زانکۆیا دهۆك

سمينار

سمینار

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

- سالا خواندنێ : ٢٠٢٢-٢٠٢٣

- پێشکێشکار : م. زينب رشيد احمد

- ناڤ و نێشانێ سمینارێ : رێنمایێن دلنیایی جۆری بو سالا خواندنێ 2022-2023

-مێژوویا ئەنجامدانێ : ٢١-١١-٢٠٢٢

- کورتیەک ل سەر سمینارێ :

ب شێوەیەکێ گشتى سیستەمێ دلنیایی جورى ژ سێ پشکا پێکدهێت ئەوژى :

1- فیدباکێ قوتابیان :

پروسێسا فیدباکی دهێتە ئەنجامدان ژلایێ قوتابیان ڤە ب شێوازێ ئونلاین ژبو هەلسەنگاندنا ماموستایان و یەکا دلنیایی جورى دێ رابیت ب چێکرن و رەوانەکرنا کودێن قوتابیان بو ئەنجامدانا پروسێسا فیدباکى و دەم دێ هێتە دەست نیشانکرن ژلایێ رێڤەبەریا دلنیایی جورى ل سەروکاتیا زانکویا دهوک هەروەسا یەکا دلنیایی جورى دێ ئاگەهداریا رێکخەرێن پشکێن زانستى کەتن کا دێ چەند جاران پروسێسا فیدباکێ قوتابیان هێتە ئەنجامدان د ماوەیێ سالا خواندنێ دا .

2- زانستخوازى بەردەوام :

پروسێسا زانستخوازى بەردەوام دهێتە ئەنجامدان ژبو دانا نمرەیان لسەر چالاکێن ماموستاى ئەنجامداین و ئەڤ پروسێسە لدویف ناسناڤێ زانستى یێ ماموستایە و هەر ناسناڤەک پێدڤیە ب ژمارەکا دەستنیشانکرى یا نمرەیان بو نموونە ماموستایێ هاریکار پێدڤی ب 25 خالانە و ماموستا پێدڤى ب 35 خالانە و و پروفیسورێ هاریکار پێدڤی ب 50 خالانە و پروفیسور پێدڤی ب 60 خالانە ژبو بدەستڤەئینانا سەرکەفتنێ د پروسێسا زانستخوازى بەردەام دا .

و لدووماهیا سالا خواندنێ ماموستا دێ چالاکیێن خو یێن زانستیخوازی بەردەوام دێ تومارکەت بشێوازێ ئونلاین و ژبو ئەنجامدانا ڤێ پروسێ پێدڤیە بەلگەنامە و دوکیومێنتێن پێدڤی بو پەسەندکرنا چالاکیێ بشێوێ ئەلکترونی لدەف ماموستای هەبن .

بو زانین یەکا دلنیایی جورى دێ رابیت بەلاڤکرنا فورما زانستیخوازى بەردەام یا تایبەت ب ناڤێن چالاکیان لسەر رێخکەرێن پشکێن زانستى و ئەوژى دێ بەلاڤکەن لسەر ماموستایێن پشکێن خو داکو ماموستایان پێزانین لسەر پروسێسا زانستیخوازى بەردەام هەبن .

3- هەگبەى ماموستا:

پێدڤیە ماموستا چالاکێن خو ئەوێن ئەنجامداین دکیومێنت بکەتن و لدەڤ خو راگەتن هەتا هەیڤا 5 و پاش دێ هێنە رەوانەکرن ب رێکا رێکخەرێ پشکێ بو یەکا دلنیایی جورى ، و لدویف رێنمایان لێژنێن هەلسەنگاندنێ دێ هێنە پێکهێنان ژبو هەلسەنگاندنا هەگبەى ماموستایان . و یەکا دلنیایی جورى دێ رابیت ب بەلاڤکرنا فورما هەلسەنگاندنا هەگبەى ماموستا لسەر رێکخەرێن پشکێن زانستى و ئەوژى لسەر ماموستایان داکو پێزانین لسەر هەبن.

تەورێ دووێ : رێنمایێن ئەنجامدانا کونفرانسا

1- پێدڤیە لدەستپێکێ پشکا زانستى نڤێسارەکا فەرمى پێشکێشى راگرێ کولیژێ بکەت بو ئەنجامدانا کونفرانسى و راگر لسەر ( تهمیش ) بکەتن بو یەکا دلنیایی جورى و پاش هەلسەنگاندن بو کونفرانسی بهێتە کرن ئایا مەرجێن پێدڤى یێن ئەنجامدانا کونفرانسى تێدا هەنە یان نە و پاش ب رێکا نڤێسارەکا فەرمى ژلایێ یەکا دلنیایی جورى بهێتە رەوانەکرن بو هاریکارێ سەروکێ زانکویێ بو کاروبارێن زانستى و خواندنا بلند.

