دهربارهى كونفراسى
د روژهڤا ئهڤرودا تێگههێ "بیردانك" جههكێ تایبهت گرتیه د ڤهكولینێن زانستى یێن جینوسایدێ دا، گهل و مللهتێن روژێن سهخت و گران بۆراندین یان د ژیانا خودا كهتینه بهر ههوێن جوراوجورێن جینوسایدێ، بیاڤێ "بیردانكێ" دبیته باشترین ههڤكار بۆ وان كو بیرا خو ل ڤان سهربورا بیننهڤه، ب رێكا ڤهگهریانێ بو جهێن ڤان ڕویدانا ب مهرهما پاراستن و ئهرشیفكرن و ڤهكولینان و سازدانا كوومبوونێن زانستی و ههمبیّزكرنا قارهمان و قوربانیێن بوینه سومبلێن قوربانیدانێ. ل ڤێره رۆلێ مهزنێ وان ههمى كهسان دیاردبیت یێن گرنگیێ ددهنه جینوسایدێ، داكو زێدهتر مللهت هشیارببیت ب رێكا بهێزكرنا ههڤگرتنا جڤاكى دناڤبهرا ئهندامێن وێ دا، و رێكخستنا پهیوهندیێن مرۆڤایهتى دگهل مللهتێن دی، داكو ئهڤ جوره كومكۆژیه د پاشهروژێدا دوباره نهبن. ل بن سیناهیا ڤان پهیڤان مه بفهر دیت كونفرانسێ زانستى یێ سیێ ئهنجامبدهین ل دۆر "جینوساید دبیردانكا مللهتاندا".