زانکۆیا دهۆک – 23ـی چریا دووێ، 2025 | نڤیسینگه‌ها راگه‌هاندنا زانکۆیێ (UNPO) – زانکۆیا دهۆک (UOD) پشكا پلاندانانا جهەكی ل کۆلیژا پلانسازیا شار و هەرێمان، ب هه‌ڤپشکی دگه‌ل زانکۆیا تی یو دۆرتموند (TU Dortmund) یا ئه‌لمانی، ب سه‌رکه‌ڤتیانە پرۆژێ خۆ یێ ب ناڤێ "ته‌عزیز" یێ سێ سالی بدوماهیک ئینا ب ئەنجامدانا كۆربەندەكێ دوو رۆژی کو ل رێكەڤتی 17–18ـی چریا دووێ، 2025ـێ، ل کۆلیژا پلانسازیا شار و هەرێمان هاته‌ ئه‌نجامدان.

ئەڤ دەستپێشخەریە پشكەكە ژ پرۆژەكێ پشتەڤانکری ژ لایێ DAAD ڤە ل ژێر ناڤێ "بهێزكرنا پلاندانانا پشكداری وپێشڤەبرنا جڤاكی ناڤخۆیی ل هەرێما كوردستانێ"، ئارمانجا وی هاندانا پراکتیکێن پلاندانانا بەرفرەهـ ل سەرانسەری هەرێما کوردستانێ یە ب رێیا پشكداریكرنا رێڤەبەریێن حکومی و رێکخراوێن نەحکومی د پرۆسەیا پەرەپێدانێ دا و ژ لایێ DAAD ڤه‌ هاتیه‌ پشتەڤانكرن، کو ل 1ـی ئادارا 2022ـێ ده‌ستپێکریە و بریاره‌ هه‌تا 31ـی كانوونا ئێكێ، 2025 به‌رده‌وام بیت.

ل چه‌ند سالێن بۆری دا، پرۆژه‌ی ژمارەكا چالاکیێن به‌رفرهـ پێشکێش کرینه‌، ژ وان خۆل و وۆرکشۆپێن راهێنانێ، وراهێنانێن هاڤینێ، ب مه‌ره‌ما بهێزکرنا شیانێن پلاندانانا پشکداریێ.

دەستكەڤتێن پلاندانانا پشكداری (گرنگترين خالێن كۆربەندێ دوو رۆژی)

• كۆربەندێ دووماهيێ، پشكدار ژ ئەكاديمى، بەرپرسێن حكومى، رێكخراوێن نەحكومى (NGO) و شارەزايێن گەشەپێدانا پشكداری كۆمكرن ژ بۆ پێداچوونێ ل سەر دەستكەڤتێن پرۆژەى و دانوستاندن ل سەر رۆلێ بەررفرەهـ يێ پشكداریا گشتى د حوكمرانيا خۆجهى دا.
• د روینيشتنا دەستپێكێ دا، ئەنجامێن سەرەكى يێن پرۆژەى هاتنە دياركرن، و پاشى چەندين سيمينارێن تايبەت ل سەر دەستپێشخەريێن سەرکەڤتی یێن پشكداریێ ل هەرێما كوردستانێ هاتنە پێشكێشكرن.
• قوتابيێن پشكا پلاندانانا جهەكی (Spatial Planning) پۆستەرێن خۆ نمايشكرن كو كارێ وان د وانەيێن جودا دا ديار دكرن، وەكی پلاندانانا بكارئينانا ئەردى، پاراستنا شوینواران، زيندیكرنا دەڤەرێن دێرين، ساخلەمى، پەروەردە، گەشتوگوزار و گەشەپێدانا چاندنا خۆجهى.
• رۆژا دووێ پانیلەكی گەنگەشێ بخۆڤەگرت ل سەر ڕەوشا نها يا پشكداریێ ل هەرێمێ و رێكێن چەسپاندنا پرەنسيپێن پشكداریێ د پرۆژێن گەشەپێدانێ دا.
• كۆربەند ب دابەشكرنا باوەرنامێن هەڤپشك ل سەر دەرچوويێن پشكا پلاندانانا جهەكی بۆ خولێن ٢٠٢٣، ٢٠٢٤ و ٢٠٢٥ بدوماهى هات.