2- کونفرانس پێدڤیە 6 هەیڤان بەر بهێتە ئەنجامدان پێزانینێن وێ بهێنە رەوانەکرن بو یەکا دلنیایی جورى داکو ل ویب سایتى بهێتە خوارێ و درێژیەک ب هەردوو زمانێن ( کوردى ، ئینگلیزى ) لسەر بهێتە نڤێسین وپشتى دهێتە ئەنجامدان پێدڤیە و وێنە و ژمارەیا بەشداربوویان بهێنە رەوانەکرن بو یەکا دلنیایی جورى .

تەورێ سیێ : رێنمایێن ئەنجامدانا وورک شوپ و کوربەند و سومپوزیوما

1- پێدڤیە لدەستپێکێ پشکا زانستى نڤێسارەکا فەرمى پێشکێشى راگرێ کولیژێ بکەت بو ئەنجامدانا وورک شوپ یان کوربەند یان سومپوزیوما و راگر لسەر ( تهمیش ) بکەتن بو یەکا دلنیایی جورى و پاش هەلسەنگاندن بو د بهێتە کرن ئایا مەرجێن پێدڤى تێدا هەنە یان نە و پاش ب رێکا نڤێسارەکا فەرمى ژلایێ یەکا دلنیایی جورى بهێتە رەوانەکرن بو هاریکارێ سەروکێ زانکویێ بو کاروبارێن زانستى و خواندنا بلند.

2- پێدڤیە وورک شوپ یان کوربەند یان سومپوزیوما 1 هەیڤ بەرى بهێتە ئەنجامدان پێزانینێن وێ بهێنە رەوانەکرن بو یەکا دلنیایی جورى داکو ل ویب سایتى بهێتە خوارێ .

تەورێ چوارێ : سمینار

1- سمینار : پێدڤیە لیستا سمینارێن کورسێ ئێکێ ل دەستپێکا سالا خواندنێ بهێتە رەوانەکرن بو یەکا دلنیایی جورى داکو پێش وەخت ل ویب سایتى بهێتە خوارێ ، و یەکا دلنیایی جورى دێ خشتەیەکێ تایبەت ب سمیناران ئامادەکەت و دێ رەوانەى پشکێن زانستێن ب رێکا رێکخەرێ پشکێ . و پشتى پشکا زانستى لیستا سمیناران رەوانە دکەت هەر گوهورینەک هەبیت د خشتەیی دا وەک ناڤ و نیشان یان ژڤانێ سمینارێ پێدڤیە حەفتیەکێ بەرى هنگى ئاگەهداریا یەکا دلنیایی جورى بهێتە کرن داکو بهێتە راستڤەرکن د ویب سایتى دا ، هەروەسا پێدڤیە ئامادەبوون لسمینارا 10 ماموستا کێمتر نەبیت ، و ئەو پشکێن ژمارا ماموستا کێم پێدڤیە بەری ئەنجامدانا سمینارێ ب روژەکێ یان زێدەتر د گروپێ دلنیایی جۆری بهێتە خوارێ و رێکخەرێن پشکێن دیتر ل گروپێن ماموستایێن پشکێن خو بینە خوارێ داکو ماموستا بشێن پشکداریێ بکەن د سمینارێن پشکێن دیتر ، سەبارەت سمینارێن دهێنە پێشکێشکرن لسەر ڤەکولینا پێدڤیە ماموستا داخوازنامەکێ ئاراستەی سەروکێ پشکێ بکەت و سەروکێ پشکێ پێدڤیە نڤیسارەکێ ئاراستەی راگرێ کولیژێ بکە و تێدا دیار بکەت جهـ و روژ و دەم یێن پێشکێشکرنا سمینارێ و ل ویب سایتی بهێتە خوارێ و راگەهاندنا کولیژێ بەلاڤبکەت بەروەخت داکو ماموستایێن کولیژێ پشکداریێ بکەت د سمینارێ دا ، بو زانین خالێن سمینارێن لسەر ڤەکولینێن بەلافکری ب ڤی شێوێ خوارێ نە :

ــ سمینار لسەر ڤەکولینەکا بەلافکری ل گوڤارەکا ژ دەرڤە (10 خال)

ــ سمینار لسەر ڤەکولینەکا بەلافکری ل گوڤارەکا نافخویی (8 خال)

تەورێ چوارێ : رێنمایێن گشتى

1- پێدفیە هەر پشکەکا زانستى پروژیەک هەبیت ئارمانجێن وێ دیار بن و دگەل شروڤەکرنەکا درێژ لسەر پروژەیێ بهێتە نڤێسین و رەوانەکرن بو یەکا دلنیایی جورى .

بو نموونە پشکا هونەرێن شێوەکارى یان دراما ئەگەر هەر پروژیەک هەبیت وەکى ( پێشانگەه ، وێنەکێشان ، تابلو ) پێدڤیە پێش وەخت ئاگەهداریا یەکا دلنیایی جورى بهێتە کرن .

2- ئەگەر ماموستایەکى ژ کولیژا مە ئەندامەتى هەبیت ل کوڤارەکا زانستى یا ژدەرڤە یان رێکخراوەکا نیڤ دەولەتى پێدڤیە پێزانینان دگەل لینکى بو یەکا دلنیایی جورى رەوانە بکەت .

