20ـی تەباخا 2026، نڤیسینگەها راگەهاندنا زانکۆیێ (UNPO) | زانکۆیا دهۆك (UOD) پرۆگرامێ بالیۆزێن گەنج یێن دیالۆگێن دەریایا ناڤەراست (MED Dialogues) بۆ سالا 2026 راگەهاند، کو پلاتفۆرمەکا ناڤدەولەتی بۆ قوتابیێن گەنج یێن ماستەر و دکتۆرایێ، هەروەسا دەرچوویێن نوی، کو حەز ل سەر دینامیکیەتا جوگرافی-سیاسی یا دەڤەرا دەریایا ناڤەراست و رۆژهەلاتا ناڤین و باکورێ ئەفریقیا (MENA) هەی، دابین دکەت.

کۆربەندێ گەنجان ب هەڤپشکی ژ لایێ پەیمانگەها ڤەکۆلینێن سیاسی یێن ناڤدەولەتی (ISPI) و وەزارەتا دەرڤە و هەڤکاریا ناڤدەولەتی یا ئیتالی ڤە دهێتە رێکخستن، ب هەڤکاری ل گەل ئێکەتیا زانکۆیێن دەریایا ناڤەراست (UNIMED).

پشکدارێن دهێنە هەلبژارتن دێ ئەڤان بدەستڤەئینن:

- پشکداریکرنا تەمام د دیالۆگێن دەریایا ناڤەراست (MED Dialogues) دا، کو کۆنفرانسەکە بۆ دەمێ سێ رۆژان ل باژێرێ ناپۆلی ژ 19 تا 21ـی چریا دووێ، 2026 دێ هێتە ئەنجامدان.

- پشکداریکرن د شەش خۆلێن پێشکەڤتی (ماستەر کلاس) یێن تایبەتمەند دا، کو ژ لایێ

شارەزایێن ناڤدەولەتی ڤە دهێنە پێشکێشکرن.

- پلێتا گەشتکرنێ یا ئابووری (ئیکۆنۆمی) و جهێ ئاکنجیبوونێ بۆ ماوێ سێ شەڤان ل

ناپۆلی.

مەرجێن وەرگرتنێ (مافداربوون) پێدڤیە پێشکێشکار ئەڤ مەرجە تێدا هەبن:

- د نۆکە دا د پرۆگرامەکێ ماستەر یان دکتۆرایێ دا یێ وەرگرتی بیت، یان ژی د هەردوو سالێن بۆری دا دەرچوو بیت.

- خەلکێ باکوورێ ئەفریقیا، رۆژهەلاتا ناڤین، یان ئۆروپا بیت.

- حەزەکا مەزن یان شارەزایی د پرسێن گرێدایی ب دەڤەرا رۆژهەلاتا ناڤین و باکوورێ

ئەفریقیا (MENA) ڤە هەبیت.

- خودان شیانەکا باش بیت د زمانێ ئینگلیزی دا.

پێشکێشکرن

پێدڤیە پێشکێشکار (CV)یەکا نوی و ڤیدیۆیەکا کورت (کو ژ دوو خولەکان پتر نەبیت) پێشکێش بکەت و تێدا پالدەرێن خۆ بۆ پشکداریکردنێ د دیالۆگێن ئاست بلند و هەڤکاریا هەرێمی دا رۆن بکەت.

دوماهی ژڤانێ پێشکێشکرنێ: 6ـی ئیلۆنا 2026، دەمژمێر 23:59 ب دەمێ

ناڤەراستا ئەوروپا (دەمێ رۆما).

- ب رێیا ئۆنلاین پێشکێش بکە

- بانگەوازیا پێشکێشکرنێ ببینە

نڤیسینگەها راگەهاندنا زانکۆیێ، 20ـی تەباخا 2026