٢ـی چریا ئێكێ ٢٠٢٦، نڤیسینگەها راگەهاندنا زانکۆیێ | زانکۆیا دهۆك (UoD)، ب ڕێیا رێڤەبەریا پەیوەندیێن ناڤدەولەتی (DOIR)، رادگەهینیت کو نۆکە دەرگەهێ پێشکێشکرنێ بۆ پرۆگرامێ ماکس ڤێبەر یێ پۆست-دکتۆرا/پشتی دكتۆرایێ (Max Weber Postdoctoral Programme) ل پەیمانگەها زانکۆیا ئەوروپی (EUI) ل ئیتالیا هاتیە ڤەکرن.

ئەڤ پرۆگرامە دەلیڤەیەکێ ددەتە ڤەکۆلەرێن د قۆناغێن دەستپێکێ یێن کاروانێ خۆ یێ ئەکادیمی دا د بوارێن زانستێن مرۆڤایەتی، زانستێن جڤاکی، و مێژوویێ دا، دا کو کاروانێ خۆ یێ ئەکادیمی پێشڤە ببەن، ئەزموونا خۆ یا ڤەکۆلینێ بهێزتر بکەن، و

پشکداریێ دگەل جڤاکەکێ ئەکادیمی یێ ناڤدەولەتی بکەن.

پرۆگرامێ ماکس ڤێبەرزەمالەیێن پۆست-دکتۆرا یێن ب تەمامی پشتەڤانیکری پێشکێش دکەت، کو دەرماڵەیەکا هەیڤانە ب کوژمێ ٢,٥٠٠ یۆرۆ بخۆڤەدگریت، زێدەباری مفا و ئیمتیازاتێن دی یێن وەك بیمەیا ساخلەمیێ، دابینکرنا تێچوویێن ڤەکۆلینێ، و ب دەستڤەگەهشتن ب ئاسانکاری و تاقیگەهێن ڤەکۆلینێ.

ئەڤ پرۆگرامە بۆ ڤەکۆلەران ژ هەمی نەتەوەیان ل سەرانسەری جیهانێ یێ ڤەکری یە. پێدڤیە پێشکێشکار د ماوەیێ پێنج سالێن بۆری دا باوەرنامەیا دکتۆرایێ بدەستڤەئینابیت.

چەوانیا پێشکێشکرنێ

پێدڤیە پێشکێشکار ڤان پێنگاڤێن ل خوارێ جێبەجێبکەن:

پێنگاڤا ١: ئامادەکرنا بەلگەنامەیێن پێدڤی:

- سی ڤی (CV)

- پەیام و گوزارشت ل سەر کاروانێ ئەکادیمی

- پێشنیارا ڤەکۆلینێ (Research Proposal)

- کۆپیەکا پاسپۆرتێ

- پێزانینێن کەسێن هەلسەنگینەر (Referees)

پێنگاڤا ٢: تۆمارکرنا داخوازنامەیا پێشکێشکرنێ.

پێنگاڤا ٣: بڕێڤەبرنا کەسێن هەلسەنگینەر.

پێنگاڤا ٤: تەمامکرن و هنارتنا داخوازنامەیێ.

بۆ وەرگرتنا پێزانینێن تێروتەسەل ل سەر مەرجێن وەرگرتنێ، پێدڤیێن پێشکێشکرنێ، و پرۆسەیا پێشکێشکرنێ، هیڤیدارین سەرەدانا ڤی لینکی بکەن: پرۆگرامێ ماکس ڤێبەر یێ پۆست-دکتۆرا – پێزانینێن پێشکێشکرنێ

دوماهی ژڤان بۆ پێشکێشکرنێ ١٦ـی چریا پێشینا ٢٠٢٦ | دەمژمێر ١٤:٠٠ ل گۆرەی دەمێ

ناڤەڕاستا ئەوروپا (CEST)

داخوازێ ژ ڤەکۆلەرێن ئارەزوومەند دکەین کو ب هویری پێداچوونێ ل سەر مەرجێن وەرگرتنێ بکەن و بەریا دەمێ دیارکری داخوازنامەیێن خۆ تەمام بکەن.

نڤیسینگەها راگەهاندنا زانکۆیێ، ٢ـی چریا ئێكێ ٢٠٢٦