ئەڤرو روژا پێنجشەمب رێکەفتی ٢٠٢١/٩/١٦ سەنتەرێ ڤەکولینێن جینوسایدێ-زانکویا دهوك ب هەڤکاری دگەل رێکخراوا نیڤدەولەتی یا کوچبەریێ، رێکخراوا یەزدا، سەنتەرێ کەلەپووری کولتووری دیجیتالی-زانکویا پولیتەکنیك سلێمانی و تورا نەهرەین و ب پالپشتیا دارایی یا ئاژانسا ئەمریکی یا گەشەپێدانا نیڤدەولەتی بەشێ دووێ ژ چالاکیا “کەسێ گوهلێنینە: جیهانا ئاشوپ” ل سەنتەرێ روشەنبیری جڤاکی ئەنجامدا ب بەشداربوونا پارێزگارێ دهوکێ پ.د. علی تەتەر، سەروکێ ئەنجوومەنێ پارێزگەها دهوکێ فەهیم عبدلله، سەروکێ زانکویا دهوك پ.هـ.د. داود سلێمان و نوینەرێن رێکخراوێن ناڤخویی و نیڤدەولەتی. پشتی خواندنا پەیڤێن دەستپێکی ژلایێ رێکخەرا چالاکیێ یا سەنتەرێ ڤەکولینێن جینوسایدێ، پارێزگارێ دهوکێ، سەروکێ زانکویا دهوکێ، رێڤەبەرێ سەنتەرێ ڤەکولینێن جینوسایدێ و نوینەرێن رێکخراوان، ڤیدیویەك هاتە نیشاندان دەربارەی ئەنجامێن بەشێ ئێکێ ژ پروژەی کو ستافێ سەنتەرێ ڤەکولینێن جینوسایدێ و ١٥ قوتابیێن بەشێ سیاسەتا گشتی بەشدار ببون ل ئادارا ئەڤ سالە، و ل دویڤدا پەنەلەك هاتە برێڤەبرن ژلایێ ڤەکولەرێ هاریکار سامان عمر کو تێدا هژمارەکا ڤەکولەر و چالاکڤانا بەشداربوون.