ڤه‌کرنا سه‌نته‌رێ پلاندانانا پشکداری و گه‌شه‌پێدانێ CPPD

گرنگترین خال ژ كۆربەندی دەست ب کارکرن ل سەر ڤه‌کرنا فه‌رمی یا سه‌نته‌رێ نوی یێ پلاندانانا پشکداری و گه‌شه‌پێدانێ (CPPD) بوو ل پشكا پلاندانانا جهەكی ل کۆلیژا پلانسازیا شار و هەرێمان. ئه‌ڤ سه‌نته‌ره‌، کو وه‌کو ئه‌نجامه‌کێ درێژخایەن یێ پرۆژێ ته‌عزیز هاتیه‌ دیزاینکرن کو دێ به‌رده‌وام بیت ل سه‌ر پێشڤه‌برنا پلاندانانا پشکداری ب رێیا پرۆگرامێن راهێنانێ و ڤەکۆلینێن پراکتیکی و پشکداریکرنا لایه‌نێن په‌یوه‌ندیدار و راوێژا سیاسه‌تی.
د درێژاهیا ڤێ چالاکیێ دا دید و ئارمانج و چالاکیێن پاشه‌رۆژێ یێن سه‌نته‌ری هاتنه‌ پێشکێشکرن و پاشان جڤاتا سەنتەری هاتە دەستنیشانكرن. ئاماده‌بوو هاتنە داخوازکرن بۆ هه‌ڤکاریکرنێ دگه‌ل سه‌نته‌ری و پێشکێشکرنا فیدباکی و و شروڤه‌کرنا ده‌لیڤه‌یێن هه‌ڤپشکیێ د بزاڤێن داهاتی دا.

وۆرکشۆپ ل ژێر چاڤدێریا د. بەشیر ئەحمەد محەمەد سەعید، سەرۆکێ پشکا پلاندانانا جهەكی ل زانکۆیا دهۆک، و د. یۆهانێس لوکێنکۆتەر، رێكخەری پرۆژەی ژ زانکۆیا تەکنیکی یا دۆرتمۆند، هاتە رێکخستن. د ناڤ ئاماده‌بوویان دا شاندەک ژ زانکۆیا تی یو دۆرتموند ژی هه‌بوون کو پرۆفیسۆر د. دیتڤاڵد گرهۆن، راگرێ پشکا پلاندانانا جهی ل زانکۆیا تی یو دۆرتموند یا ئه‌لمانی، و د. حه‌سه‌ن سینه‌میلیۆگلو، رێکخه‌رێ به‌رێ یێ پرۆگرامێ د ناڤبه‌را زانکۆیا دهۆک و زانکۆیا تی یو دۆرتموند دا بخۆڤه‌گرت.

هه‌ڤگرتن دگه‌ل دیدگه‌ها ستراتیژی یا زانکۆیا دهۆک

كۆربەند– و پرۆژێ ته‌عزیز یێ به‌رفره‌هتر – پشتگێریێ ل پلانا ستراتیژی یا زانکۆیا دهۆک (2023–2038) دکه‌ت، ب تەكەزكرن ل سه‌ر پشکداریا كۆمەلگەهی، گه‌شه‌پێدانا شیانان، و هه‌ڤکاریا ئه‌کادیمی یا ناڤده‌وله‌تی. ب رێیا په‌ره‌پێدانا پشکداریا گشتی و هه‌ڤکاریا فرە-پسپۆری، زانکۆیا دهۆک به‌رده‌وامه‌ ل سه‌ر بهێزکرنا رۆلێ خۆ وه‌کو پێشه‌نگه‌کێ هه‌رێمی د گه‌شه‌پێدانا به‌رده‌وام، ڤەکۆلینێن پراکتیکی، و به‌رپرسیاریا جڤاکی.

ژ بۆ زانیاریێن زێده‌تر ده‌رباره‌ی بزاڤێن ستراتیژی یێن زانکۆیا دهۆک و پرۆژێن داهاتی، سه‌ره‌دانا: UOD Highlights بکه‌.

ڤێرێ کلیک بکه‌ بۆ دیتنا وێنەیان

نڤیسینگه‌ها راگه‌هاندنا زانکۆیێ – 26ـی چریا دووێ، 2025
راپۆرت ژ لایێ: فاطمە محمود علی، الند کمال عثمان
وێنەگرتن ژ لایێ: ألند كمال عثمان، هوزان فوزي محمد سليم

په‌یڤێن سه‌ره‌کی:

• پلاندانانا پشکداری
• پشکداریا گشتی
• زانکۆیا دۆرتموند
• پرۆژێن DAAD ل عیراقێ
• گه‌شه‌پێدانا به‌رده‌وام هه‌رێما کوردستانێ
• پشکداریکرنا لایه‌نێن په‌یوه‌ندیدار