كولیژا پەروەردە - ئاكرێ
رۆژا سێشەمبی رێکەفتی (۲٦-٤-۲۰۲۲) شاندەکێ کۆلیژا په‌روه‌رده- ئاكرێ ب سەرپەرشتییا بەڕێز (د.مکنون محمدطاهر) هاریکارێ راگرێ کۆلیژێ و هژمارەکا سەرۆک پشکێن زانستی و رێڤەبەرێ کارگێریا کۆلیژێ، پشکدار بوون ل سمینارا تایبەت ب پرۆپۆزەل و پڕۆژەیێ پشنییارکرییێ دامەزراندنا زانکۆیا ئاکرێ.
هەژی ئاماژە پێدانێیە، کۆ ژ لایێ وەزارەتا خواندنا بلند و ڤەکۆلینێن زانستیڤە لیژنەیەکا تایبەت ب پڕۆژەیێ دامەزراندنا (زانکۆیا ئاکرێ) هاتییە پێکئینان و ئەڤڕۆکە لیژنا ناڤهاتی ب ئامادەبوونا بەڕێزان پارێزگەرێ دهۆکێ، دەڤەردارێن قەزایێن ئاکرێ و بەردەڕەش، هژمارەکا ئەندامێن پەرلەمانێ کوردستانێ و جڤاتا پارێزگەها دهۆکێ و بەرپرس و رێڤەبەرێن دام و دەزگەهێن حکۆمی ل دەڤەرێ و لایەنێن پەیوەندیدار، سمینارەکا تایبەت ب پرۆپۆزەل و پڕۆژەیێ پشنییارکرییێ دامەزراندنا زانکۆیا ئاکرێ ل هۆلا کۆنفرانسێن کۆلیژ و پەیمانگەها تەکنیکی یا ئاکرێ هاتە پێشکێشکرن و پرۆپۆزەلێ دامەزراندنا زانکۆیا ئاکرێ ب هویری و تێر و تەسەلی ئێخستنە بەر تیشکا دانوستاندن و گەنگەشەیێ و هەمی لایەک گەشبین و هیڤیخوازبوون کۆ د ماوەیەکێ نێزیکدا دەڤەرا ئاکرێ ببیتە خودانا زانکۆیەکا هەڤچەرخ و پێشکەفتی.