ل رۆژا ئێك شەمبی ٢٠١٩/٥/٥ ووركشوپەك هاتە گێران ژلایێ سەنتەرێ ڤەكولینێن جینوسایدێ ل دۆر جینۆساید وەك بابەتەكێ ئەكادیمی و زانستی و بۆ ماوێ حەفتیەكێ بەردەوام بوو.
رێڤەبەرێ سەنتەرێ ڤەكولینێن جینوسایدێ ل زانكۆیا دهۆك د. سالم جاسم ل دۆر ڤی ووركشوپی گۆت ئێك ژ پرۆژێن مە وەكو سەنتەرێ جینوسایدێ چاوانیا سەرەدەری كرن دگەل وان كەسێن ژ جینوسایدێ رزگاربووین و ڤەكۆلێنێن زانستی و ئەكادیمی ل سەر ڤی بابەتی بهێنە كرن لەورا مە ئەڤ ووركشوپە ئەنجام دا بو هژمارەكا قوتابیان كو دابەش ببنە سەر دوو گرۆپا ئەو ژی گرۆپەك كار بكەت ل سەر ئەنفالان و كومكرنا پێزانینێن باش و گرۆپەك كار بكەت ل سەر جینۆسایدا ئێزدیان و چاوانیا دروست كرنا ڤەكۆلینێن باش كو ئێك ژ كارێ سەنتەرێ مەیە.
رێڤەبەرێ سەنتەرێ ڤەكولینێن جینوسایدێ ئەو ژی گۆت كو ئەڤ وورك شۆپە بۆ ماوێ حەفت رۆژا ەردەورام بوو و تێدا كۆمەكا بابەتان هانە پێشكێش كرن وەك سەرەدەری دگەل رزگاربوویێن جینۆسایدێ و چاوانیا چافپێكەفتنێ دگەل دیدەڤان و رزگار بوویان و هەروەسا سەرەدەری دگەل زارۆكێن رزگاربووی و دیسا دیتنەكا یاسایی ل سەر جینۆسایدێ و گەلەك بابەتێن دی ژ لایێ كۆمەكا مامۆستایێن شارەزایا د ڤی بیاڤی دا و گەنگەشە ل سەر ڤان بابەتا هێنە كرن.