زانكۆیا دهۆك ، ٦ـی چریا ئێکێ، ٢٠٢٥ . نڤیسینگەها راگەهاندنا زانکۆیێ (UNPO) | وەک پشكەك ژ هەڤکاریا ئەکادیمی یا بەردەوام دناڤبەرا زانکۆیا دهۆک و زانکۆیا تەکنیکی یا دۆرتمۆند دا، وۆرکشۆپەکا دوو رۆژی ل دۆر پلاندانان و پەرەپێدانا پشكداریكرنێ ب سەرکەڤتیانە ژ ٢٩-٣٠ـی ئەیلوونا ٢٠٢٥ ل کۆلیژا پلانسازیا شار و هەرێمان ل زانکۆیا دهوک هاتە برێڤەبرن.

ئەڤ دەستپێشخەریە پشكەكە ژ پرۆژەكێ پشتەڤانکری ژ لایێ DAAD ڤە ل ژێر ناڤێ "پێشڤەبرن و بهێزكرنا پشكداریێ ل هەرێما كوردستانێ"، ئارمانجا وی هاندانا پراکتیکێن پلاندانانا بەرفرەهـ ل سەرانسەری هەرێما کوردستانێ یە ب رێیا پشكداریكرنا رێڤەبەریێن حکومی و رێکخراوێن نەحکومی د پرۆسەیا پەرەپێدانێ دا.

ئەڤ وورکشوپە هاتبو ئامادەکرن بۆ رێڤەبەر و رێکخەرێن كەمپێن پارێزگەها دهۆكێ، ب هەماهەنگیا دەزگەهێ بارزانی یێ خێرخوازی (BCF)، کو سەرپەرشتیا كەمپێن ئاوارە و پەنابەران ل پارێزگەها دهۆكێ دکەت.

ئەڤ وورکشوپە ل ژێر پڕۆژەكێ هەڤپشكە ل ناڤبەرا کۆلیژا پلانسازیا شار و هەرێمان ل زانكۆیا دهوك و زانكۆیا دورتموند یا تەکنیکی، ب پشتگیریا DAAD، کو دەستپێکر ل ١ـی ئادارا ٢٠٢٥ـێ و دێ یێ بەردەوام بیت هەتا ٣١ـی کانوونا ئێکێ، ٢٠٢٥.

مێڤاندارێن وۆرکشۆپێ و سەرکردایەتی

وۆرکشۆپ ل ژێر چاڤدێریا د. بەشیر ئەحمەد محەمەد سەعید، سەرۆکێ پشکا پلاندانانا جهەکی ل زانکۆیا دهۆک، و د. یۆهانێس لوکێنکۆتەر، رێكخەری پرۆژەی ژ زانکۆیا تەکنیکی یا دۆرتمۆند، هاتە رێکخستن. هەروەسا پشتەڤانیەکا بەرچاڤ ژ لایێ د. محەمەد عەلائەدین عەقیقی، د. ئەیهان جەمال تەها، صلاح خديدە، سامان فەخرەدین عەبدولکەریم، بەرەڤان فەیسەل عەبدولجەبار، ئەلند کەمال عوسمان، هۆزان فەوزی محەمەد سەلیم و هەدیل ابراهیم یازدین ڤە هاتە پێشکێشکرن.

روینشتنێن كاریگەر ل دۆر پلاندانان و پەرەپێدانا پشكداریكرنێ

وۆرکشۆپێ کۆمەکا روینشتنێن راهێنانێ یێن كاریگەر ب خۆ ڤە گرتن کو بۆ باشترکرنا شیانێن دامەزراوەیی بۆ پلاندانانا شارسازی یا گشتگیر هاتبوون دیزاینکرن. خالێن دیار ئەڤە بوون:

