24ـی تەباخا 2026، نڤیسینگەها راگەهاندنا زانکۆیێ (UNPO) | زانکۆیا دهۆك ب خۆشحالی ڤە رادگەهینیت کو دەلیڤەکا نوی ل ژێر پرۆگرامێ ئیرامۆس پلەس یێ ئالوگۆڕا ناڤدەولەتی (KA171) ل زانکۆیا ساپیێنزا ل رۆما، ئیتالیا، بۆ وەرزێ دووێ یێ سالا

خواندنێ 2026-2027 (شوات - تیرمەها 2027) بەردەستە.

ئەڤ دەلیڤە بۆ قوتابیێن بەکالۆریۆس، ماستەر، و دکتۆرایێ، هەروەسا بۆ ستافێ ئەکادیمی (مامۆستایان) ڤەکریە، کو دەلیڤەیەکێ ددەتە پشکداربوویان بۆ بێهزکرنا شارەزایی یێن خۆ یێن ئەکادیمی و پیشەیی، تێکەلبوون د فێربوونا ناڤدەولەتی دا، و ئاڤاکرنا پەیوەندیان دگەل ئێك ژ زانکۆیێن پێشەنگ ل ئەوروپا.

مەرجێن پێشکێشکرنێ

پێدڤیە پێشکێشکار ئاستێ B2 یێ زمانێ ئینگلیزی وەک کێمترین ئاست ل دویڤ چارچۆڤێ ئەوروپی یێ هەڤپشك بۆ زمانان (CEFR) هەبیت. شارەزایی یا زمانێ ئینگلیزی ب رێیا باوەرنامەیەکا فەرمی یان باوەرنامەیەکا سەنتەرێ زمانان ل زانکۆیا دهۆك

دهێتە سەلماندن.

بەلگەنامەیێن پێدڤی

ل دویڤ جورێ پێشکێشکاری، بەلگەنامەیێن پێدڤی پێکهاتینە ژ: سیڤی (CV)، پاسپۆرت، نامەیا هاندەر (Motivation Letter)، ترانسکرێپتێ ئەکادیمی (باوەرنامەیا نمران)، رێکەڤتنا فێربوونێ یان پرۆپۆزەلێ ڤەکۆلینێ، لیستا بەلاڤۆکان، نامەیا پشتەڤانیێ، و نامەیا وەرگرتنێ/داخوازكرنێ ژ پرۆفیسۆرەکێ زانکۆیا ساپیێنزا کو دێ وەک سەرپەرشتێ ئەکادیمی کار کەت.

داخوازێ ژ پێشکێشکاران دكەین کو ژ نۆکە دەست ب ئامادەکرنا بەلگەنامەیێن خۆ بکەن، چونکی هەمی بەلگەنامەیێن پێدڤی د پرۆسەیا هەلسەنگاندنا ئەکادیمی دا دێ هێنە بەرچاڤ وەرگرتن.

دووماهی ژڤان بۆ پێشکێشکرنێ: 4 چریا ئێكێ 2026

ب رێیا فۆڕما گۆگلی پێشکێش بکە: فۆڕما پێشکێشکرنێ یا ئیرامۆس پلەس

پرۆگرامێن ب زمانێ ئینگلیزی ببینە ل زانکۆیا ساپینزا: زانکۆیا ساپینزایا رۆما - کەتەلۆگێ پرۆگرامان

بۆ پتر پێزانین و رێنماییان دەربارەی پرۆسەیا پێشکێشکرنێ، پەیوەندیێ ب رێڤەبەریا پەیوەندیێن ناڤدەولەتی (DOIR) بکەن.

نڤیسینگەها راگەهاندنا زانکۆیێ، 24ـی تەباخا 2026