كولیژا دەرمانسازی ژمارەکا سمینارا ژلایێ قوتابیێن قوناغا پێنچێ لدور پرۆژێن دەرچوونێ گێرا
لروژا سێ شەمبێ و چارشەمبێ رێکەڤتی 10-5-2022، 11-5-2022 كولیژا دەرمانسازی ل زانكۆیا دهۆك ژمارەکا سمینارا لدور پرۆژێن ڤەكۆلینێن زانستی یێن دەرچوونێ بۆ قوتابیێن قووناغا پێنچێ ل هۆلا ٥ یا كولیژێ گێرا.
سەروکێ لێژنا گەنگەشێ ل كولیژێ د. جاسم محمد عبدو د پەیڤەكی دا دیاركر "ئەڤ سالە ١٥ ڤەكۆلینێن زانستی یێن دەرچوونێ ب شێوێ گرۆپ ژلایێ قوتابیێن قووناغا پێنچێ ڤە هاتینە بەرهەڤكرن، وھندە ک ژ وان بووینە پۆستەر و هاتینە نیشادان ولبەرە ھندک ژوان پروژان بێنە بالاڤکرن لگوڤارێن نیڤدەولەتی ژلایێ قوتابیان ڤە".
د. جاسم محمد ئەو ژی دیارکر كو ٢٥ نمرە یێن ڤەكۆلینێن زانستی دێ ژلایێ مامۆستایێ سەرپەشت ڤە هێنە دانان، لدویڤ پێگیریا قوتابی ب دەمی و ئەو ئەركێ مامۆستا بۆ دیاردكەت، ٥٥ نمران ژی ئەو مامۆستایێن هەلسەنگاندنێ بۆ دكەن دێ دانن، ٢٠ نمرە ژی دێ لسەر گەنگەشا ڤەكۆلینێ بیت.