ب هەلکەڤتا 16ی تەباخێ، یادا دامەزراندنا پارتی دیموکراتی کوردستان، ئەم ب ناڤێ سەرۆکاتیا زانکۆیا دهۆک، پیرۆزباهیەکا گەرم ل سەرکردایەتیا پارتی و کادر و ئەندام ولایەنگرێن پارتی و مالباتێن سەربلندێن شەهیدان و خەلکێ کوردستانێ ب گشتی دکەین.

ئەم سازییەکا زانستی و ئەکادیمینە و هەمی رەنجا مە بۆ پێشڤەبرنا ئاستێ زانست و ڤەکۆلینێ یە، لێ ئەو دەلیڤەیا پارتی دیموکراتی کوردستان دایە مە کو ڤێ ئارمانجا زانستی بجهبینین، جهێ رێزێ و لسەر راوەستیانێ یە. لدویڤ سەربۆرا مە دگەل ڤێ پارتا تێکۆشەر، هەمی دەما مە خۆ سەربخۆ نیاسییە و سەربخۆ کارکریە. لەورا مە لژێر سایا وێ گەشەکریە و زانکۆیا مە خودان رۆبەرێن ڤەکریێن گەشەکرنێیە.

ئەم وەکو زانکۆیا دهۆکێ، خوە ئازاد و زانستی دبینین و رێزێ ل وێ پارتێ دگرین ئەوا کو رێزێ ل زانستی دگریت. پارتی دیموکراتی کوردستان، د 45 سالێن خۆ یێن خەباتا شۆرەشگێری دا و هەروەسا د 30 سالێن خۆ یێن خەباتا مەدەنی و ‌حوکمرانیێ دا، دوپاتکریە کو بەردەوام دونیابینییەکا پشتەڤان بۆ پرۆسێسا زانستی و ئەکادیمی هەبوویە.

هەر سەرفەراز و سەربلند بن پشتەڤانێن پرۆسێسا ئەکادیمی ل هەرێما کوردستانێ.

 سەرۆکاتیا زانکۆیا دھۆک