پێڤاژۆیا بۆلۆنیا و پەرەپێدانا پروگرامان
پشکا پێڤاژوویا بۆلۆنیا و پەرەپێدانا پروگرامان ل زانکویا دهوکێ
ل دیڤ بڕیارا جڤاتا زانكۆیێ ئەڤ پشكه هاتیه دانان ژبو ئاسانکرنا كارێ پەیرەوکرنا پێڤاژۆیا بۆلۆنیا ل زانکۆیا دهۆك.
کارێن سه‌ره‌كی یێن ڤێ پشكێ:
- هاریکاریكرنا پشكێن زانستی بو پەیره‌وکرنه‌كا دروست یا پێڤاژۆیا بۆلۆنیا برێکا کومبوون، سیمینار، وێرکشوپ و سەرەدانان.
- هاریکاریكرنا پشكێن زانستی ژبو پێشڤەبرنا بەرنامێن خواندنێ و پەیرەوکرنا سیستەمێ (ECTS) یێ کرێدیتان.
- هەماهەنگی کرن دگەل رێڤەبەریا دلنیا جوری ژبو پەیره‌وکرنا رێنمایێن ESG یێن ڤێ پرۆسێسێ بۆ دلنیا جوری.
- دارشتنا پلانان ژبو قوتابی دا كو ببیتە چەقێ فێربونێ (Student Centered Learning).
- دارشتنا پلانان ژبۆ پەیرەوکرنا "ئارمانجێن پێشڤەبرنا بەردەوام یێن یونیسکو" Sustainable Development Goals (SDGs).
- سەرپه‌ره‌شتیكرنا و هاریکاریكرنا پشكێن زانستی ژبۆ بکارئینانا سیستەمێ ئەلکترونی یێ گرێدای ب پروسێسا خواندنێ وئەنجام دانا ئەزموونان (eUMS).
- بەرهەڤکرنا زانیاریان لسەر وێب سایتێ زانکۆیا دهۆك سەبارەت رێنمایێن پەیره‌وکرنا پێڤاژۆیا بۆلۆنیا و چەوانیا بکارئینانا سیستەمێ ئەلیکترۆنی.
- ئامادەکرنا کەتەلوکا بابەتا یا زانکویێ (Programme Catalogue).
هوبێن پێڤاژۆیا بۆلۆنیا و پەرەپێدانا پرۆگرامان ل کولیژێن زانکویا دهوکێ
کارێن سه‌ره‌كی یێن ڤان هوبان:
- هاریکاریكرنا پشكێن کولیژێ برێکا رێکخەرێن پشكان ژبۆ پەیره‌وکرنه‌كا دروست یا پێڤاژۆیا بۆلۆنیا برێکا کومبوون، سیمینار و وێرکشۆپان.
- هاریکاریكرنا پشكێن کولیژێ ژبو پێشڤەبرنا بەرنامێن خواندنێ و پەیرەوکرنا سیستەمێ (ECTS) یێ کرێدیتان.
- پێشکێشکرنا هاریکاریا ئەکادیمی بۆ قوتابیان و ئاشناکرنا قوتابیان ب پێڤاژۆیا فێربونێ ب هاریکاریا رێکخەرێن پشكان.
- هاریکاریکرنا پشكێن کولیژێ بۆ پتر کارکرن ل گەل ئێك ژبۆ باشتر بکارئینانا کەرستێن ل بەردەست.
- جێبەجێکرنا پلانێن زانکویێ دا كو قوتابی ببیتە چەقێ فێربونێ.
- سەرپه‌ره‌شتیكرنا بکارئینانا سیستەمێ ئەلکترونی (گرێدای ب پروسێسا خواندنێ) و هاریکاریكرنا پشكێن زانستی بۆ بکارئینانا ئەڤی سیستەمی ژبو رێڤەبرنا پرۆسێسا خواندنێ.
- هەماهەنگی کرن دگەل پشكا پەیرەوکرنا پێڤاژۆیا بۆلۆنیا ل زانکویێ ژبو گەنگەشەکرنا ئاستەنگ و ئاریشه‌یێن پەیرەوکرنا ڤێ پروسێسێ ل کولیژێ و پەیداکرنا چارەسەریا.
- ئامادەکرنا کەتەلوکا بابەتان یا کولیژێ (Programme Catalogue).
رێکخەرێن پێڤاژویا بۆلۆنیا و پەرەپێدانا پرۆگرامان ل پشكێن زانستی ل زانکویا دهوکێ
کارێن سه‌ره‌كی یێن ڤان رێکخەران:
- هەماهەنگی کرن دگەل سەروکێ پشكێ و لیژنا زانستی ژبۆ پەیره‌وکرنه‌كا دروست یا پێڤاژویا بۆلۆنیا.
- هەماهەنگی کرن دگەل سەروکێ پشكێ و لیژنا زانستی ژبو پێشڤەبرنا بەرنامێ خواندنێ (Curriculum) و پەیرەوکرنا سیستەمێ (ECTS) یێ کرێدیتا.
- ئاشناکرنا ستافێ ئەکادیمی ب پێڤاژۆیا بۆلۆنیا و رێنمایێن زانکویێ یێن پەیروکرنا ڤێ پروسێسێ ب رێکا کومبوون، سیمینار و وێرکشوپا.
- پێشکێشکرنا هاریکاریا ئەکادیمی بۆ قوتابیان و ئاشناکرنا قوتابیان ب ئەڤێ پرۆسێسێ و رێنمایێن زانکویێ یێن پەیروکرنا ڤێ پروسێسێ.
- جێبەجێکرنا پلانێن زانکویێ دا كو قوتابی ببیتە چەقێ فێربوونێ.
- سەرپه‌ره‌شتیكرنا بکارئینانا سیستەمێ ئەلکترونی (گرێدای ب پروسێسا خواندنێ) و هاریکاریكرنا پشكێ بۆ بکارئینانا ئەڤی سیستەمی ژبو رێڤەبرنا پرۆسێسا خواندنێ.
- هەماهەنگی کرن دگەل هوبا پەیرەکرنا پێڤاژۆیا بۆلۆنیا ل کولیژێ ژبو گەنگەشەکرنا ئاستەنگ و ئاریشێن پەیرەوکرنا ڤێ پروسێسێ ل پشكا زانستی و پەیداکرنا چارەسەریا.
- ئامادەکرنا کەتەلوکا بابەتا یا بەشێ زانستی (Course Catalogue).