كولیژا پەروەردە - ئاكرێ
رۆژا دووشەمبی رێکەفتی (٢٤-١٠-٢٠٢٢) ب ئامادەبوونا هەمی ئەندامێن جڤاتا کۆلیژێ، رێورەسمێن دەستبکاربوونا راگرێ نویێ کۆلیژێ هێژا (د.رشاد کمال مصطفی) رێڤەچوو.
د ئەوێ رێورەسمێدا ژ لایێ ئەندامێن جڤاتا کۆلیژێ پیرۆزبایی ل (د.رشاد کمال مصطفی) راگرێ نویێ کۆلیژێ هاتە کرن و هیڤییا سەرکەفتنێ بۆ هاتە خواستن.
هەروەسا سۆپاسی و دەستخۆشی ل هێژا (د.کریم محمد ککۆ) راگرێ بەرێ یێ کۆلیژێ هاتە کرن بۆ ئەو خزمەتا د ساڵێن بوریدا پێشکێشی کۆلیژێ کری.
پشتی دەستبکاربوونا هێژا راگرێ نویێ کۆلیژێ، ب ئامادەبوونا هژمارەکا زۆرا ماموستا و فەرمانبەرێن کۆلیژێ و ب مێڤاندارییا بەرپرسێن (لقا قوتابییان، ناوچا کۆلیژ و پەیمانگەهان، لیژنێن قوتابییان یێن خواندنێن سپێدەییان و ئێڤاران)، وەک رێزلێنان بۆ خزمەتا رێزدار (د.کریم محمد ککۆ) راگرێ بەرێ یێ کۆلیژێ، مەراسیمەک هاتە گێڕان کۆ تێدا ژ بلی پێشکێشکرنا گوتارێن هێژایان راگرێن نوی و بەرێ یێن کۆلیژێ و پێشکێشکرنا چەند دیارییان ژ لایێ راگرییا کۆلیژێ و رێکخراوا ئێکەتییا قوتابیێن کوردستانێ، د هەمان دەمدا د کورتە فیلمەکێ دیکۆمێنتاریدا ئاماژە ب هژمارەکا ئەوان چاڵاکی و خزمەتان هاتە کرن، ئەوێن ژ لایێ بەڕێز راگرێ بەرێ یێ کۆلیژێ هاتینە ئەنجامدان و پێشکێش کرن.