زانكۆیا دهۆک – 14ـی کانوونا ئێكێ، 2025 | نڤیسینگەها راگەهاندنا زانكۆیێ (UNPO) – کۆلیژا پلانسازیا شار و هه‌رێمان (CCRP) ل زانكۆیا دهۆک (UOD)، ب سه‌رکه‌ڤتیانه‌ پڕۆگرامەكێ زەمالەیا ناڤدەولەتی—ئەكیوپانكتورا شارسازی (Urban Acupuncture): "گەشەكرنا رێڕەوێ رووباری: ئەكیوپانكتورا شارسازی وەکو پالدەرەک بۆ گرێدانا کەسک و ژیانا گشتی ل دهۆکێ" — (کو شێوازەکە ژ پلاندانانێ ئارمانجا وی ئەنجامدانا دەستێوەردانێن بچویک و بلەزن بۆ گەشەكرنا باژێری ل سەر ئاستەکێ بەرفرەهـ)، کو ب هەڤپشکی دگەل زانكۆیا کاسل (ئه‌لمانیا)، زانكۆیا ئیسکەندەریە (مسر)، زانكۆیا عه‌ره‌بی یا بەیروتێ (لوبنان)، و زانكۆیا بابل (عیراق) هاتبوو ئەنجامدان. ڕێوره‌سمێن دوماهیێ ل 27ـی چریا دووێ 2025ـێ هاتنە گێڕان. ئەڤ پڕۆگرامه‌، کو ل ژێر سێبەرا هەڤپشکیا Ta’ziz یا پشتەڤانیكری ژ لایێ DAAD ڤە هاتیە جێبەجێکرن، پسپۆریێن ئەکادیمی یێن ناڤدەولەتی، ڤەکۆلینێن شارسازیێ یێن پراکتیکی، و کارێ مەیدانی یێ ڕاستەوخۆ کۆمڤه‌کرن دا کو چاره‌سه‌ریێن دۆمدار (sustainable) بۆ سیستەمێن ڕووباری یێن دهۆکێ بهێنه‌ دیتن.

پڕۆگرام ژ 10ـی چریا ئێکێ هەتا 27ـی چریا دووێ 2025 به‌رده‌وام بوو، و زەمالەیێ دوو ڤەکۆلەرێن ناڤدەولەتی، خانم نەدا عه‌لی جونی و خانم شاهیناز عیسام ئه‌لسه‌عید، بخۆڤەگرتن کو پشكداری د ناڤ وۆرکشۆپێن تیروتسەل، ڤەکۆلینێن مەیدانی، ڕاهێنان و شیكاریا جهی، و روینشتنێن دیزاینا هەڤپشک دا کرن. ڤان چالاکیان گرنگی ددان پێشخستنا دەستێوەردانێن ژینگەه-دۆست و گرێدایی جڤاكی بۆ رێرەوێ ڕووبارێ دهۆکێ.

د هەمان دەم دا، قوتابیێن ماستەرێ یێن زانكۆیا دهۆك پشكداری د وۆرکشۆپا HERIT-AI-GE دا کر ل مسرێ، کو د چارچۆڤێ پرۆژێ KassMENA: پاشه‌ڕۆژا دۆمدار بۆ کەلەپۆرێ ڕەوشەنبیری (SFCH) دا هاتبوو ڕێکخستن. وۆرکشۆپێ گرنگی دا بەلگەکرنا دیجیتالی یا کەلەپۆری، بکارئینانێن ژیریا ده‌ستکرد (Generative AI)، تەکنۆلۆژیێن سکانکرنا سێ-دووری (3D)، و نویژەنکرنا شارسازیێ یا ل گۆرەی کەشوهەوای ل دەڤەرێن دیروکی یێن دەریایا سپی یا ناڤەڕاست.

پێکڤە، ڤان دەستپێشخەریان پابەندبوونا زانكۆیێ بۆ پشكداریا جیهانی، ڤەکۆلینێن فرە-بوار، و پێشخستنا ژینگەهێن باژێری یێن دۆمدار و خۆڕاگر بهێزکر.

ڕێڤه‌به‌ری و سۆپاسنامه‌

ڕێوره‌سم ژ لایێ ڤان به‌ڕێزان ڤه‌ هاتنه‌ بڕێڤه‌برن:

• پرۆفیسۆر د. له‌یلا محه‌مه‌د ڕه‌سوول، ڕاگرا کۆلیژا پلانسازیا شار و هه‌رێمان / دەستپێشخەرا پڕۆگرامێ ئەكیوپانكتورا شارسازی.
• مامۆستا ئه‌نده‌ر م. بەهائەدین (کاندیدێ دكتۆرایێ)، ڕێکخەرێ پڕۆگرامی.
• مامۆستا عومه‌ر سه‌باح نوری: هاریکارێ قوتابیان د پڕۆگرامی دا، ئاسانکار و وێنەگر.
  د چالاکیێ دا ئەندامێن دەستەیا مامۆستایان، پسپۆرێن پلاندانانا شارسازی، قوتابی، نوێنەرێن دامەزراوەیێن حكومی، و هەڤپشکێن ناڤدەولەتی ئامادەببوون.

