زانکۆیا دهۆک – خزیرانا 2026 | نڤێسینگەها ڕاگەهاندنا زانکۆیێ (UNPO) —

زانکۆیا دهۆک وێنەگرتنا دەرچوونا گەرا هەژدێ یا كۆلیژا په‌روەردا جه‌سته‌یێ وزانستێن وه‌رزشی گێرا، کو ئەڤە ژی پێنگاڤەکا دی یا گرنگە د کاروانێ کۆلیژێ دا بۆ ئامادەکرنا دەرجوویێن شیان هەبن کار بکەن د بوارێن وەرزشی، پەروەردەیا جەستەیی، ساخلەمی، و پێشخستنا توانایێن وەرزشی دا.

کۆلیژەکا تەرخانکری بۆ سەرکەڤتن د زانستێن وەرزشی دا

كۆلیژا په‌روەردا جه‌سته‌یێ وزانستێن وه‌رزشی هاته‌ دامه‌زراندن وه‌ك پشکەک ل كۆلیژا په‌روه‌ردێ ل سالا 2004 – 2005 و بۆ كۆلیژه‌كا سه‌ربەخۆ ل 3-5-2005. ژ وی دەمی وەرە، گەشە کریە و بوویە ئێک ژ یەکەیێن ئەکادیمی یێن پێشەنگ ل زانکۆیێ.

پرۆگرامێ خواندنا بەکالۆریۆس بۆ ماوێ چوار ساڵان بەردەوام دبیت، و قوتابی دبنە هەلگرێن باوەرناما بەکالۆریۆس ب زانستێن وەرزشى. ماموستایێن کۆلیژێ بتر ژ پێنجى ماموستایێن هەلگرێ باورنامێن ماستەر و دکتورا و ناسناڤێن زانستى یێن جودانە. هەروەسا کۆلیژ رادبیت ب ڤەکرنا خواندنا ماستەر و دکتۆرایێ ب هەمان پسپورێن تیوری و گرێدان دگەل یاریێن وەرزشی.

فێربوون ل دەرڤەی پۆلێن خواندنێ

قوتابی مفا ژ ژینگەهەکا وەرزشی یا سەردەم وەردگرن. کۆلیژ پێکدهیت ژ سێ هولێن وەرزشى یێن مەزن و سەرەکی، ژ وان یاریگەها تەپا پێ ب پیڤەرێن ناڤدەولەتى، و هۆلا گرتی یا یارێن تەپا دەستى و ڤولیبولێ و باسکت بولێ و تەپا پێ یا دناڤ هۆلان (فوتسال)، و یاریگەهەکا تایبەت ب تەنسا ئەردى، و مەلڤانکەهەکا نیڤ ئۆلۆمپى. تێدا چەندین قارەمانیێن ناڤدەولەتى هاتینە ئەنجامدان وەک قارەمانیا روژئاڤایا ئاسیا یا باسکت بولێ و چەند قارەمانیێن تەپاپێ یا دناڤ هۆلان (فوتسال) یێن عراقێ و کوردستانێ. ئەڤ جهە نە ب تنێ پشتەڤانیا فێربوونا قوتابیان دکەن، بەلکو ئەزمۆنەکا مەیدانی یا راستەقینە ددەنە وان.

ئامادەکرنا دەرچوویان بۆ دەلیڤەیێن کاری یێن جودا

ژ رۆژا دامەزراندنا کۆلیژێ ماموستا هەول ددن ژبو دەرچوونا قوتابیێن شیان هەبن کار بکەن ل چەندین بواران، کو ئەڤە ژی ل گەل پلانا ستراتیژی یا زانکۆیا دهۆک دگونجیت. ژ وان بواران: ماموستایێن بابەتێ وەرزشی ل قوتابخانان، راهێنەری یاریا ل هۆل و ئەکادیمیێن وەرزشی، کارێ چارەسەریا هنگافتنێن وەرزشی، و ئەندامێن جڤاتا کارگێری د ئێکەتی و یانەیێن وەرزشی دا.

هەروەسا بۆ خزمەتکرنا جڤاکی، کۆلیژ رادبیت ب ڤەکرنا خۆلێن هاڤینى یێن فێرکرنا چەندین یاریێن وەرزشی وەک تەپا پێ، باسکت بولێ، ڤۆلیبولێ، مەلەڤانیا، تەنسا ئەردی، یاریێن جەنگی و جمناستک، کو هاریکاریا پێگەهاندنا نڤشێ داهاتی دکەت.

دەستخۆشی ل دەستکەڤت و دەستپێکێن نوی

رۆژا وێنەگرتنا دەرچوونێ پتر بوو ژ ب دوماهی هاتنا کاروانەکێ ئەکادیمی—بەلکو دەستپێکا قۆناغەکا نوی بوو بۆ نڤشەکێ دەرچوویان کو پێگیرن ب پێشخستنا ساخلەمیێ. دگەل پەیوەندیکرنا وان ب تۆڕا دەرچوویێن زانکۆیا دهۆک ڤە، ئەڤ دەرچوویە وێ زانین و شارەزاییا پیشەیی دگەل خۆ ڤەدگۆهێزن، و د ئامادەنە بۆ پێشکێشکرنا خزمەتێن بەرچاڤ بۆ جڤاکی.

دیتنا گەلەرییا وێنەیێن دەرچوونێ

ئەم داخوازێ ژ قوتابیان، خێزانان، و دەرچوویان دکەین کو سەرەدانا گەلەرییا وێنەیێن دەرچوونێ بکەن و ئاهەنگێ ب دەستکەڤتێن گەرا هەژدێ یا كۆلیژا په‌روردا جه‌سته‌یێ و زانستێن وه‌رزشی بگێڕن.

ڤێرە کلیک بکە بۆ دیتنا وینەیێن دەرچوونێ

تێبینی یا سەرنڤیسەری: ئەڤ بابەتە پشکەکە ژ زنجیرەیا روومالکرنا دەرچوونا قوتابیان ل زانکۆیا دهۆک، و دێ هێتە نوی کرن ب زانیاریێن زێدەتر و ئامارێن دەرچوونێ.

نڤێسینگەها ڕاگەهاندنا زانکۆیێ، 16ـی خزیرانا 2026

راپۆرت: فاطمە محمود عەلی،

وێنەگرتن:

عەلی حەبیب حەبیب

محەمەد ع. تاهر

هەرمان جانگیر ئەحمەد

مێهڤان م. سالح