سیستەمێ یەکەیێن ECTS

سیستەمێ ئەوروپى یێ ڤەگوهاستن و کۆمکرنا یەکەیان (ECTS) ئامرازەکە ژ پرۆسەیا بۆلۆنیا، بۆ هندێ کو خواندن و کۆرس زەلالتر بن و ب ساناهى بهێنە ڤەگوهاستن، ئەڤە ژى دبیته ئەگەرێ بلندکرنا کوالیتیا خواندنا بلند.

یەکەیێن ECTS گوزارشتێ ژ قەبارێ فێربوونێ دکەن ل سەر بنەمایێ ئەنجامێن فێربوونێ و وى بارێ کارى (workload) یێ پێدڤى.

60 یەکەیێن ECTS دهێنە تەرخانکرن بۆ ئێک سالا خواندنێ (full-time).

بارێ کارى (Workload): تەخمینکرنا وى دەمى یە یێ پێدڤى بۆ ب دوماهی ئینانا هەمی چالاکى و کارێن خواندنێ، وەکو: وانە (لێکچەر)، سمینار، پرۆژە، کارێن پراکتیکى، راهێنانێن مەیدانى و خواندنا تایبەت.

ب شێوەیەکێ گشتى، بارێ کارێ سالەکا خواندنێ د ناڤبەرا 1,500 بۆ 1,800 دەمژمێران دایه، کو رامانا وێ ئەوە هەر یەکەیەک (1 credit) بەرامبەرى 25 بۆ 30 دەمژمێرێن کارى یە.

دابەشکرنا یەکەیان (Allocation): ئەو پرۆسەیە یا کو تێدا ژمارەکا یەکەیان ددەنە باوەرنامەیان، پرۆگرامێن خواندنێ، یان بابەتێن خواندنێ ب تنێ.

یەکە دهێنە دان بۆ ڤان پشکێن پەروەردەیى:

• بابەتێن خواندنێ (Course units)
• نامەیێن زانستى (Dissertations)
• فێربوونا ل سەر بنەمایێ کارى
• راهێنانێن مەیدانى (Work placements)

پێشکێشکرنا یەکەیان (Awarding credits): ئەو کارێ فەرمى یە یێ پێدێدانا یەکەیان بۆ قوتابى، پشتی کو هەمی کارێن پێدڤى ب دوماهى دئینیت و نمرەکا سەرکەفتى د تاقیکردنێ (assessment) دا دئینیت.

کۆمکرنا یەکەیان (Accumulation): کۆمکرنا وان یەکەیێن قوتابى ب دەستخستین بۆ هندێ کو:

• باوەرنامەیێ ب دەست بێخیت.
• دەستکەفتێن خۆ یێن زانستى دۆکیۆمێنت بکەت بۆ فێربوونا بەردەوام.

ڤەگوهاستنا یەکەیان (Transfer): قەبوولکرنا وان یەکەیێن قوتابى ل زانکۆیەکێ یان ل پرۆگرامەکێ دى ب دەستخستین، دا کو ل جهەکێ دى مفاى ژێ وەربگریت بۆ وەرگرتنا باوەرنامەیێ.

کەتەلۆکا کۆرسێن ECTS

خشتەیێ نمرەیێن ECTS