زانکۆیا دهۆک و زانکۆیا زانستێن چاندنێ و پزیشکیا ڤێتێرنەری ل کلوج-ناپۆکا ل وەلاتێ ڕۆمانیا ب ئیمزاكرنا رێكەڤتننەكا لێکتێگەهشتنێ ب رێكا کۆمبوونەكا ئۆنلاین پێنگاڤەكا مەزن هاڤێتن بەرەڤ بەرفرەهكرنا هاریکاریا ئەکادیمیا ناڤدەولەتی. ئەڤ ڕێککەڤتنە بڕگەیەكا گرنگە د بهێزکرنا پەیوەندیاندا دناڤبەرا هەردوو سازیان دگەل گرنگیدانێ ب بهێزكرنا ڤەكۆلینێن زانستی و ئاڵوگۆڕیا ئەکادیمی و لێکتێگەهشتنا کەلتووری.

ل مەراسیمێن ئیمزاكرنا ئۆنلاین دا نوێنەرێن سەرەکی یێن هەردوو زانکۆیان ئامادەبوون. د. داود سلێمان ئەتروشی، سەرۆکێ زانکۆیا دهۆک و د. نەزار ئەمین محەمەد، رێڤەبەرێ پەیوەندیێن ناڤدەولەتی و د. جەلادەت م. ساڵح، مامۆستایێ کۆلیژا زانست پشكداریكرن. لایەنێ ڕۆمانی پێكهاتبوو ژ د.کۆرنێل کاتۆی، سەرۆکێ زانکۆیا زانستێن چاندنێ و پزیشکیا ڤێتێرنەری و ماریان تاولیسکۆ، هاریكارێ سەرۆكێ زانکۆیا ناڤبری بۆ پەیوەندیێن ناڤدەولەتی.

سەرکردێن هەردوو زانکۆیان خۆشحالیا خو دەربڕین سەبارەت ڤێ هەڤپشكیا نوی. د. داود ئەتروشی، جەخت ل وێ چەندێ کر کو ئەڤ جۆرێن هەڤكاریێ گەلەك د گرنگن بۆ باشترکرنا ستانداردێن پەروەردەیی وڤەكۆلینێ. د. کاتۆی ژ زانکۆیا ڕۆمانیا تیشک ئێخستە سەر ئەو مفایێن هەڤبەش یێن کو ئەڤ هەڤپشكیە بۆ هەردوو سازیان دگەهینیت.

ئەڤ رێكەفتننامە پلانێن پڕۆژێن ڤەكۆلینێن هەڤپشك، بەرنامێن ئاڵوگۆڕیێ بۆ مامۆستایان و قوتابیان و هەڤكاریێن ئەکادیمی دیاردكەت. دهێتە چاڤەرێكرن ئەڤ هەڤپشكیە ببیتە ئەگەرێ پێشڤەبرنا داهێنانێ و پەرەپێدانا پەیوەندیێن کەلتووری د ناڤبەرا هەرێما کوردستانێ و ڕۆمانیا، كو مفایێ دگەهینیتە كۆمەلگەها ئەكادیمی یا جیهانی ب گشتی.

زانكۆیا دھۆك

زانكۆیا دھۆك زانكۆیەكا حكومی یە ل باژێرێ دھۆكێ، ب دویراتیا 150 كیلومەترا ژ باكورێ رۆژئاڤا ھەولێرێ – پایتەختێ ھەرێما كوردستانا عیراقێ. باژێرێ دھۆكێ دكەڤیتە د گەلیەكێ جواندا دەوروبەرێن وی چیایێن بلندن. كەمپا زانكۆیێ دەڤەرەكا كەسك یا مەزنە ل لایێ رۆژئاڤا باژێری و دیمەنەكێ جوان بەرامبەر باژێرێ دھۆكێ و سرۆشتێ دەوروبەر ھەیە. زانكۆیا دھۆك ل چریا ئێكێ 1992 ھاتیە دامەزراندن. ب دوو كۆلیژەیا ب تنێ دەستپێكریە بۆ دابینكرنا داخازیا دەڤەرێ ژ دەرچوویێن بسپور. نوكە زانكۆیا دھۆك ژ 19 كولیژا پێكدھێت كو 67 پشكێن زانستی بخۆڤەدگریت. پتری 24000 قوتابی ل زانكۆیا دھۆك دخوینن و پتری 4000 كادرێ ئەكادیمی و كارگێری ھەیە. قوتابیێن زانكۆیا دھۆك د ناڤ باشترین جڤاكێن ئەكادیمی ل دەڤەرێ دخوینن، د بوارێن جودا دا وەكو چاندن، پزیشكی، پزیشكی فیتێرنەری، تەلارسازی، ئەندازیاری، زانستێن مرۆڤایەتی، زمان، پەروەردا بنەرەت، ئابور و پلاندانانا جھەكی. زانكۆیا دھۆك ھەڤپشكیەكا بھێز ھەیە ب رێكا پەیوەندیێن خۆ ل گەل چەندین سازیێن خواندنا بلند و سەنتەرێن ڤەكۆلینان ل سەرانسەری جیھانێ وەكو: زانكۆیا بوردو، زانكۆیا ئیندیانا IU، زانكۆیا نیویورك NYU، زانكۆیا نوتردام ND، زانكۆیا ئەركنساس ل لیتل رۆك UA، زانكۆیا بریدج ووتر ل ویلایەتێن ئێكگرتی یێن ئەمریكا، زانكۆیا وارسو ل پۆلەندا، زانكۆیا گلاسكۆ ل ئسكوتلەندا، زانكۆیا توینتی ل ھۆلەندا، زانكۆیا لایبزیگ، زانكۆیا LLC، زانكۆیا ئولدنبۆرگ، زانكۆیا فیشتا، زانكۆیا فلینسبۆرگ، زانكۆیا دورتموند TU، زانكۆیا گیسین THM ل ئەلمانیا، زانكۆیا توسیكا، زانكۆیا پاڤیا، زانكۆیا ساپینزا ل ئیتالیا، زانكۆیا دیۆستۆ، زانكۆیا بەرشەلۆنا و زانكۆیا گەرەنادا UGR ل ئسپانیا، زانكۆیا لوند ل سوید، زانكۆیا ساسكس ل بەریتانیا، زانكۆیا تامبیری ل فنلەندا، زانكۆیا شاریقە و زانكۆیا خورفكان ل ئیمارات، و چەندین زانكۆیێن دی. دیسان زانكۆیا دھۆك ئەندامەكا چالاكە ل ئێكەتیا نێڤدەولەتی یا زانكۆیان IAU و ئێكەتیا زانكۆیێن دەریا ناڤەراست UNIMED و ئێكەتیا زانكۆیێن عەرەبی AARU.

راگەهاندنا زانكۆیا دهۆك، 6ـی چریا دووێ، 2024

فاطمة محمود

وەرگێران: فاطمة محمود

فۆتۆ: حسێن تتمی