بەرچاڤكرنا نویترین تەكنۆلۆژیا چارەسەریا بایۆلۆژی بۆ رزینێن ددانان و نویكرنا وان

📍 زانكۆیا دهۆك – 11ـی گولانا 2025ـێ | نڤیسینگەها راگەهاندنا زانكۆیێ (UNPO) | د چارچۆڤێ پابەندبوونا خۆ یا بەرەڤ پێشبرنا راهێنانا كلینیكی و هەڤكاریا ناڤدەولەتی دا، زانكۆیا دهۆك (UOD) وۆركشۆپەكا جیهانی ب ناڤێ "Minimally Invasive Endodontics" برێڤەبر. وۆركشۆپ ژ لایێ د. ئاواز شەریف ڤە  مامۆستا ل زانكۆیا تشیستر ل شاھنشینا ئێكگرتی ڤە هاتە پێشكێشكرن، کو باوەرناما ماستەر د بسپۆریا چارەسەریێن (Endodontics) بدەستڤەئینایە.

وۆركشۆپ ل كۆلیژا پزیشكیا ددانان یا زانكۆیا دهۆك هاتە برێڤەبرن، ب ئامادەبوونا پزیشكێن ددانان و قوتابیێن خواندنا بلند و مامۆستایێن كۆلیژێ، ئارمانجا وۆركشۆپێ باشتركرنا شیانێن دەستنیشانكرن و چارەسەركرن د رێكێن چارەسەری یێن نەخۆشیێن ددانا و بكارئینانا شێوازێن نوی بۆ پاراستنا بایۆلۆژی یا تەڤنێ ددانی.

🧠 ئارمانجێن وۆركشۆپێ و كارتێكرنا كلینیكی

وۆركشۆپ خواندنەكا كویرتر بۆ رێكێن بایۆلۆژی د نویكرنا ددانان دا پێشكێشكر، كو ئەڤ تەوەرێن ل خوارێ بخۆڤەگرتن:

• نیشاندانا گەشەیا میژووی و پێشڤەچوونا (Endodontics) و چارەسەریا بایۆلۆژی بۆ ددانان.
• جوداھی د ناڤبەرا ئەو حالەتێن پێدڤی ب:
  • داپۆشینا نەراستەوخۆ بۆ ددانی. 
  • داپۆشینا راستەوخۆ بۆ ددانی.
  • برینا پشكەكێ ژ ددانی.
  • برینا تمام یا ددانی. 
  • چارەسەریا كەنالێ رەگی (R.CT)
• پێناسەكرنا چارەسەریا رزینا ددانی و چارەسەریا بایۆلۆژی (Endodontics) وەك رێكێن بایۆلۆژی یێن چارەسەركرنا ددانان.
• گەنگەشەیا حالەتێن كلینیكی یێن پێدڤی ب ئەڤان رێكارێن چارەسەریێ یێن بایۆلۆژی ھەی.
• پێشكێشكرنا حالەتێن كلینیكی یێن نوی، وەك نیشاندانێن تێر و تەسەل بۆ رێكێن چارەسەركرنێ یێن كار پێ دھێتەكرن.

د. ئاواز شەریف تەكەز ل سەر گرنگیا تەكنیكێن نوی كر كو ڤەگوھاستنەك جۆریە بۆ پاراستنا ددانان و باشتركرنا ئەنجامێن چارەسەریێ یێن درێژخایەن دا ب تایبەتی بۆ زارۆك و گەنجان.

🎯 ھەڤگۆنجانا ستراتیژی ل گەل دیدگەها زانكۆیا دهۆك 2023–2038

ئەڤ وۆركشۆپە ب راستەوخۆ ل گەل ئارمانجێن ستراتیژی یێن زانكۆیا دهۆك دگونجیت ب رێكا:

• هاندانا داهێنان و نویكرنێ د پەروەردە و چارەسەریا بەلگەدار.
• باشتركرنا ھەڤكاریێن ئەكادیمی یێن ناڤدەولەتی و پەرەپێدانا ستافێ ئەكادیمی.
• بەرزكرنا شیانێن دەرچوویێن كۆلیژا پزیشكیا ددانان یا زانكۆیا دهۆك.
• پشتەڤانیكرن ل فێربوونا كارلێكرنێ ل گەل ستاندارێن پزیشكی یێن جیهانی و فرە بسپۆری.
• پشكداریكرن د ناڤودەنگیا زانكۆیا دهۆك وەك ناڤەندەكا جیاواز د زانستێن تەندروستیدا.

ڤێرە كلیك بكە بۆ دیتنا وێنەیێن ڤێ بۆنەیێ

📎 نڤیسنگەها راگەهاندنا زانكۆیێ |11ـی گولانا 2025ـێ
📝 راپۆرت ژ لایێ: فاطمة محمود علی
📸 وێنەگرتن ژ لایێ: تیما راگەهاندنا زانكۆیا دهۆك

🔍 پەیڤێن سەرەكی:

• وۆركشۆپێ (Minimally Invasive Endodontics) زانكۆیا دهۆك
• ساخلەمیا ددانان ل كوردستانێ
• چارەسەریا (Endodontics) 
• د. ئاواز شەریف
• راهێنانا كلینیكی د پەروەردا پزیشكیا ددانان یا زانكۆیا دهۆك.