زانكۆیا دهۆک، ١٦ـی تەباخا ٢٠٢٥ – نڤیسینگەها راگەهاندنا زانکۆیێ (UNPO) | زانکۆیا دهۆک ب خۆشحالی ڤە قوتابیێن خۆ یێن بەکالۆریۆس، ماستەر، دکتۆرا و مامۆستایان ئاگەهدار دکەت ل دۆر دەلیڤەکا نوی یا پشکداریکرنێ د پرۆگرامێ ئێراسموس+ یێ ناڤدەولەتی بۆ لێكگوهۆرینا ئەکادیمی (KA171) ل زانکۆیا ساپینزا ل رۆما، ئیتالیا. پرۆگرام بۆ وەرزێ دووێ یێ سالا خواندنێ یا ٢٠٢٥-٢٠٢٦ (شوبات – تیرمەها ٢٠٢٦) تەرخانكریە و بۆ ڤان ئاستان بەردەستە:

• قوتابیێن بەکالۆریۆسێ
• قوتابیێن ماستەرێ
• قوتابیێن دکتۆرایێ
• مامۆستایێن زانکۆیێ

ئەڤ پرۆگرامێ لووكگوهۆرینێ پێنگاڤەكا گرنگە د پێشسئێخستنا لێكگوهۆرینا ئەکادیمی، کەلتووری و هاریکاریا ناڤدەولەتی دا.

مەرجێن پێشکێشکرنێ
پێدڤیە پێشکێشکار بكیمی ڤە ئاستێ زمانێ ئینگلیزی B2 ل گۆری چارچۆڤێ ئەورۆپی یێ هەڤپشک یێ زمانان (CEFR) هەبیت. بەلگەناما شارەزاییێ ب رێیا ئێک ژ باوەرنامێن ل خوارێ بهێتە پێشکێشکرن:

• باوەرنامێن فەرمی (TOEFL, IELTS, تاقیکرنێن Cambridge English)، یان
• باوەرنامەیەک ژ سەنتەرێ زمانان یێ زانکۆیا خۆ.

پێدڤیێن پێشکێشکرنێ
أ. قوتابیێن بەکالۆریۆس و ماستەرێ

• سی ڤی (CV)
• پاسپۆرت
• ناما پالنەر (Motivation Letter)
• نمرێن خواندنێ (Transcript of Records)
• رێککەڤتنا خواندنێ (کۆرسێن دێ ل زانكۆیا ساپینزا هێنە وەرگرتن یان شرۆڤەکرنا بابەتێ ڤەکۆلینێ)
• ناما قەبوولکرنێ یا ئیمزاکری ژ لایێ پرۆفیسۆرەکێ ساپینزا ڤە (بۆ ڤەکۆلینێن پەیوەندیدار ب تێزێ ڤە)

ب. قوتابیێن دکتۆرایێ

• سی ڤی (CV)
• پاسپۆرت
• دیارکرنا کۆرسێ دکتۆرایێ یێ هەڤبەند
• ناما پالنەر + پێشنیارا ڤەکۆلینێ یا بەرفرەهـ (پرۆپۆزال)
• لیستا بەلاڤۆکان
• ناما پشتەڤانیێ ژ لایێ ستافێ ئەکادیمی ڤە
• ناما قەبوولکرنێ یا ئیمزاکری ژ لایێ پرۆفیسۆرەکێ ساپینزا ڤە (سەرپەرشتیار)

ج. مامۆستایێن زانکۆیێ

• سی ڤی (CV)
• پاسپۆرت
• رێککەڤتنا لێكگوهۆرینێ (Mobility Agreement)
• ناما پالنەر
• لیستا بەلاڤۆکان
• داخوازناما ئیمزاکری ژ لایێ پرۆفیسۆرەکێ ساپینزا ڤە

تێبینیێن گرنگ
پێدڤیە پێشکێشکار هەمی بەلگەنامێن پێدڤی پێشوەخت ئامادە بکەن، ژبەر کو بۆ پرۆسەیا هەلسەنگاندنێ ژ لایێ ستافێ ئەکادیمی یێ ساپینزا ڤە دپێدڤینە. وەرزێ خواندنێ دێ ل دوماهییا مەها شوباتێ ٢٠٢٦ دەستپێکەت و دێ ل مەها تیرمەها ٢٠٢٦ ب دوماهی هێت، و تاقیکرن ب گشتی دێ ل مەهێن خزیران و تیرمەهێ هێنە کرن.

پرۆسەیا پێشکێشکرنێ
پێدڤیە بەربژێر داخوازیێن خۆ ب رێیا ڤێ فۆڕما گۆگلی پێشکێش بکەن.
دوماهی مۆلەت بۆ پێشکێشکرنێ: ٢٠ـی ئیلۆنا ٢٠٢٥
بۆ دیتنا پرۆگرامێن بەردەست ب زمانێ ئینگلیزی ل ساپینزا سەرەدانا ڤی لینكی بكەن: پرۆگرامێن ساپینزا ب زمانێ ئینگلیزی

بۆ هەر پرسیارەکا دی، هیڤیە پەیوەندیێ ب رێڤەبەریا پەیوەندیێن ناڤدەولەتی (DOIR) بکەن.
نڤیسینگەها راگەهاندنا زانکۆیێ، ١٦ـی تەباخا ٢٠٢٥