كولیژا پزیشكی ددان سەرەدانا كەمپا قادیا یا ئاوارەیان كر
كولیژا پزیشكی ددان ل زانكۆیا دهۆك ب هەماهەنگی دگەل دەزگەهێ بارزانی یێ خێرخوازایێ سەرەدانا كەمپا قادیا یا ئاوارەیان كر.
د. میرزا مراد مامۆستایێ زانكۆیا دهۆك ل كولیژا پزیشكی ددان گۆت: سالانە ئەم قۆتابیێن خۆ دبینە قۆتابخانێن سەرەتایی و نافنجی یان كەمپەكێ، كۆ قوتابیێن كولیژا پزیشكی ددان راهێنانێ بوان دكەن ژبۆ چەوانیا پاقژكرنا ددان.
د. میرزا مراد گۆت ژی: ئارمانجا مە ژڤێ چەندێ ئەوە ئەم ئاستێ رەوشەنبیریێ پاقژكرنا ددان دناڤ جڤاكێ خودا بلند بكەین، دهەمان دەمدا قۆتابیێن مە ژی ڤێر ببن دێ چەوان و ب چ رێك سەرەدەریێ دگەل نەساخان كەن.
لدووماهیێ ژی هەر قۆتابیەكی فرجە و مەعجوونێن ددان لسەر هاتنە بەلاڤەكرن.
راگەهاندنا زانكۆیا دهۆك: هەلز عەلی سەلیم
