زانکۆیا دهۆک وۆرکشۆپەکێ ل دۆر چاندنا ددانان و چارەسەریێن "گرنژینا پدیێ" رێكدئێخیت
📍 زانكۆیا دهۆك | گۆلانا ٢٠٢٥ـێ – نڤیسینگەها راگەھاندنا زانکۆیا دھۆك (UNPO) | د چوارچۆڤێ پابەندبوونا خۆ یا بەردەوام بۆ پێشڤەبرنا زانستێن پزیشکی و راهێنانا پیشەیی دا، کۆلیژا پزیشكیا ددانان ل زانکۆیا دهۆک وۆركشۆپەكا تایبەت ب ناڤێ "رێبازێن گشتگیر د چارەسەرکرنا گرنژینا پدیێ دا" رێكئێخست کو پانێلەکێ گرنگ یێ تایبەت تێدا هاتە دانان ئەنجامدا ب ناڤێ "پرنسیپێن سەرەكی د چاندنا ددانان دا" و تەوەرەكێ بەرفرەھ ل ژێر ناڤۆنیشانێ "ڤەكۆلینێن گشتگیر بۆ چارەسەركرنا گرنژینا پدیێ" ب خۆ ڤە گرت.
ھژمارەكا مامۆستا و بسپۆرێن پزیشكیا ددانا پشكداری وۆركشۆپی بوون ئەو ژی:
- پ . د. نادیا تەوفیق جەعفەر
- پ . د. سەبریا نەجیب ئیبراهیم
- پ . د. بەنگین محەمەد کەریم
- عەهد نەجمەدین عەبدوڵا
- فاتن ئیبراهیم فەزلەدین
- چنار موسا سلێمان
🎓 تەوەرێن سەرەكی یێن ورۆكشۆپێ:
- شرۆڤەکرنا کویر یا پاشخانا گرنژینا پدیێ وەكو زێدە گەشەكرنا پدیا سەری، یان كورتی یان زێدە لڤینا لێڤێ و دیاربوونا ددان و ھەستیان.
- گەنگەشا لایەنێن جوانكاری یێن دیزاینكاری د قەرەبووكرنا ددانا دا، كو رێژەیێن درێژی و فرەھیێ بخۆڤەبگریت و دیزاینا پدیێ و ھەلبژارتنا مادێن گونجای وەكو سیرامیكێ روھن.
- شرۆڤەكرنا ھێلا گرنژینێ و خۆكاریا لیڤێ ب رێكا بكارئینانا تەكنیكێن دیزاینا دیجیتالی بۆ گرنژینێ (DSD)
زێدەباری پشكداریا ئەڤی وۆركشۆپی د چارەسەركرنا ئاستەنگێن تەکنیکی د پزیشكیا ددانان دا پێنگاڤەكا هەڤڕێزە ل گەل پلانا ستراتیژی یا زانکۆیا دهۆک بۆ نایابیا ساخلەمی و زانستی.
🦷 کۆلیژا پزیشكیا ددانان یا بەردەوامە وەک ناڤەندەکا هەرێمی ئارمانجا وێ گرێدانا تیۆری ل گەل پراكتیككرنا کلینیکی د چاڤدێریا تەندروستیا دەڤی و ددانان دا.
ڤێرە كلیك بكە بۆ دیتنا دیمەنان
نڤیسینگەها راگەھاندنا زانكۆیێ، گولانا ٢٠٢٥ـێ
راپۆرت ژ لایێ: فاطمه محمود علی.
پەیڤێن سەرەکی:
- زانکۆیا دهۆک
- وۆركشۆپا چاندنا ددانان
- چارەسەرکرنا گرنژینا پدیێ
- كۆلیژا پزیشكیا ددانان