31ـی تەباخا 2026ـێ، نڤیسینگەها راگەهاندنا زانكۆیێ | رێڤەبەریا پشکێن ناڤخۆیی ل زانکۆیا دهۆک ئاگەهداریا قوتابیێن خۆشتڤی دکەت، کو ل ڕۆژێن سێشەمبی و چارشەمبی و پێنجشەمبی رێکەڤتی 1 و 2 و 3 /9 /2026، دێ دەست ب دابەشکرنا پشکێن ناڤخۆیی زانکۆیا دهۆک هێتەکرن، ل هۆلا کۆلیژا پەروەردا جەستەیی و زانستێن وەرزشی، و ڕێكار دێ ب ڤی شێوێ ل خوارێ بن:

1 - هەمی پشکێن ناڤخۆیی یێن کوران دوبارە دێ هێنە دابەشکرن.

2 - پشکێن ناڤخۆیی یێن کچان (کوردستان سالح 1، کوردستان سالح 2، کوردستان سالح 3، شەدا، و کاروخ) دوبارە دێ ل سەر قوتابیێن كچ یێن كۆلیژێن: پزیشكی (قۆناغێن 4 و 5 و 6)، پزیشكیا ددانان، پەرستاری، زانستێن تەندورستی، و ھونەرێن جوان ھێنە دابەشكرن، زێدەباری قۆتابیێن پشكا ناڤخۆیی یا مودامۆل كو دێ ل سەر پشكێن ناڤخۆیی یێن ل سەری دیاركری ھێنە دابەشكرن.

3 - قوتابیێن کچ یێن پشكێن ناڤخویی شیفا گەردی (ل کەمپا زانکویێ) دێ ل جهێ خۆ یێ سالا بۆری هێنە ئاکنجیکرن.

4 - قوتابیێن (کور و کچ) ل کۆلیژێن زانستێن ئەندازیاریا چاندنێ و كۆلیژا پزیشکیا فێتێرنەری دێ ل پشكێن ناڤخۆیی (کوردستان سالح) ل سێمێلێ هێنە ئاکنجیکرن.

5- قوتابیێن (کور و کچ) یێن كۆلیژا پەروەردا بنیات-ئامێدیێ دێ ل جهێ خو یێ سالا بۆری هێنە ئاکنجیکرن.

تێبینی:

* پێدڤیە قوتابیێن کور و کچ ڤان بەلگەنامەیێن ل خوارێ دیارکری ل گەل خۆ بینن ( ژبلی قوتابیێن کچ یێن پشكا ناڤخۆیی یا شیفا گەردی):

• دوو وێنە
• پەسەندا نوی یا سالاخواندنێ (2026 - 2027) و فەرمانا زانکویێ
• باجا كۆلیژێ
• کارتا نشتمانی، پسولا بارمتە - تەئمینات).