سەنتەرێ جەندەرناسی ل زانكۆیا دهۆك ل رۆژا 16/11/2021 خولەكا هشیاركرنێ ل ژێر درووشمێ (یەكسانی بنیاتێ بەختەوەری و خێزانا ساخلەمە) ل سەنتەرێ رەوشەنبیری و جڤاكی ئەنجامدا.
مامۆستا سومەیا سەعید خالد، رێڤەبەرا سەنتەرێ جەندەرناسی ل زانكۆیا دهۆك دیاركر كو ب هەلكەفتا شازدە رۆژێن بەرهنگاربوونا توندوتیژیێ دژی ئافرەتێ ل جیهانێ ئەوا هەرسال ل 25/11 دهێتە ساخكرن، ئەڤ خولە هاتە ئەنجامدان و دێ بۆ ماوێ سێ رۆژان یا بەردەوام بیت، ب پشكداریا 30 قوتابیان و فەرمانبەران ژ زانكۆیا دهۆك، دڤێ خولێ دا دێ بابەتێن جودا جودا هێنە گۆتن یێن گرێدای جەندەر و یەكسانیێ ژبەر كو ئەڤ بابەتە خزمەتا ئێك دوو دكەن، ئێك تەمامكەرێ ئێكی یە، چەندین مامۆستایێن بسپۆر دێ ڤێ خولێ پێشكێش و برێڤەبەن هەر رۆژ دێ دوو مامۆستا ڤێ خولێ برێڤەبەن و دووماهیا خولێ ژی دێ باوەرنامە ل سەر قوتابیان هێنە بەلاڤ كرن، ئەڤ خولە ب هەڤكاریا پشكا سسیولۆژی ل كۆلیژا زانستێن مرۆڤایەتی یە.