زانکۆیا دهۆك، چریا ئێکێ ٢٠٢٦ | نڤیسینگەها راگەهاندنا زانکۆیێ (UNPO) — کۆلیژا یاسا ل زانکۆیا دهۆك (UOD)، ل ژێر چاڤدێریا د. ئەڤین خالد عەبدولرەحمان، راگرا کۆلیژێ، مێزگەردەکا تایبەت ل ژێر ناڤونیشانێ "پێشکێشکرنا سەرنج و پێشنیاران سەبارەت ب پرۆژە یاسایا ناوبژوانی یا عیراقی" رێکئێخست.

ئەڤ مێزگەردە ل دویڤ داخوازا نوینەرایەتیا حکومەتا هەرێما کوردستانێ ل بەغدا، و پشتی رەوانەکرنا پرۆژە یاسایا ناوبژوانی یا عیراقی ژ لایێ وەزارەتا خواندنا بلند و ڤەکۆلینێن زانستی بۆ کۆلیژێن یاسایێ ل هەرێما کوردستانێ هاتە ئەنجامدان. مەرەم ژ ڤێ دەستپێشخەریێ کۆمکرنا سەرنج و پێشنیارێن ئەکادیمی و یاسایی یە کو دشێن پشکداریێ د پێداچوون و باشترکرنا پرۆژە یاسایێ دا بکەن.

ئەڤ چالاکیە ب پشكداریا ژمارەیەك مامۆستا، ئەکادیمی و پسپۆرێن بوارێ یاسایی هاتە

ئەنجامدان، ب پشکداریا دادوەر فرهاد، جێبەجێکارێ دادپەروەری بەرێز هاریڤان، و پارێزەرێ راوێژکار محەمەد حەسەن. گفتوگۆیان تیشك ئێخستە سەر ڤەکۆلینا ماددە و دەقێن پرۆژە یاسایێ، ئالوگۆڕکرنا دیتنێن یاسایی، و دەستنیشانکرنا پێشنیاران ژبۆ بهێزکرنا رۆنی و کاریگەریا یاسایا پێشنیارکری.

هەروەسا، لێژنەیا زانستی یا کۆلیژێ پشکداری د ڤێ مێزگەردێ دا کر. ئەڤ لێژنەیە ژ د. عەبدوللا فازل حامد، هاریکارێ راگرا کۆلیژا یاسا؛ د. فرهاد سەعید سەعدی؛ د. نەشوان خالد؛ و م. هڤرست عەرەفات ئەحمەد، رێڤەبەرا یەکا دلنیایی یا جۆری ل کۆلیژێ، پێکهاتبوو. لێژنا ناڤبری ئەرکێ ڤەکۆلینا پرۆژە یاسایێ و ئامادەکرنا سەرنج و پێشنیارێن زانستی و یاسایی یێن ژ گفتوگۆیان دەرکەڤتین ب ستوهێ خۆ ڤە گرت

ئەڤ مێزگەردە پابەندبوونا کۆلیژا یاسا ب پێشکێشکرنا شارەزایێن ئەکادیمی و پیشەیی یێن یاسایی د پرۆسەیا دانانا یاسایان دا نیشان ددەت، دگەل پشتەڤانیکرنا پێداچوون و پەرەپێدانا پرۆژە یاسایان ب شێوەیەکێ کو دگەل پێدڤی و پێشهاتێن یاسایی یێن سەردەم بگۆنجیت.

ڤێرە كلیك بكە بۆ دیتنا وێنەیان

نڤیسینگەها راگەهاندنا زانکۆیێ، چریا ئێکێ ٢٠٢٦
سەرنڤێسەر: فاطمە محمود عەلی

راپۆرت ژ لایێ: یاسین ئیسماعیل عەبدوللا