زانکۆیا دهۆک – ٢٧ـی تەباخا ٢٠٢٥ـێ | نڤیسینگەها راگەهاندنا زانکۆیێ (UNPO) – یانەیا خۆبەخشێن زانکۆیا دهۆک، کو ل شواتا ٢٠٢٥ـێ ب هەڤپشکی ل گەل Volunteer.KRD هاتیە دامەزراندن، دێ ئێکەمین هەلبژارتنێن خۆ یێن فەرمی ل رێکەڤتی ٢٨ـی تەباخا ٢٠٢٥ـێ، ژ دەمژمێر ٩:٠٠ـی سپێدێ هەتا ٦:٣٠ـی ئێڤاری، ل ئاڤاهیێ یانەیا خۆبەخشان گێریت.

یانەیا خۆبەخشان بوویە پلاتفۆرمەکا چالاک بۆ قوتابیان دا کو پشکداریێ د خزمەتا جڤاکی دا بکەن، شیانێن سەرکردایەتیێ گەشە پێ بدەن، و کەلتوورێ خۆبەخشیێ بەلاڤ بکەن. هەلبژارتنێن بهێت دێ دەلیڤێ دەنە قوتابیان کو ب شێوەیەکێ دیموکراتی ئێکەمین دەستەیا یانەیێ هەلبژێرن، کو ئەڤە ژی زەلالی، بەرپرسیارەتی، و سەرکردایەتیەکا ب رێبەریا گەنجان مسۆگەر دکەت.

دەستەیا كو دێ هێتە هەلبژارتن دێ ژ ئیلۆنا ٢٠٢٥ هەتا تەباخا ٢٠٢٦ کار کەت، و دێ ڤان پۆستان وەرگریت:

• سەرۆک: سەرکردایەتیا یانەیێ دکەت، هەماهەنگیێ ل گەل Volunteer.KRD دکەت، و رێبەریا دەستپێشخەریان دکەت.
• هاریكارێ سەرۆکی: هاریکاریا سەرۆکی دکەت، چاڤدێریا ئارمانجان دکەت، و راپۆرتان پێشکێش دکەت.
• سکرتێر: رێکخستنا تۆماران، پەیوەندیان، و ئەرشیڤی دکەت.
• بەرپرسێ دارایی: کاروبارێن دارایی، راپۆرتان، و پسۆلان برێڤە دبەت.
• بەرپرسێ ئۆپەراسیۆنان: سەرپەرشتیا لۆجستیکا چالاکیان و سلامەتیێ دکەت.
• رێكخەرێ خزمەتێن خۆبەخشان: خۆبەخشان تۆمار دکەت و پشکداریا هەیڤانە مسۆگەر دکەت.

پێکڤە، ئەو دێ سەرپەرشتیا پشکداریا قوتابیان، پلاندانانا چالاکیان، و کارێن هەیڤانە ئەنجامدەن کو دگەهنە پتر ژ ٥٠٠ قوتابیان.

ئەڤ هەولە پابەندیا بەردەوام یا زانکۆیا دهۆک بۆ بهێزکرنا گەنجان، بهێزکرنا بەرپرسیارەتیا سڤیل، و پشتەڤانیکرنا دەستپێشخەریێن ب رێبەریا قوتابیان نیشان ددەت، کو مفای دگەهیننە ژیانا ناڤ زانکۆیێ و جڤاکی ب گشتی.

رێکەفت: ٢٧ـی تەباخا ٢٠٢٥ـێ
جهـ: یانەیا خۆبەخشان – زانکۆیا دهۆک
پەیوەندی:
زاگرۆس المختار
بەرپرسێ پەیوەندیێن گشتی
مۆبایل: ٩٦٤٧٥٠٢٤٦٢٤٦٢+
ئیمەیل: [email protected]

نڤیسینگەها راگەهاندنا زانكۆیێ، ٢٦ـی تەباخا ٢٠٢٥ـێ