زانکۆیا دهۆك

سومپوزیوم

سومپوزیوم

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

- سالا خواندنێ : 2022 - 2023

- پێشکێشکار :

پشکا شینواران ل کولیژا زانستێن مروڤایەتی ب هەڤکاری دگەل رێکخراوا شینوارێن کوردستانێ

- ناڤ و نێشانێ سومپوزیومێ :

رێکێن پێشڤەبرنا ڤەکولینێن شینوارناسی – سبل تطویر البحوث الاثریة

-مێژوویا ئەنجامدانێ : 27 - 02 - 2023

- کورتیەک ل سەر وورک شوپی :

ب مەرەما بەرهەمئینانەکا فراوانترا زانینێ د هەر بوارەکێ زانستی دا ، کو ڤەکۆلینێن شینوارناسی ئێکە ژ وان بوارێن گەلەگ پێدڤی ڤەکۆلینێ ، بتایبەتی ل کوردستانێ وەکو لاندکەکا دیرۆکێ و شارستانیەتێ .

ئەڤرۆ دووشەمبی رێکەفتی ٢٠٢٣/٢/٢٧ ل هۆلا کۆنفرانسان ل زانکۆیا دهۆک ، ب ئامادەبوونا هەرێک ژ "د. دلشاد عەبدولجەبار حەلیم" هاریکاێ سەرۆکێ زانکۆیا دهۆک و "د. سعید خودیدا علۆ" راگرێ کۆلیژا زانستێن مرۆڤایەتی دگەل هژمارەکا ماموستا و قوتابیێن زانکۆیێ .

پشکا شینواران ل کۆلێژا زانستێن مرۆڤایەتی بهەڤکاری دگەل رێکخراوا شینوارێن کوردستانێ کۆربەندەکێ زانستی ل دور " رێکێن پێشڤەبرنا ڤەکۆلینێن شینوارناسی " ئەنجامدا ، کۆربەندی دوو پانێل بخۆڤە گرتن .

د پانێلا ئێکێ دا ب بەژداریا "م. کیڤی مستەفا" رێڤەبەرێ گشتیێ شینوار و کەلەپۆرێ هەولێر و "د. روژین کەمال" سەرۆکا رێکخراوا کەلەپۆری و کەلتۆری و "د. حسن احمد قاسم" سەرۆکێ رێکخراوا شینوارێن کوردستانێ . "رۆلێ سازیێن حکومی و رێکخراوێن نە حکومی د وەرارکرنا ڤەکۆلینێن شینوارناسی" هاتە گەنگەشەکرن دگەل دیارکرنا گرنگترین ئاستەنگان . ئەڤ پانێلە ژلایێ "پ.د. مزگین محمد حسن" ماموستایێ زانکۆیێ هاتە برێڤەبرن .

دپانێلا دووێ دا ب بەژداریا "د. زریان حاجی" سەرۆکێ پشکا شینواران ل زانکۆیا سلێمانیێ و "د. عزیز محمد امین" سەرۆکێ پشکا شینواران ل زانکۆیا سەلاحەدین و "د. ژیار سەدیق رمضان" سەرۆکا پشکا شینواران ل زانکۆیا دهۆک ." رۆلێ پشکێن شینواران د وەرارکرنا ڤەکۆلینێن شینوارناسی دا " هاتە گەنگەشەکرن دگەل دیارکرنا گرنگترین ئاستەنگان . ئەڤ پانێلە ژلایێ "د. سەگڤان محمد سعید" ماموستایێ زانکۆیێ هاتە برێڤەبرن .

لدوماهیا کۆربەندی باوەرنامێن بەژداریێ و لسەر هژمارەکا بەژداربووان هاتنە بەلاڤکرن .

- جهێ ئەنجامدانێ : زانکویا دهوک / هولا کونفرانسان

-هژمارا بەشداربوویا : 150

بەلاڤەکە :

كولیژا زانستێن مروڤایەتی

سومپوزیوم