زانکۆیا دهۆك | ١٥ـی تيرمەها ٢٠٢٦، نڤیسینگەها راگەهاندنا زانکۆیێ (UNPO) – زانکۆیا دهۆك داخوازێ ژ قوتابیێن زانكۆیێ ل هەمی کۆلیژان دکەت کو داخوازنامەیان بۆ بەریكانا "جاما دەستپێکی یا RISE بۆ سالا ٢٠٢٦" پێشکێش بکەن، ئەوا کو د چوارچۆڤێ پرۆژێ RISE (بهێزکرنا تێکەلکرنا شیانان بۆ کاركرن وناڤدەولەتیکرنێ ل هەرێما کوردستانا عیراقێ) هاتیە رێکخستن.

مەرەما بەریكانێ هاندانا داهێنانێ، کارسازیێ، دەلیڤەیێن کاری، و هەڤکاریا ناڤدەولەتیە ب رێیا هاندانا قوتابیان بۆ گوهۆرینا هزرێن داهێنەرانە بۆ چارەسەریێن پراکتیکی کو رووبرووی ئاستەنگێن جڤاکی، ئابووری، ژینگەهی و پەروەردەیی دبن.

بابەتێ بەریكانێ

"ژ هزرێن خۆجهی بەرەڤ کارتێکرنا جیهانی: داهێنانا سنۆربەزێن بۆ جڤاکێن بەردەوام و گەشەپێدانا هەرێمی."

کێ دشێت پێشکێش بکەت؟

دەرگەهێ پێشکێشکرنێ یێ ڤەکریە بۆ قوتابیێن زانكۆیێ ژ هەمی کۆلیژ و پشکێن زانکۆیا دهۆك. پێدڤیە پێشکێشکار ئەڤ مەرجە ل دەف هەبن:

- پێکئینانا تیمەکێ ژ ٢ بۆ ٤ قوتابیێن قۆناغا بەکالۆریۆسێ.

- دروستكرنا پرۆژەکێ بازرگانی یان کارسازی یێ داهێنەرانە کو ل گەل بابەت بەریكانێ بگونجیت.

- پێشکێشکرن و گەهاندنا هزرێن خۆ ب زمانێ ئینگلیزی.

- د سالا خواندنێ یا ٢٠٢٥–٢٠٢٦ ل زانکۆیا دهۆک د تۆمارکری بن.

پێزانینێن بەریكانێ

- دوماهی ژڤان بۆ پێشکێشکرنێ: ٣١ـی تەباخا ٢٠٢٦

- جهێ بەریكانێ: زانکۆیا پۆلیتەکنیکی یا دهۆک، دهۆک

- رێکەڤتێن بەریكانێ: ٩–١٠ـی چریا دووێ ٢٠٢٦

- جهێ چالاکیا پەیوەندیكرنێ (تۆڕبەندی): زانکۆیا زاخۆ، زاخۆ

- رێکەڤتا چالاکیا پەیوەندیكرنێ: ١١ـی چریا دووێ ٢٠٢٦

چاوا پێشکێش بکەی

پێدڤییە پێشکێشکار هەتا رێکەڤتی ٣١ـی تەباخا ٢٠٢٦ ڤان

بەلگەنامەیان پێشکێش بکەن:

- سی ڤی (CV) ئێک لاپەر بۆ هەر ئەندامەکێ تیمێ.

- کورتیا بجهئینانێ (Executive Summary) یا هزرا پرۆژەی (نەپتر ژ دوو لاپەران).

- نامەیا هاندەر (Motivation letter) ل ئێک لاپەر.

- پڕکرنا فۆڕما پێشکێشکرنێ ب رێیا ئۆنلاین:

- فۆڕما پێشکێشکرنێ: https://forms.gle/NdQB6iqDAG1qHFoTA

پشتی پرۆسەیا هەلبژارتنا ناڤخۆیی، تیما سەرکەزڤتی یا زانکۆیا دهۆك دێ رێنمایی وشیرەتان وەرگرێت و دێ پشکداریێ د چەندین وۆرکشۆپێن راهێنانێ یێن ئۆنلاین دا کەت، بەری کو نوینەراتیا زانکۆیا دهۆك د بەریكانا RISE Start Cup 2026 دا بکەت، ئەوا دێ ل ٩–١٠ـی چریا دووێ ٢٠٢٦ ل زانکۆیا پۆلیتەکنیکی یا دهۆك هێتە ئەنجامدان، و ل دویڤ دا چالاکیا پەیوەندیكرنێ یا RISE ل ١١ـی چریا دووێ ٢٠٢٦ ل زانکۆیا زاخۆ دێ هێتە گێڕان.

خەلاتێن بەریكانێ

پشکدار دێ هەڤرکیێ ل سەر ڤان کەن:

- باوەرنامەیێن نایابیێ

- دەلیڤەیێن رێنماییکرن و شیرەتکرنێ

- دیاربوونا ناڤدەولەتی ب رێیا تۆڕێن RISE و UNIMED

- دەلیڤەیێن هەڤکاریا پاشەرۆژێ و گەشەپێدانا پرۆژان

ئەم هاندانا وان قوتابیان دکەین یێن ئارەزوومەند ب کارسازی، داهێنان و گەشەپێدانا دۆمدار، کو ڤێ دەلیڤەیێ ژ دەست نەدەن بۆ نیشاندانا هزرێن خۆ، بهێزکرنا کارامەییێن خۆ یێن پیشەیی و نوینەراتیکرنا زانکۆیا دهۆك د بەریكانا ئەکادیمی یا ناڤدەولەتی دا.

بۆ پێزانینێن زێدەتر، هیڤی یە پەیوەندیێ بکەن: د. نەزار ئەمین محەمەد

رێکخەرێ خۆجهی یێ پرۆژێ RISE – زانکۆیا دهۆك

[email protected]

بۆ پێزانینێن زێدەتر دەربارەی پرۆژەی، سەرەدانا ڤی لینکی بکەن:

https://www.risekrdproject.eu/

نڤیسینگەها راگەهاندنا زانکۆیێ، ١٥ـی تیرمەها ٢٠٢٦

پەیڤێن سەرەکی: بەریکانا RISE Start Cup 2026 زانکۆیا دهۆك داهێنانا قوتابیان

بەریكانا کارسازیێ هەڤکاریا ناڤدەولەتی