خزیرانا 2025ـێ" نڤیسینگەها راگەهاندنا زانكۆیێ | د چوارچوڤێ پێگیریا زانكۆیا دھۆك ب پالپشتیا ڤەكۆلینێن زانستی د بوارێن ژینگەھا دومدار دا و پەرەپێدانا بكارئینانا تەكنۆلۆژیا نوی د ڤەكۆلینێن ئەكادیمی دا، دوو قوتابیێن كۆلیژازانستێن ئەندازیاریا چاندنێ - پشكا دارستانان، بەیان حازم ئەحمەد و دێرین جەلادەت مستەفا، سمینارەكا زانستی ل رێكەڤتی 8ـی گولانێ 2025 ل ھۆلا پشكا دارستانان پێشكێشكر.

سمینار ب ناڤۆنیشانێ "دابەشبوونا جھی بۆ پیسبوونا ھەوایی ل دەڤەرێن باژێری بۆ باژێرێ دھۆكێ ب رێكا بكارئینانا ئالاڤێن سیستەمێن پێزانینێن جوگرافی GIS" ئارمانجا سمینارێ دیاركرنا ئاستەنگێن ژینگەھێ یێن دكەڤنە بەرامبەر باژێرێ دھۆكێ بوو بەرامبەر بەرفرەھبوونا باژێری یا بەردەوام، ل گەل تەكەزكرن ل سەر پیسبوونا ھەوایی و پیسبوونا دەنگە دەنگێ.

ئارمانجێن ڤەكۆلینێ و دیارترین ئەنجام

• دەستنیشانكرنا سێ پیسكەرێن سەرەكی:
  ڤەكۆلینێ تەكەز ل سەر ل دویڤ چوونا ئاستێن سێ ژ دیارترین جۆرێن پیسبوونێ یێن گرێدای چالاكیێن باژێری و لڤینا ھاتن و چوونێ كر"
  
  
  • ئوكسیدێ نایتروجینی (NOx)
    
    
  • پێكھاتێن ئورگانی یێن بژالە (VOCs)
    
    
  • پیسبوونا دەنگە دەنگێ
    
    
• بەراوردكرن د ناڤبەرا رۆژێن حەفتیێ و بھێنڤەدانێن دویماھیا حەفتیێ:
  ئێك ژ گرنگترین پشكداریێن ڤەكۆلینێ ئەوە بەراوردكرن د ناڤبەرا ئاستێن پیسبوونێ كریە د ناڤبەرا رۆژێن كاری و رۆژێن بھێنڤەدانێن فەرمی كو داتایێن ھویر بەردەستدكەت كو د ھاریكاربن بۆ تێگەھشتنا كاریگەریا چالاكیا مرۆڤی ل سەر جۆریا ھەوای و ئاستێن دەنگە دەنگێ ل باژێری.
  
  
• بكارئینانا سیستەمێن پێزانینێن جوگرافی (GIS):
  ب رێكا بكارھینانا تەكنۆلۆژیا GIS یا پێشكەڤتی ڤەكۆلەر شیان نەخشەیێن ھویر بۆ دیاركرنا دەڤەرێن پیسبوونێ ل باژرێ دھۆكێ بەرھەڤبكەن، كو بنگەھەكێ داتایێن سەرەكی بۆ ڤەكۆلینێن پاشەرۆژێ دابیندكەت و پشكداریێ د پالپشتیا پلاندانانا باژێران یا دۆمدار دا و دروستكرنا بریارا ژینگەھێ و ساخلەمیێ ل باژێرێ دھۆكێ بەردەست دكەت.

ھەڤتەریبیا ڤەكۆلینێ ل گەل ئارمانجێن زانكۆیا دھۆك یێن ستراتیژی

ئەڤ پرۆژێ ڤەكۆلینێ ب شێوەیەكێ راستەوخۆ ل گەل پلانا زانكۆیا دھۆك یا ستراتیژی ھەڤتەریبە كو تەكەزێ دكەتە سەر:

• بەرنامێن دومداریا ژینگەھێ
• نویكرن و داھێنان د ئەنجامدانا ڤەكۆلینان ب پشتبەستن ل سەر تەكنۆلۆژیا نوی
• پالپشتیا پێشئێخستنا باژێرێن زیرەك ل دھۆكێ
• پەرەپێدانا ساخلەمیا گشتی و جۆریا ژیانێ د جڤاكی دا
  
  

ئەڤ ڤەكۆلینە نموونەیەكا راستەقینەیە بۆ رۆلێ زانكۆیا دھۆك د سەركردایەتیكرنا ڤەكۆلینێن نوی یێن گرێدای ب ئاستەنگێن ژینگەھێ و جڤاكی، ھەروەسا پالپشتیا ھەولێن گەشەپێدانا دۆمدار ل ھەرێما كوردستانێ و عیراقێ.

نڤیسینگەها راگەهاندنا زانكۆیێ، خزیرانا 2025ـێ

پەیڤێن سەرەكی:

• سیستەمێن پێزانینێن جوگرافی نظم المعلومات GIS
  
  
• پیسبوونا باژێری ل دھۆكێ
  
  
• پلاندانانا باژێران یا دومدار ل ھەرێما كوردستانێ
  
  
• ڤەكۆلینێن ژینگەھێ ل زانكۆیا دھۆك
  
  
• چاڤدێریا جۆریا ھەوای ل عیراقێ