هەولێر - ١ـی ئیلۆنا ٢٠٢٥ | نڤیسینگەها ڕاگەهاندنا زانکویێ (UNPO) - زانکویا دهۆک (UOD) دەستپێشخەریێن خۆ یێن ئەکادیمی و داهێنانێ ب ڕێکا پشکداریا سێ پشکێن سەرەکی د چوارەمین پێشانگەهـ و کۆنفرانسێ ڕۆژهەلاتا ناڤەراست بۆ پەروەردە و تەکنۆلۆژیا MEETS 2025 دا نیشان دان، کو ل ٢١-٢٤ـی تەباخێ ل هەولێرێ ب درووشمێ "پێشەنگی د إەگۆهاستنا دیجیتاڵی دا" هاتە گێران.

نوینەراتیا زانکویێ ژ لایێ پشکا پلانسازیا جهی (کۆلیژا پلانسازیا شار و هەرێمان)، پشکا ئەندازیاریا بایۆمدیکال (کۆلیژا ئەندازیاری)، و پشکا زمانێ سریانی (کۆلیژا پەروەردا بنیات) ڤە هاتە کرن، و هەر ئێک ژ وان هێزا ئەکادیمی و ڤەکۆلینێن جۆراوجۆر یێن زانکویا دهۆک نیشان دان.

پلانسازیا جهی: ئاڤاکرنا باژێرێن دۆمدار

ب سەرپەرشتیا ڤەژین کاوە مەحمود، پشکا پلانسازیا جهی، گرنگیا گەشەپێدانا باژێرێ دۆمدار و جڤاکێن خۆڕاگر دیارکر. د ستاندێ وێ پشکێ دا پرۆژێن دیزاینا باژێری، ب ڕێڤەبرنا ئەردی، گوهۆڕین، و دۆمدایا ژینگەهێ هاتنە نیشاندان، و ئەڤ چەندە بوو ئەگەرێ پەیدابوونا دیالۆگێ دگەل سیاسەتمەدار، قوتابی، و ڕێکخراوێن پارێزەریێ.

ئەندازیاریا بایۆمدیکال: داهێنان بۆ ساخلەمی و تەکنۆلۆژیایێ

پشکا ئەندازیاریا بایۆمدیکال بەرهەمێن خۆ د بیاڤێ پێکگەهشتنا نۆژداری و ئەندازیاریێ دا پێشکێشکرن، کو پێشکەڤتن د ئامیرێن نۆژداری، تەکنۆلۆژیایێن وێنەگرتنێ، و داهێنانێن د بیاڤێ ساخلەمیێ دا بخۆڤەدگرتن.

زمانێ سریانی: پاراستنا کەلتوورێ رەوشەنبیری

پشکا زمانێ سریانی سەرنجەکا مەزن بۆ خۆ ڕاکێشا ژبەر کارێ وێ د پاراستن و پێشڤەبرنا ئێک ژ کەڤنارترین زمانێن دەڤەرێ دا. پشکێ پرۆگرامێن خۆ یێن ئەکادیمی، و دەستپێشخەریێن خۆ بۆ پاراستنا کەلتوورێ سریانی نیشان دان، د هەمان دەم دا دگەل قوتابی و ڕێکخراوێن رەوشەنبیری یێن گرنگیێ ب خواندنێن زمان و ناسنامەیێ ددەن، کەڤتە د پەیوەندیێ دا.

زانکۆیا دهۆک د پێشەنگیا پەروەردە و داهێنانێ دا

پێشانگەها MEETS 2025 ، کو وەک مەزنترین پێشانگەها بازرگانی یا پەروەردە و تەکنۆلۆژیایێ ل عیراقێ دهێتە نیاسین، ٨٥،٠٠٠ سەرەدەرکەر و ٢٠٠ پێشاندەر کۆمکرن، و دەلیڤە بۆ هەڤکاری و ئالوگۆرا پێزانینان ڕەخساندن. ئامادەبوونا فرە-پشکی یا زانکۆیا دهۆک پابەندبوونا وێ ب داهێنان، دۆمداری، کەلتوورێ رەوشەنبیری، و زانستێن کرداری نیشان دا، و زانکویا دهۆک وەک ناڤەندەکا پێشەنگ بۆ سەرکەڤتنا ئەکادیمی ل هەرێما کوردستانێ و دەوروبەران دا دیارکر.

ڤێرە کلیک بکە بۆ دینا دیمەنان

نڤیسینگەها ڕاگەهاندنا زانکویێ - ١ـی ئیلۆنا ٢٠٢٥

ڕاپۆرت: فاطمە محمود علی، ئەلند کەمال عوسمان

وێنەگرتن: حسێن ئیسماعیل محەمەد

پەیڤێن سەرەکی:

• پلانسازیا جهی
• ئەندازیاریا بایۆمدیکال
• زمانێ سریانی
• MEETS 2025
• پێشانگەها هەولێرێ یا اێڤدەولەتی