3- پێدڤیە لسەر هەمى ماموستایێن کولیژا مە بەرى ڤەکولینەکێ بەلاڤ بکەن د گەڤارەکا زانستى یا ناڤخوى یان ژدەرڤە دووپاتى لسەر ( Impact Factor) (عامل التاثير ) يێ گوڤارێ بکەت کو پێدڤیە د ئاستەکێ بلند دا بیت . یا باشتر ئەوە ماموستا بەرى بەلاڤکرنا ڤەکولینێ سەرەدانا سەروکاتیا زانکویێ بکەت ژبو پتر پێزانینان لسەر گوڤارێن زانستى تایبەتى گوڤارێن scupas کو هندەک جارا گوڤار ژ ئاستێ وێ دهێتە دەر .

4- قوتابیێن دکتورایێ و رێڤەبەرێن سەنتەران سیستەمێ دلنیایی جورى ژێ ناگریت بەلێ پێدڤیە کورس بوک و خشتێ حەفتیانە بو یەکا دلنیایی جورى رەوانە بکەن .

5- هەر ماموستایەکێ هاتیبتە ئیعارەکرن بو زانکویەکا دى لدەمێ بەلاڤکرنا ڤەکولینان نابیت ب هیچ شێوەیەکێ ناڤێن زانکویێن دی بهێنە نڤێسین بێ رەزامەندیا زانکویا دهوک .

تەورێ پێنچێ : پێزانینێن دێ هێنە داخوازکرن ژ پشکێن زانستى د ماوێ کورسێ ئێکێ دا یا سالا خواندنێ 2022-2023

1- لیستا ستافێ ئەکادیمى یێ پشکێ : دفێ لیستێ دا گشت پێزانینێن ماموستایێن پشکێ کو لدویف خشتەیەکى دێ ژلایێ یەکا دلنیایی جورى یا کولیژێ ڤە هێتە ئامادەکرن .

2- لیستا سمینارێن کورسێ ئێکێ (سپێدەیان ، ئێڤاران ) ژ 1/9/2021 هەتا 31/1/2022 کو لدویف خشتەیەکى دێ ژلایێ یەکا دلنیایی جورى یا کولیژێ ڤە هێتە ئامادەکرن .

3- کورس بوکێن (سپێدەیان ، ئێڤاران ) : پێدڤیە کورس بوک لدویف نموونەیا نوى (النموذج الجديد ) دگەل بەرچاڤ وەرگرتنا هەمی تێبینێن دناڤ کورس بوکى دا هەین .

4- خشتەیێ حەفتیانە (سپێدەیان ، ئێڤاران ) نموونەیا نوی یێ ماموستایان .

تەوەرێ شەشێ : رێزبەندیا زانکویێن هەرێما کوردستانێ (Ranking Sheet)(تصنیف الجامعات)

پێدڤیە گشت چالاکیێن کولیژێ وەکی ئەنجامدانا کونفرانس و وورک شوپ و کوربەند و سومپوزیوم و سمینار هەروەسا چالاکیێن هونەری و وەرزشی زێدەباری ئەندامەتی ل گوڤارێن نافخویی و دەرەکی دیسان بەلافکرنا ڤەکولینان ل گوڤارێن نافخویی و دەرڤە هەروەسا خەلات کرنا ماموستایان و هەر چالاکیەکا هەبیت پێدڤیە بهێنە تومارکرن د (Ranking Sheet) و ئەف کارە یێ تایبەتە ب بەرپرسێ یەکا دلنیایی جوری و دەستپێدکەت ژ 1/9/2022 تا 31/8/2023 .

تەوەرێ حەفتێ (ڤەکولین) :

پێدڤیە هەر ڤەکولینەکا رازەمەندیا بەلافکرنا وێ دەرکەفتبیت ، دانەیک ژ نڤیسارێ بو یەکا دلنیایی جوری بهێتە رەوانەکرن ژبەرکو ڤەکولین زور د گرنگن بو (Ranking Sheet) و پێدڤیە هەمی ڤەکولین یێن گشت پشکێن کولیژێ یێن سالا خواندنێ بهێنە تومارکرن ل (Ranking Sheet) ، وپشتی ڤەکولین ل گوڤارێ دهێتە بەلافکرن ئانکو لینک بو دەرکەفت پێدڤیە ماموستا ڤەکولینا خو ل گوگل فورمی توماربکەت و دانەیەکێ ژ گوگل فورمی ولینکێ ڤەکولینێ و گوڤارێ بو یەکا دلنیایی جوری رەوانەبکەت دگەل رازەمندیا بەلافکرنێ دا دەستگیری (تعضيد) بو بهێتە دروستکرن .

- جهێ ئەنجامدانێ : کولیژا زانستێن مروڤایەتى / پشکا مێژوو

-هژمارا بەشداربوویا : ١٢

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

بەلاڤەکە :