پێگەهاندنا نڤشێ داهاتی یێ زانایان ب رێكا پشكداریا پراكتیكی.

سەركێشیا قوتابیان د كاركرنێ دا

• راپۆرت دەستخۆشیێ ل چاپتەری دكەت ژبەر دەركەڤتن ژ سنوورێن هۆڵا خواندنێ بۆ پێشڤەبرنا شیانێن نەرم (Soft Skills)، سەركێشی، و هەڤكاریا د ناڤبەرا پسپۆریان دا.
  هەڤ-سەرۆك (هێلین عیسا فەتاح) هاتە دەستنیشانكرن ژبەر سەركێشیا وێ د پركرنا كەلیێن د ناڤبەرا قوتابیێن زیندەوەرزانی و كیمیایێ دا.
• هەروەسا ئەندامان (رەیان حسێن ئەحمەد) و (زنار عەلی عەبدولماجد) هاتنە ناساندن ژبەر دلسۆزیا وان، كو ژ وێ وزەیا وێ جڤاكێ وەرگرتبوو یا د. سوهاد هاریكار د ئاڤاكرنا وێ دا.

چالاكی: ژیانا ڤەشارتی یا بەهارتان
تیمی ب سەركەڤتیانە چالاكیەكا داهێنەرانە و كارلێككەر رێكئێخست كو ئەڤ بڕگە بخۆڤەدگرتن:

• تاقیكرنێن ناسینا بەهارتان.
• هەڤڕكیێن تاقیگەهێ یێن پراكتیكی.
• هەڤكاریا د ناڤبەرا پسپۆریێن جودا (كیمیا و زیندەوەرزانی).
• دیاریێن دەستچێكری و نیشاندانێن زانستی.

ئەڤ دانپێدانا ناڤدەولەتی ڕەنگڤەدانا پێگەهێ زانكۆیا دهۆكە د تۆڕێن زانستی یێن جیهانی دا و پابەندبوونا وێ ب پێشئێخستنا خواندنا ل سەر بنەمایێ ڤەكۆلینان، سەركێشیا قوتابیان، و دیاربوونا ناڤدەولەتی، ل دویڤ پلانا ستراتیژی یا زانكۆیا دهۆك (٢٠٢٣-٢٠٣٨).

لینكێ نووچەی ل (C&EN):
بۆ دیتنا نووچەی ل ماڵپەڕێ C&EN ڤێرە كلیك بكە

نڤیسینگەها راگەهاندنا زانكۆیێ، ٢٤ـی كانوونا ئێكێ ٢٠٢٥
راپۆرت ژلایێ: فاطمە محمود علی، نیژین أ. عەلی