كولیژا زانستێن مروڤایەتی
پرۆسێسا پۆلونا یێ د سمینارەکێدا
#راگەهاندنا_کولیژێ
ژبەرکو پرۆسێسا( پۆلونا) دێ لسالا خواندنا (٢٠٢٢-٢٠٢٣) ل گشت پشکێن زانستی سەر ب کولیژا زانستێن مرۆڤایەتی ڤە هێتە پەیرەوکرن ، ئەڤرۆ رێکەفتی ٢٣-٦-٢٠٢٢ ب سەرپەرشتی و ئامادەبوونا "پ.د.مزگین محمد حسن" راگرێ کولیژا زانستێن مرۆڤایەتی، یەکا پۆلونا سەر ب کولیژێ ڤە ب هەڤکاری ل گەل پشکا دەرووناسی سمینارەک بۆ ماموستایێن هەموو پشکێن زانستی لدۆر پرۆسێسا پۆلونا یێ ئەنجامدا.
سمینارا ناڤبری ژلایێ بەرێزان "د.ئالان جەمیل" سەرۆکێ پشکا دەرووناسی و ب هەڤکاری ل گەل "د.عەلی عەبدوولا ئەسوەد" بەرپرسێ یەکا پولونایێ هاتە پێشکێشکرن.
ئەڤ سمینارە بەرهەڤیەکە بو سالا بهێت کو هەموو پشکێن زانستی یێن کولیژێ دێ خو ئامادەکەن ژبو ئەنجامدانا ڤی سیستەمی و ژ هەژیە بێژین کو پشکا دەرووناسی لسالا ٢٠١٩ێ هاتیە دامەزراندن و تا نوکە ڤی سیستەمی بکاردئینن و سەرکەفتن تێدا ئینایە.
لدوویڤ گوتنا د.ئالان، بۆ راگەهاندنا کولیژێ دیارکر کو ئەڤ سمینارە دێ دبەردەوام بن و دێ ل حەفتیێ دا رۆژەک هێتە تەرخانکرن بۆ ئەنجامدانا هەلسەنگاندنێ ژبو پێشئێخستنا کاری داکو هەمی پشک لسەر ڤی سیستەمی شارەزاببن.