د پینگاڤەكا ستراتیژی دا بۆ بەرفرەهكرنا هەڤكاریا ئەکادیمی و ڤەكۆلینێ، کۆلێژا زانستێن مرۆڤایەتی ل زانکۆیا دهۆک یاداشتنامەكا لێکتێگەهشتنێ دگەل سەنتەرێ پیلەر بۆ رێڤەبرنا قەیرانان و ڤەكۆلینێن زانستی ئیمزاكر، کو بنگەهێ وی ل لەندەن و تورکیایە. یاداشتنامە ل 25ـی چریا دووێ، 2024، برێكا ئۆنلاین ب ئامادەبوونا نوێنەرێن هەردوولایان هاتە ئیمزاكرن.

د مەراسیمێن ئیمزاكرنێ دا، زانکۆیا دهۆک ب نوینەرایەتیا د. سەعید خودێدە، ڕاگرێ کۆلێژا زانستێن مرۆڤایەتی بوو، د دەمەكی دا كو سەنتەرێ پیلەر ب نوینەرایەتیا د. نێرمین ماجد، رێڤەبەرا گشتی یا سەنتەری بوو. ل سەر چەند بوارێن هەڤكاریا هەڤپشك ڕێککەفتن، ژ وانا ژی، بەرفرەهكرنا ڤەكۆلینێن زانستی د بوارێ رێڤەبرنا قەیرانان، ئاڵوگۆڕیا شارەزاییا ئەکادیمی دناڤبەرا هەردوو لایان دا، زیدەباری پەرەپێدانا پرۆگرامێن ڕاهێنانێ یین تایبەتمەند ب ئامارنجا بلندكرنا شیانێن ئەکادیمی و كرداری ل بوارێن رێڤەبرنا قەیران وجڤاكێ سڤیل دا.

گرنگیا ئەڤێ هەڤكاریێ د پاڵپشتیکرنا ڤەكۆلینێن زانستیێن گرێدایی قەیرانان و چەوانیا رێڤەبرنا وان دا یە، زێدەباری وی یەكێ ژی ئەڤ هەڤكاریە ب ڤەكرنا ئاسۆیێن نوی بۆ ڤەكولینێ و پەرەپێدانا د ڤی بوارێ گرنگ دا مفایەكا مەزن دێ هەبیت بۆ ئەکادیمییان د زانکۆیێ دا.

ئەڤ هەڤكاریە ب پێمگاڤەكا گرنگ دهینە هژمارتن بۆ گەشەكرنا پەیوەندیێن ئەکادیمی دناڤبەرا سازیێن پەروەردەیی ێێن دەڤەرێ و ناڤەندین ڤەكۆلینێن ناڤدەولەتی، هەروەسا ڕەنگڤەدانا پابەندبوونا زانکۆیا دهۆکە بۆ بەردەوامبوون ل پەرەپێدانا بەرنامێن ئەکادیمی و ڤەكۆلینان هەڤدەم دگەل ئاستەنگێن جیهانی د بوارێ رێڤەبرنا قەیرانان وپشتگیریا مرۆڤایەتی.

زانكۆیا دهۆك،

فاطمة محمود