• مفا و ئاستەنگێن پشکداریێ.
• ڕاهێنان ل دۆر ئاریشەیان.
• ئاستەنگێن کەمپان.
• دیزاینکرنا پروسەیا پلاندانانا پشکداریێ
  • دیارکرنا بابەتان یان ئاریشان
  • دانانا ئارمانجێن پشکداریێ
  • دیارکرنا ئەنجامێن بەرچاڤ
  • ئەنجامدانا شلۆڤەکرنان بۆ خۆدانین بەرژەوەندیێ

پێنگاڤێن داهاتی

چەندین وۆرکشۆپ و چالاکیێن هەڤکاریێ هاتینە پلانکرن، دگەل دویماهیهاتنا پرۆژەی د دویماهیا سالێ دا. ئەڤ هەڤپەیمانیە هەولددەت کو گوهۆڕینێن بەردەوام د دامەزراوەیان دا ب رێیا پارڤەکرنا زانین و ستراتیژیێن پلاندانانێ دروست بکەت، و ناڤەندەکا فەرمی یا پلاندانان و پەرەپێدانا پشكداریكرنێ ل زانکۆیا دهۆک دامەزرینیت.

دیتنا ستراتیژی: زانکۆیا دهۆک دێ بەردەوام پشتەڤانیا ڤەكۆلینێن كرداری کەت یێن کو سیاسەتێن باژێرڤانیێ پێشدئێخن، ل گەڵ ئارمانجێن درێژخایەن بۆ بەرخۆدانا شارسازی، پلاندانانا هەرێمی، و بەرپرسیارەتیا ژینگەهی.

گونجاندن ل گەل پلانا ستراتیژی یا زانکۆیا دهۆک

ئەڤ دەستپێشخەریە پشتەڤانیێ ل پلانا ستراتیژی یا زانکۆیا دهۆک (٢٠٢٣-٢٠٣٠) دکەت، ب تایبەتی تیشکێ دئێخیتە سەر گرنگیدانا جڤاکی، گەشەپێدانا شیانان، و هەڤکاریا ناڤدەولەتی.

• ب شێوازێ ب هێزکرنا ڕێڤەبەرنا کەمپان و پێشڤەبرنا پلاندانانا پشکدارانە، زانکۆیا دهۆک ڕاستەوخۆ پشکداریێ د گەشەپێدانا دۆمدار دا ل سەرانسەری هەرێما کوردستانێ دکەت.
• هەڤکاریا ل گەل زانکۆیا تی یو دۆرتموند (TU Dortmund University) نیشاندەرا گرنگیدانا زانکۆیا دهۆکە بۆ گرێدانا شارەزاییا ئەکادیمی ب کێشەیێن ڕاستەقینە یێن جیهانی.
• ب ڕێیا پارڤەکرنا زانینێ، زانکۆیا دهۆک پێگەهێ خۆ وەک پێشەنگەکێ هەرێمی د بوارێن ڤەکۆلینێن بکارئینای، بەرپرسیارەتیا جڤاکی، و گەشەیا دۆمدار دا بهێز دئێخیت.
• ئەڤ دەستپێشخەریە ب تەمامی ل گەل ئارمانجێن گەشەپێدانا دۆمدار یا نەتەوەیێن ئێکگرتی (SDGs) دگونجیت، و ڕۆلێ زانکۆیا دهۆک د پێشڤەبرنا ڤەگوهۆرین و خۆڕاگریا ب ڕێیا پەروەردێ بهێزتر دکەت.

ڤێرە کلیک بکە بۆ دیتنا وێنەیان

نڤیسینگەها راگەهاندنا زانکۆیێ –٦ـی چریا ئێکی، ٢٠٢٥

راپۆرت ژ لایێ: فاطمە محمود علی، الند کمال عثمان

وێنە گرتن ژ لایێ: ألند كمال عثمان، هوزان فوزي محمد سليم

پەیڤێن سەرەکی:

• پلاندانانا پشكداریكرنێ
• پشكداریا گشتی
• زانکۆیا تەکنیکی یا دۆرتمۆند
• پرۆژێن DAAD ل عیراقێ
• گەشەپێدانا دۆمدار ل هەرێما کوردستانێ
• تێکەلبوونا لایەنێن پەیوەندیدار