خالێن گرنگ یێن زەمالەیێ: پێشئێخستنا شارسازیا دۆمدار ب ڕێکا ئەكیوپانكتورا شارسازی

د ماوەیێ زەمالەیێ دا، پشكداران ئەڤ چالاکیە ئەنجام دان:

• روینشتنێن ڕاهێنانێ ل سەر پرەنسیپێن ئەكیوپانكتورا شارسازی و ستراتیژیێن دەستێوەردانێن بچویك بۆ زیندیکرنا رێرەوێ ڕووباری.
• چالاکیێن ڤەکۆلینێن مەیدانی بۆ بەلگەکرنا ڕەوشا ئیکۆلۆژی، دینامیکێن جهێن گشتی، و پێدڤیێن جڤاکی ل سەر قەراغێن ڕووبارێ دهۆکێ.
• ستۆدیۆیێن هەڤپشک کو سیناریۆیێن تێگەهی (conceptual) بۆ پێکڤەدانەکا کەسک، ئێکگرتنا پیادەیان، چالاکرنا کەلتووری، و باشترکرنا ژینگەها بەرهەمئینانێ.
• ڕاهێنانێن پلاندانانا پشكداریكرنێ دگەل دەسjهەلاتێن ناڤخۆیێ و لایەنێن پەیوەندیدار دا کو بڕیاردانا ل سەر بنەمایێ جڤاکی بهێتە مسۆگەرکرن.

ڕێوره‌سمێن بدوماهیكئینانی پێشکێشکرنێن پشكداران بخۆڤەگرتن، کو تێدا کورتیەک ل سەر پێشنیازێن دیزاینێ و ئەنجامێن ڤەکۆلینێن خۆ دیار کرن، و پاشتر باوەرنامەیێن تەمامكرنێ ل سەر وان هاتنە بەلاڤکرن.

هەڤکاریا ئەکادیمی یا ناڤدەولەتی: وۆرکشۆپا HERIT-AI-GE، ل مسرێ

بەشەکێ هەماهەنگ یێ پڕۆگرامی پشكداریا زانكۆیا دهۆك بوو د وۆرکشۆپا HERIT-AI-GE دا، کو ل مسرێ ژ 1ـی هەتا 9ـی چریا دووێ 2025ـێ هاتبوو ئەنجامدان، دگەل زانكۆیێن هەڤپشک وەکی:

• زانكۆیا کاسل – ئه‌لمانیا
• زانكۆیا ئیسکەندەریە – مسر
• ENAU – تونس
• زانكۆیا عه‌ره‌بی یا بەیروتێ – لوبنان
• زانكۆیا گەلالە – مسر
• زانكۆیا ڕۆستۆک – ئه‌لمانیا

وۆرکشۆپێ تەکەزی ل سەر گرێدانا تەکنۆلۆژیێن دیجیتاڵی دگەل پاراستنا کەلەپۆری کر، و ڕاهێنان پێشکێشکرن د وارێن:

• ژیریا ده‌ستکرد (Generative AI) بۆ شیکاندنا تەلارسازی و کەلەپۆری.
• سکانکرنا 3D و فۆتۆگرامەتری بۆ بەلگەکرنا سامانێن کەلتووری.
• چارچۆڤەیێن نویژەنکرنا باژێرڤانیێ.
• دیزاینا ل گۆرەی کەشوهەوای بۆ ئاڤاهی و جهێن ڤەکری.
  پشكدارێن زانكۆیێ نوێنەرایەتیا زانكۆیێ ب ئاوایەکێ هەرەباش کر، و پشكداری د گۆتوبێژێن ڤەکۆلینێ، ستۆدیۆیێن دیزاینێ، و دانوستاندنا ئەکادیمی یا کەلتووری دا کر.

پێشڤەبرنا دیتنا ستراتیژی یا زانكۆیێ

زەمالەیێ و وۆرکشۆپا HERIT-AI-GE ب ئاوایەکێ بهێز دگەل پلانا ستراتیژی یا زانكۆیا دهۆک (2023–2038) دگونجن، کو تەکەزیێ ل سەر ڤان خالان دکەت:

• هەڤکاریا ئەکادیمی یا جیهانی: هەڤپشکی دگەل DAAD و زانكۆیێن ئەوروپا، دەریایا سپی، و ڕۆژهەلاتا ناڤین پێگەهێ ناڤدەولەتی یێ زانكۆیێ بهێزدکەت و دانوستاندنا زانینێ یا كەلتووری گەش دکەت.
• ڤەگوهاستنا دیجیتاڵی و نویگەری: بکارئینانا ئامیرێن AI، بەلگەکرنا 3D، و میتۆدێن پلاندانانێ یێن ل سەر بنەمایێ GIS پابەندبوونا زانكۆیێ نیشان ددەت بۆ ئامادەکرنا قوتابیان بۆ سەردەمێ دیجیتاڵی.
• پاراستنا ژینگەهێ و پێشکەڤتنا دۆمدار: هەردوو پڕۆگرامه‌ پلاندانانا بەرپرسیاریا ژینگەهێ بهێزدکەن، کو ئەڤ یەکە دگەل ئەرکێ زانكۆیێ دگونجیت بۆ پێشخستنا پاراستنا ئیکۆلۆژی و پاشەڕۆژا باژاێرڤانیا دۆمدار بۆ هەرێما کوردستانێ.

بۆ دیتنا وێنەیان ڤێرە کلیک بکە

نڤیسینگەها راگەهاندنا زانكۆیێ – 14ـی کانوونا ئێكێ 2025
ڕاپۆرت: فاطمە محمود علی، ئەلند کەمال عوسمان
وێنە: عومه‌ر سه‌باح نوری