ل رێکەڤتی ١١ـی ئەیلوونا ٢٠٢٥، کۆلیژا زانست (CSCN) ل زانکۆیا دهۆک (UOD) پێشوازی ل شاندەکێ رێکخراوا یونیسێف ل رۆژهەلاتا ناڤین و باکوورێ ئەفریقیا و یونیسێف ل عیراقێ کر، کو ژ لایێ راگرێ کۆلیژێ، دکتۆر محەمەد عەزیز ئیبراهیم، و رێڤەبەرێ پەیوەندیێن ناڤدەولەتی، دکتور نەزار ئەمین محەمەد ڤە بخێرهاتن ل وی شاندی هاتە کرن. ئەڤ سەرەدانا ب مەرەما بەرفرەهکرنا هەڤپشکیێ و نیشاندانا سەرکەڤتنا پرۆژەیێ PAR بۆ قوتابیان، هاتە ئەنجامدان.

دەستکەڤتێن پرۆژەی PAR

پرۆژێ PAR شیان و پشکداریا جڤاکی یا قوتابیێن زانکۆیا دهۆک پتر لێ کریە:

ڤەکۆلینا پشكداریا کارا PAR ڕێبازەکا ڤەکۆلینێ یا هەڤکاریێ یەە کو تێدا ڤەکۆلەر دگەل ئەندامێن جڤاکی پێکڤە کاردکەن دناڤبەرا چەندین قۆناغێن پرسیارکرن، کارکرن، و ڕامانکرنێ دا، ب مەرەما دیتنا چارەسەریێن کرداری بۆ ئاستەنگێن جڤاکی یان ژینگەهێ.

دامەزراندنا بنگەهێ H2 Hub

یونیسێف پشتەڤانیا خۆ یا دارایی یا بەردەوام بۆ H2 Hub ل کۆلیژا زانست یا زانکۆیا دهۆک دوپات کر:

• بنگەهەکێ گرنگە بۆئەنجامدانا کۆمبوون و سیمیناران کو هاتیە دامەزراندن و نها ژ لایێ کۆلیژێ ڤە دهێتە بکارئینان.

هەڤپشکیێن جیهانی

ئەڤ هەڤکاریە ستراتیژیا ب ناڤدەولەتیکرنا زانکۆیا دهۆک دیار دکەت:

• هەڤپشکی د گەل سازیێن جیهانی یێن وەک یونیسێف.
• گونجاندن د گەل ئارمانجێن گەشەپێدانا دۆمدار (SDGs).
• بهێزکرنا دیاربوونا ئەکادیمی ل سەر ئاستێ هەرێمی و جیهانی.

بەرەڤ پاشەرۆژێ

راگرێ كۆلیژێ سوپاسیا یونیسێف کر بۆ پشتەڤانیا وێ یا بەردەوام، و تەکەز کر کو ئەڤ هابە (Hub) نوی دێ شیانێن قوتابیان پتر لێ کەت و ڕۆلێ زانکۆیا دهۆک د پێشڤەبرنا خواندن، داهێنان، و ئامادەکرنا بۆ بازارێ کاری دا دیار کەت.

ڤێرە کلیک بکە بۆ دیتنا وێنەیان

نڤیسینگەها راگەهاندنا زانکۆیێ، ئەیلوونا ٢٠٢٥
راپۆرت ژ لایێ: فاطمە محمود عەلی، نیژین ع. عەلی

پەیڤێن سەرەکی:

• هەڤپشکیا زانکۆیا دهۆک – یونیسێف
• H2 Hub یا زانکۆیا دهۆک ٢٠٢٥
• دەستکەڤتێن پرۆژێ PAR ل زانکۆیا دهۆک
• ب شیانکرنا قوتابیان و داهێنان ل کوردستانێ
• هەڤپشکیێن ناڤدەولەتی د خواندنا بل