زانکۆیا دهۆك، ١٢ـی ئیلۆنا ٢٠٢٦، نڤیسینگەها راگەهاندنا زانکۆیێ (UNPO) | کۆلیژا یاسا ل زانکۆیا دهۆك وۆرکشۆپەکا زانستی ل ژێر ناڤونیشانێ "سیستەمێ پێنج سالی ل کۆلیژێن یاسا ل هەرێما کوردستانێ" سازکر. مەرەم ژ ڤێ وۆرکشۆپێ کۆمکرنا راگرێن

کۆلیژێن یاسا بوو ل زانکۆیێن دهۆك، زاخۆ و نەورۆز، بۆ هەلسەنگاندنا ئەزموون و کارایی یا سیستەمێ پێنج سالی یێ خواندنا یاسایی.

ئەڤ وۆرکشۆپە ل رۆژا ٧ـی ئیلۆنێ، ب ئامادەبوونا د. ئەڤین خالد عەبدولرەحمان راگرا کۆلیژا یاسا ل زانکۆیا دهۆك، د. هەژار جەمال یاسین راگرێ کۆلیژا یاسا ل زانکۆیا زاخۆ، و د. دلشاد عەبدولرەحمان يوسف راگرێ کۆلیژا یاسا و زانستێن سیاسی ل

زانکۆیا نەورۆز، هاتە ئەنجامدان.

روینشتن و دانوستاندنان تیشك خستە سەر هەلسەنگاندنا رادەیێ سەرکەڤتنا ڤی سیستەمی د گەهاندنا ئارمانجێن خۆ یێن ئەکادیمی و پیشەیی دا، ب تایبەتی د باشترکرنا کوالیتیا خواندنا یاسایی، ئامادەکرنا دەرچوویان بۆ بازاڕێ کاری، و پەرەپێدانا توانایێن

زانستی و پراکتیکی یێن قوتابیان دا.

د ماوەیێ وۆرکشۆپێ دا، مامۆستایان و شارەزایێن بوارێ یاسایێ گرنگترین خاڵێن ئەرێنی و نەرێنی یێن ئەڤی سیستەمی خستنە بەر باس. وان ب تایبەتی ئاماژە ب وێ چەندێ دا کا ئەڤ سیستەمە تا چ رادە رۆلەکێ گرنگ د بڵندکرنا زانیارییێن یاسایی، پەرەپێدانا

ڤەکۆلینێن ئەکادیمی، و زێدەکرنا دەلیڤەیێن راهێنانا پراکتیکی دا هەبوویە. ل هەمبەر وێ چەندێ، پشكداران چەند ئالنگاری و گرفت ژی دیارکرن، وەکو درێژبوونا ماوەیێ خواندنێ، بارێن دارایی و کۆمەڵایەتی ل سەر قوتابیان، و پێدڤییا نویکرن و پێشخستنا

بەرنامە و پرۆگرامێن خواندنێ ب شێوەیەکێ بەردەوام.

هەروەسا، پشكداران تەکەزی ل سەر گرنگیا ئەنجامدانا هەلسەنگاندنەکا زانستی و بابەتی یا ب پشتبەستن ب بەڵگەیان بۆ ڤی سیستەمی کرن، داکو بهێتە دیارکرن کا ئەڤ سیستەمە هێشتا ئارمانجێن خۆ یێن سەرەکی جێبەجێ دکەت یان نا، و کا پێدڤی ب پێداچوونێ یان

پێشئێخستنەکا زێدەتر هەیە.

ل دووماهیا وۆرکشۆپێ دا، کۆمەکا راسپاردە و پێشنیاران هاتە دارێژتن بۆ وێ چەندێ پێشکێشی وەزارەتا خواندنا بلند و ڤەکۆلینێن زانستی و لایەنێن پەیوەندیدار بهێتە کرن. ئەڤ راسپاردەیە ئارمانج پێ پشتەڤانیکرنا بڕیاردانەکا زانستی و دروستە دەربارەی

پاشەڕۆژا سیستەمێ پێنج سالی، ل سەر بنەمایێ ئەنجام، بەڵگە و هەلسەنگاندنێن ئەکادیمی یێن گشتگیر.

ئەڤ وۆرکشۆپە رەنگڤەدانا پابەندبوونا زانکۆیا دهۆکە ب مسۆگەرکرنا کوالیتیێ، پێشئێخستنا ئەکادیمی، بڕیاردان ل سەر بنەمایێ بەڵگەیان، و پێشڤەچوونا بەردەوام د خواندنا بلند دا، کو دگەل پلانا ستراتیژی یا زانکۆیێ و تەكەزیا وێ ل سەر بهێزکرنا

پرۆگرامێن ئەکادیمی و ئامادەکرنا دەرچوویان بۆ پێدڤییێن پیشەیی و جڤاکی دگونجیت.

ڤێرە كلیك بكە بۆ دیتنا وێنەیان

نڤیسینگەها راگەهاندنا زانکۆیێ، ١٢ـی ئیلۆنا ٢٠٢٦

راپۆرت ژ لایێ: فاطمە محمود عەلی، یاسین ئیسماعیل عەبدوڵڵا