كولیژا زانستێن مروڤایەتی
ئەنیمێشن د وورکشۆپەکێدا
#ڕاگەهاندن
ئەڤرۆ رێکەفتی ١٠-٤-٢٠٢٢ ب ئامادەبوون ” پ.د.مزگین محمد حسن “ راگرێ کولیژا زانستێن مرۆڤایەتی ، پشکا هونەرێن شێوەکاری سەر ب کۆلیژا زانستێن مرۆڤایەتی ، وورکشۆپەک لدۆر ( دەستپێکەک ژبۆ نیاسینا دونیایا ئەنیمێشنێ) ئەنجامدا.
ئەڤ وورکشۆپە ژ لایێ "د. سەباح حسێن سالح"ی ڤە هاتە پێشکێشکرن.
لدەسپێکا وورکشۆپێ مامۆستا “دلگەش جاسم”سەرۆکێ پشکا هونەرێن شێوەکاری ب خێرهاتنا ئامادەبوویان کر و دەستخۆەشی ل د. سەباح ی کر ژبۆ پێشکێشکرنا ڤێ وورکشۆپێ و گرنگیا ئەنیمێشنێ ژبۆ قوتابیان شلوڤەکر.
لدوویڤدا ، وورکشۆپ هاتە پێشکێشکرن و ب شێوێ پراکتیک هاتە ئەنجامدان و قوتابیان پشکداری دڤێ وورکشوپێ دا کرن.
ژ هەژیە دیار بکەین ئەڤە یەکەم جارە وورکشۆپەکا ب ڤی رەنگی دهێتە گۆتن و بەرهەڤکرن ژبەرکو کارێ ئەنیمێشنێ نێزیکی کارێ هونەرێ شێوەکاریە ژبەر ڤێ یەکێ قوتابیان مفایەکێ زور ژ ڤێ وورکشۆپێ وەرگرت.