كولیژا زانستێن مروڤایەتی
ەڤرۆ رێکەفتی ١٧-٨-٢٠٢٠ لدەمژمێر ١٠:٠٠ سپێدی کونگرێ (دەهێ) یا ناڤ نەتەوەیی سەر ب مونتەدا ئاشتیێ یا ناڤ نەتەویی یا رەوشەنبیری و زانستی ب شێوێ ئونلاین هاتە گێران لژێر ناڤێ(جوگرافیا و رۆلێ وێ د چارەسەریا کێشەیێن سەردەمیدا).
ئەڤ کونگرە ب چاڤدێریا سەرۆکێ زانکۆیا دهۆک پ.د.مسلح دهوکی هاتبوو ب رێڤەبرن و هەڤکاری دگەل زانکویا تەهران و کومەلگەها فارابی و زانکویا قم و ئێکەتیا ئەکادیمیێن عەرەب ل یەمەن و دەزگەهێ هودا یێ ڤەکولینێت استراتیجی هاتە ئەنجامدان.
ئەمیندارێ گشتی یێ کونگرەیی ، دکتور احمد علی حسن ژپشکا جوگرافی سەر ب کولیژا زانستێن مرۆڤایەتی / زانکویا دهۆک دا دیارکرن کو ئەڤە سالەکە ئەم بەرهەڤیا بو ڤی کونگرەیی دکەین لێ ژبەر هاتنا ڤایرۆسێ کورۆنایێ مە ئەڤ کونگرە ب شێوێ ئونلاین ب رێڤەبر و ب سەرکەفتیانە هاتە ئەنجامدان، دیسان دکتوری دیارکر کو گەلەک ڤەکولەران ژ هەمی وەلاتان پشکداری تێداکریە و ڤەکولینێن خو پێشکێشکرینە و سوبەهی ژی دێ روونشتن بەردەوام بن ژبو پێشکێشکرنا ڤەکولینان.
ژ هەژیە دیار بکەین دڤی کونگرەیی دا ، پەیڤا چاڤدێرێ فەرمی یێ کونگرەیی ژلایێ پ.د.مسلح دهوکی سەرۆکێ زانکویا دهۆک ڤە هاتە خواندن و داخوازا سەرکەفتنێ بو هەموویان خواست و پشتەڤانیا خوە بو ڤی کونگرێ گرنگ دا دیارکرن.
بۆ ئاگەهداری و زانین ، سوبەهی رۆژا سێ شەمبی ژی ئەڤ کونگرە دێ یا بەردەوام بیت
و پرۆگرامێ سوبەهی رۆژا سێ شەمبی ١٨-٨-٢٠٢٠ ب ڤی رەنگێ لخوارێ یە :
روونشتنا ئێکێ : ژ دەمژمێر ١٠:٠٠ سپێدی تا ١٢:٠٠ نیڤرۆ
روونشتنا دوویێ : ژ دەمژمیر ٣:٠٠ تا ٥:٠٠ ئێڤاری