كۆلیژا زانستێن تەندروستی ل زانكۆیا دهۆك فێستیڤالا خۆ یا سالانە یا ئێكێ‌ ل رۆژا 7/5/2017 ل ئاڤاهیێ‌ كۆلیژێ‌ ل ژێر ناڤێ‌ (جڤاكێ‌ ساخلەم ئارمانجا مەیە) ل ژێر چاڤدێریا پارێزگارێ‌ دهۆكێ‌ گێرا.  

د ڤێ‌ فیستیڤالێ‌ دا كو پارێزگارێ‌ دهۆكێ‌ فەرهاد ئەمین و سەرۆكێ‌ زانكۆیا دهۆك پروفیسور د. مسلح دهۆكی و راگرێن كۆلیژێن زانكۆیا دهۆك بەرهەڤ ببون، راگرێ‌ كۆلیژا زانستێن تەندروستی د. ئیسماعیل محەمەد عەبدولقەهار د پەیڤەكی دا بەحسێ‌ گرنگیا گێرانا ڤان جۆرە فێستیڤالان بۆ قوتابیێن كۆلیژێ‌ كر و دیاركر كو ڤەكرنا ڤێ‌ كۆلیژێ‌ دێ‌ خزمەتێ‌ پێشكێشی لایەنێ‌ ساخلەمیێ‌ كەت.  

د فیستیڤالێ‌ دا پشكنینا نەخۆشیا بێ‌ بەرامبەر بو وەلاتیان هاتە كرن، زێدەباری پێشكێش كرنا چەندین رێنمایێن ساخلەمی ل دۆر سركرنێ‌ و ڤێراگەهشتنێن دەستپێكی و رێنمایێن گشتی یێن ساخلەمی.