دەلیڤەیەک کو دەنگێ تە ببیتە ناسناما شێوەزارێ بادینی د ژیریا دەستکرد دا
زانکۆیا دهۆک، ٢٩ـی ئەیلوونا ٢٠٢٥ـێ، نڤیسینگەها راگەهاندنا زانکۆیێ | د چارچۆڤێ پرۆژەکێ نشتیمانی و پێشەنگ دا، زانکۆیا دهۆک کار ل سەر پێشڤەبرنا سیستەمێ خواندنا ئۆتۆماتیکی یا تێکستی ب شێوەزارێ بادینی دکەت. ب مەرەما گەهاندنا ڤی پرۆژێ ب ئارمانجێن وی، مە پێدڤی ب دوو دەنگێن کاریگەر و خودان شیان هەیە کو ببنە " دەنگێ فەرمی" یێ ڤی پرۆژێ گرنگ.
ل سەر ڤی بنەمای، ئەم ل دوو بێژەرێن خودان شیانێن دەنگێ بلند دگەڕین (ئافرەتەک و زەلامەک) کو حەز بکەن ببنە پشکەک ژ دیرۆکا تێکەلکرنا زمانێ کوردی (شێوەزارێ بادینی) ل گەل تەکنۆلۆژیایێن سەردەم.
ئەرێ تو خودانێ وان شیانێن پێدڤی یی؟
- خواندنا زەلال: ئەرێ تو دشێی تێکستێن بیاڤێن جودا ب شێوەزارەکێ بادینی یێ ڕەوان و بێ شاشی بخوینی؟
- دەربرینا دروست: ئەرێ تو دشێی پەیڤ و پیتان ب شێوەیەکێ دروست و ئاشکرا دەرببڕی؟
- دەنگێ سۆزدار: ئەرێ تو دشێی ب ڕێکا دەنگێ خۆ هەست و سۆزان بگەهینیە گوهداری؟
پرۆسەیا هەلبژارتنێ دێ چاوا بیت؟
پرۆسەیا هەلبژارتنێ دێ ب دوو قۆناغان بیت:
١. تۆمارکرنا نموونەیەکا دەنگی: ل قۆناغا ئێکێ، دێ داخواز ژ پشکداران هێتە کرن کو دەهـ (١٠) ڕستەیێن دیارکری تۆمار بکەن.
٢. هەلسەنگاندنا بسپۆران: ل دویڤ دا، دێ لژنەکا بسپۆر نموونەیان هەلسەنگینیت و ل دویڤ پرۆسەیا دەنگدانێ، دێ ئافرەتەک و زەلامەک وەکو سەرکەڤتی هێنە هەلبژارتن.
ئەگەر تە باوەریێ ب شیانێن دەنگێ خۆ هەبن و تە دڤێت ببیە پشکەک ژ ڤی پرۆژێ ستراتیژی، ئەم ب گەرمی داخوازا پشکداری ا تە دکەین.
بۆ وەرگرتنا پێزانینێن زێدەتر و چاوانیا پشکداریێ، هیڤیدارین سەرەدانا ڤی لینکی بکەن:
یان پەیوەندیێ ب ڤێ ژمارا تێلەفۆنێ بکەن:
٩٦٤٧٥٠٤٠١٥٥٣٠+
نڤیسینگەها راگەهاندنا زانكۆیێ، ٢٩ـی ئیلۆنا ٢٠٢٥ـێ