زانکۆیا دهۆک، ٨ـی نیسانا ٢٠٢٦، نڤیسینگەها راگەهاندنا زانکۆیێ (UNPO) | وەزارەتا خواندنا بلند و ڤەکۆلینێن زانستی ل حکومەتا هەرێما کوردستانێ، بەردەستبوونا زەمالەیێن خواندنێ بۆ ماستەر و دکتۆرایێ رادگەهینیت کو ژ لایێ کۆمارا چینا میللی ڤە هاتینە پێشکێشکرن ل ژێر بەرنامێن (MOFCOM–CSC) دا.

ئەڤ زەمالە بۆ پێشکێشکارێن هەرێما کوردستانێ دبەردەستن، بۆ مامۆستا، فەرمانبەر و دەرچوویان. مەرەم ژێ پشته‌ڤانیكرنا لڤینا ئەکادیمی یا ناڤدەولەتی، پەرەپێدانا شیانێن ڤەکۆلینێن پێشکەڤتی، و ئاڤاکرنا شیانانە ل گۆرەی پێشینەیێن کەرتی خواندنا بلند.

پێدڤییە پێشکێشکار داخوازنامەیێن خۆ ب شێوەیەکێ راستەوخۆ ب رێکا ڤان پلاتفۆرمێن فەرمی یێن ل خوارێ پێشکێش بکەن:
https://mega.nz/folder/2MVQkbLL#4WBUSS6LbRVgC6Zof1ts5w
https://mega.nz/folder/2N0wlDpR#L462GmyQhSh9TpDu4P7nFQ

مەرج و پێدڤی – کۆمارا چینا میللی

• پێشکێشکار پێدڤییە وەلاتییەکێ عیراقی و ئاکنجییێ هەرێما کوردستانێ بیت.
• ژییێ وی ژ ٤٥ سالان کێمتر بیت و رەوشا وی یا تەندروستی یا باش بیت.
• پاسپۆرتا وی یا کارا بیت (کێمتر نەبیت ژ ٦ هەیڤان).
• شیانێن زمانێ ئینگلیزی هەبن (TOEFL یان IELTS).
• باوەرنامە و نمرێن باوەرپێکری (پشتراستکری).
• باوەرنامەیا نەبوونا پێشینەیا تاوانی (عدم محکومیە) و باوەرنامەیا تەندروستی (ب فەرمی پشتراستکری بن).
• دوو نامەیێن پشتەڤانییێ (Recommendation letters).
• سیڤی (CV) و نامەیا کەسی (Personal statement).

مەرج و پێدڤی – وەزارەتا خواندنا بلند یا هەرێمێ

بۆ پێشکێشکارێن ماستەرێ:

• تێکڕایێ نمرێن بەکالۆریۆسێ ژ ٦٥٪ کێمتر نەبیت.
• کێمترین ماوێ راژەیێ (خزمەتێ) بۆ فەرمانبەرێن هەرێمێ دوو سال بن.
• پێدڤییە بوارێ خواندنێ دگەل باوەرنامەیا پێشتر یێ گونجای (هەمان بوار) بیت.

بۆ پێشکێشکارێن دکتۆرایێ:

• تێکڕایێ نمرێن ماستەرێ ژ ٧٠٪ کێمتر نەبیت.
• کێمترین ماوێ راژەیێ (خزمەتێ) دوو سال بن (و ٥ سال بۆ دەرچوویێن بەرنامێ تواناسازی HCDP).
• بەردەوامیا پسپۆرییێ پێدڤییە (واتە ماستەر و دکتۆرا هەمان بوار بن).

تێبینی: ئەو فەرمانبەرێن دهێنە وەرگرتن، دێ بتنێ مۆلەتا خواندنێ ب مووچەیێ بنەرەتی و دەرماڵەیێن جێگیر پێ هێتە دان.

پێدڤییێن پشتی پێشکێشکرنێ
پشتی تەمامکرنا پێشکێشکرنا ئۆنلاین، پێدڤیە پێشکێشکار پێزانین و بەلگەنامەیێن خۆ ب رێکا ئیمەیلی بۆ وەزارەتێ فرێبکەن بەری دەمێ دیارکری یێ فەرمی ب دوماهی بهێت.

ئیمەیل: ([email protected])

پێدڤییە پێشکێشکار پەیڤا (CSC) یان (MOFCOM) د بابەتی (Subject) ئیمەیلی دا بنڤیسن و ڤان پێزانینێن ل خوارێ ب زمانێ ئینگلیزی تێدا دیار بکەن:

• ناڤێ تەمام (رێک وەکو د پاسپۆرتێ دا هاتیە نڤیسین)
• جهێ کاری
• بەرنامەیێ پێشکێشکرن بۆ هاتییە کرن (بۆ نموونە: ماستەر یان دکتۆرا د [بوارێ خواندنێ] دا)
• ئێک فایلێ PDF کو کۆپییا هەمی بەلگەنامەیێن داخوازنامێ بخۆڤەبگریت
• وێنەیەکێ شاشەیێ (سکرین شۆت - Screenshot) ژ پەڕێ پشتراستکرنا پێشکێشکرنا ئۆنلاین
• کۆپییەک ژ تاقیکرنا زمانێ ئینگلیزی (TOEFL یان IELTS)
• ناڤونیشانێن ئیمەیلی
• ژمارا تەلەفۆنێ

دوماهیک ژڤان: ٣ـی گولانێ ٢٠٢٦

ئەڤە دوماهیک ژڤانە کو پێدڤییە پێشکێشکار پێزانین و بەلگەنامەیێن داخوازنامەیا خۆ ب رێکا ئیمەیلی بۆ وەزارەتێ فرێبکەن پشتی تەمامکرنا پێشکێشکرنا ئۆنلاین.

نڤیسینگەها راگەهاندنا زانکۆیێ، ٨ نیسانا ٢٠٢٦