یەکەیێن (ECTS) سیستەمێ ڤەگوهاستن و کۆمکرنا یەکەیێن ئەورۆپی (ECTS) ئامرازەکە ژ پرۆسەیا بۆڵۆنیا بۆ پتر روونکردن و ئاسانکاریا ڤەگوهاستنا خواندن و کۆرسان، کو دبیتە ئەگەرێ بلندکرنا کوالیتیا خواندنا بالا.

یەکەیێن (ECTS) قەبارێ فێربوونێ دیار دکەن ل سەر بنەمایێ دەستکەفتێن فێربوونێ یێن دەستنیشانکری و وەرزی (Workload) یێ گرێدای ب وان ڤە. ٦٠ یەکەیێن (ECTS) دهێنە تەرخانکرن بۆ دەستکەفتێن فێربوونێ و وەرزی یێ سالەکا خواندنێ یا تژی (full-time).

وەرزی (Workload) خەملاندنا وێ دەمی یە یێ کو پێدڤی یە بۆ ب دوماهی ئینانا هەمی چالاکیێن فێربوونێ وەک وانە، سیمینار، پرۆژە، کارێن پراکتیکی، مەشقێن مەیدانی و خواندنا تاکەکەسی کو پێدڤی نە بۆ گەهشتن ب دەستکەفتێن فێربوونێ د ناڤەندێن فەرمی دا. ب شێوەیەکێ ئاسایی، وەرزیێ سالەکا خواندنێ یا تژی د ناڤبەرا ١،٥٠٠ تا ١،٨٠٠ دەمژمێران دایە، کو رامانا وێ ئەوە هەر یەکەیەک بەرامبەر ٢٥ تا ٣٠ دەمژمێرێن کاری یە.

تەرخانکرنا یەکەیێن (ECTS) پرۆسەیا دانانا ژمارەیا یەکەیانە بۆ باوەرنامە، پرۆگرامێن زانستی یان پێکهاتەیێن خواندنێ یێن تاکەکەسی. یەکەی دهێنە تەرخانکرن بۆ پێکهاتەیێن وەک:

• یەکەیێن کۆرسان
• نامەیێن ڤەکۆلینێ (تێز)
• فێربوونا ل سەر بنەمایێ کاری
• مەشقێن مەیدانی

بەخشینا یەکەیان د سیستەمێ (ECTS) دا کارەکێ فەرمی یە بۆ پێدانا یەکەیان ب قوتابی پشتی ب دوماهی ئینانا چالاکیێن پێدڤی و گەهشتن ب دەستکەفتێن فێربوونێ، کو ب رێکا هەلسەنگاندنەکا گونجای دهێتە سەلماندن. کۆمکرنا یەکەیان د سیستەمێ (ECTS) دا پرۆسەیا کۆمکرنا وان یەکەیێن بەخشراوە. قوتابی دشێت یەکەیان کۆم بکەت بۆ:

• ب دەستڤەئینانا باوەرنامێ
• دیکۆمێنتکرنا دەستکەفتێن کەسی بۆ مەرەما فێربوونا بەردەوام.

ڤەگوهاستنا یەکەیان پرۆسەیا ناساندنا وان یەکەیێن بەخشراوە ژ ناڤەندەکێ (پرۆگرام، زانکۆ) بۆ ناڤەندەکا دی یا فەرمی ب مەرەما ب دەستڤەئینانا باوەرنامێ.

کەتەلۆگا کۆرسێن ECTS

خشتێ نمرەیێن ECTS