زانکۆیا دهۆک | چریا دووێ، 2025، نڤیسینگەها راگەهاندنا زانكۆیێ | زانکۆیا دهۆک (UOD) ب شانازی ڤە رێورەسمێن بدوماهیهاتنا پرۆژێ نویژەنکرنا ئاڤاهیەكێ پشكێن ناڤخۆیی یێ کچان یێ كو ب ناڤێ کوردستان صالح (ژمارە 4) ل کۆلیژا زانستێن ئەندازیاریا چاندنێ (CAES) گێران. ڤێ نویژەنکرنا بەرفرەهـ، کو ژ مەها تەباخێ تا مەها چریا دووێ بەردەوام بوو، ئاڤاهیێ چار قاتی یێ کو یێ تەرخانكریە بۆ 160 قوتابیان د 59 ژووران دا – گوهۆرییە بو جهەکێ مودێرن و گونجای بۆ ئاكنجیبوونێ.

ب پشتەڤانیا رێکخراوا U.S. Friends of AMAR و ب جێبەجێكرنا رێکخراوا Right Vision ب سەرپەرشتیا ئەندازیاری ژ لایێ زانکۆیا دهۆک، پرۆژە دیاردكەت کو زانکۆ ب بەردەوامی پابەندە ب باشترکرنا رەوشا قوتابیان، پشکداریکرنا جۆری، و گەشەپێدانا کەمپسێ.

ڕێوڕەسم ب ئامادەبوونا ڕاگرێ کۆلیژا زانستێن ئەندازیارییا چاندنێ (د. شوکری حاجی سالح)، هاریکارێ سەرۆکێ زانکۆیێ بۆ کاروبارێن کارگێری و دارایی (د. دلشاد عەبدولجەبار حەلیم)، هاریکارێ سەرۆکێ زانکۆیێ بۆ کاروبارێن قوتابیان (د. نەبەز ئیبراهیم محەمەد)، و نوێنەرێن هەردوو ڕێکخراوێن (US Friends of AMAR) و (Right Vision) هاتنە گێڕان.

د ڕێوڕەسمان دا، چەندین پەیڤێن دەستپێکێ هاتنە پێشکێشکرن کو تەکەزی ل گرنگیا ڤێ دەستکەڤتێ دکر. پشتی ڤەکرنا فەرمی، ئامادەبوویان گەڕیانەک د ناڤ پشکێن نویژەنکری دا ئەنجامدا و دانوستاندنێن ڕاوێژکاری دگەل قوتابیان کرن، و قوتابیان دیتن و پێشنیارێن خۆ دەربرین.

نویژەنکرنێ نویكرنا ژوورێن قوتابیان، دەستشۆیان، و لینانگەهان بخۆڤەگرت، و هەروەسا دروستكرنا دوو هۆلێن رەوشەنبیری یێن نوی یێن کو هاتینە دیزاینكرن بۆ پێشئێخستنا پشکداریا جڤاکی و پشتەڤانیا هەڤالینیێ د ناڤبەرا قوتابیێن کچ دا.

ئەڤ دەستپێشخەریە رەنگڤەدانا پابەندبوونا زانکۆیا دهۆکه ب:

• باشترکرنا رەوشا ژیانا قوتابیان ب رێیا گەشەپێدانەکا ستراتیژی یا کەمپسێ.
• پێشئێخستنا پشکداریا جۆری و پشكین ناڤخویی یێن پاراستی و جڤاکی.
• پتەوکرنا هەڤکاریێ دگەل هەڤپشکێن ناڤخۆیی و ناڤدەولەتی بۆ پێشکەڤتنەکا بەردەوام.

زانکۆیا دهۆک سۆپاسیا خو ئاراستەی هەمی پشکداران دکەت بۆ هەولێن وان د بدەستڤەئینانا ڤێ ئارمانجا گرنگ دا، کو پێنگاڤەکا دیارە بەرەڤ دابینکرنا ژینگەهێن خواندن و ئاكنجیبوونێ یێن ب كوالیتیەكا بلند بۆ قوتابیان.

ڤێرە كلیك بكە بۆ دیتنا وێنەیان

نڤیسینگەها راگەهاندنا زانكۆیێ، چریا دووێ، 2025
راپۆرت: فاطمه محمود علی، بلند ج. ح. همبی
وێنەگرتن: سەربەست سەعید حەمۆ