كولیژا زانستێن مروڤایەتی
کارگێرى:
ئەڤ بەشە ئێکە ژ گرنگترین بەشێن کولیژێ و ب ستوینا سەرەکیا رێڤەبرنا کولیژێ دهێتەهژمارتن، چونکى د جێبەجێکرن و راپەراندنا کاروبارێن کولیژێدا پەیوەندیەکا راستەوخو یا هەی دگەل هەمى بەشێن دیترێن کولیژێدا و راگر و هـاریکارێ راگری د هەمی کاروبارێن خودا پشت بەستنێ ل سەر ڤێ یەکێ دکەن، چونکى زوربەیا کارو بارێن ماموستا و فەرمانبەران د ڤێ یەکێدا دهێنەرێڤەبرن و پاشان هەمی نوسراوێن کو ل سەروکاتیا زانکویێ دهێن، دهێنە ڤێ یەکێ و دڤێ یەکێدا دهێنە ئەرشیفکرن و بۆ راپەراندنا وان کاران ل ڤێ یەکێ ب سەر هەمی بەشێن کولیژێدا دهێنە پارڤەکرن، ئەڤ یەکە ل دوو بەشێن سەرەکی پێکدهێت: خویەتى و ئەرشیف کو کارێ هەر ئێکێ د خارێدا دهێتە دیارکرن.
خویەتی:
ئەڤ بەشێ یەکا کارگێرى کاروبارێن ماموستا و فەرمانبەران جێبەجێ دکەت هەر ژ روژ دامەزراندنێ هەتا کو دهێتە خانەنشینکرن ئەوژى ب كورتى خو د ڤان خالاندا دبینیت:
1- ئەو ماموستا و فەرمانبەرێن دهێنە دامەزراندن یان گرێبەست دڤیێت سەرەدانا ڤێ یەکێ بکەن بۆ هندێ دافەرمانا دەست ب کاربونێ بۆ وان دەربچیت.
2- هەمى جۆرێن پشتگیریکرنەکێ بۆ ماموستا و فەرمانبەران بۆ هەر جهەکێ بیت، ب رێکا دانا پشتگیریێ ل ڤى بەشى دهێتە ئەنجامدان، هەر وەسا ئەو ماموستا و فەرمانبەرێن گرێبەست ژى دشێن هەر ب رێکا ڤێ پشکێ داخازا پشتگیریێ بکەن.
3- رێکخستنا دەستویر دانان ب هەمی جۆرێن خوڤە بۆ مامۆستا و فەرمانبەرێن کولیژێ وەکى:
- دەستویردانا ئاسایی
- دەستویردانا نەخوشیێ پشتى پەسەندکرنێ ژلایێ پزشکێن تایبەتمەنڤە
- دەستویردانا خویندنێ (بکالوریوس، ماستەر و دکتورا)
- دەستویردانا بێ موچە
- دەستویردانا دایکینی
- دەستویردانا پێکهینانا هەڤژینیێ
- دەستویردانا هەڤالبەندیێ
بۆ هەر یەک ژ ڤان دەستویریا پێدڤیە داخازکەر داخازنامەکێ پێشکەش بکەت بۆ وەرگرتنا دەستویریێ، هەرچەندە دەستویردانێن ئاسایی و نەخوشیێ ب رێکا فورمێن تایبەت دهێنە ئەنجامدان.
4- داخازكرنێن جوراوجور هەمی ب رێکا ڤی بەشی دهێنە داخازکرن ئەوژی هندەک ژوان وەکى:
- داخازا گورین و پێدانا نازناڤێ زانستى پشتى وەرگرتنا باوەرناما ماستەرێ یان دکتورایێ
- داخازا دروستکرنا ناسناما زانکویێ
- داخاز ڤەگوهاستنێ ژجهەکێ بۆ جهەکێ دیتر ب مەرجەکێ رەزامەندیا هەردوو جهان هەبیت ئەوجهێ بۆ دچیت و ئەو جهێ ژێ دهێتە ڤەگوهاستن
- ب گشتى هەر داخازیەک بیت ب رێکا ڤی بەشى ژ لایێ داخازکەریڤە داخازى دهێتە پێشکەشکرن.
5- ئاراستةكرن و بەرسڤدانا هەمی نڤیسارێن کو ل کولیژێ یانژی ل دەرڤەى کولیژێ دهێن.
6- رێکخستنا دەواما فەرمیا هەمی فەرمانبەرێن کولیژێ
7- دویڤچونا هەمی نوسراوێن کو ل کولیژێ دەردکەڤن ل سەروکاتیا زانکویێ بۆ جێبەجێکرنا وان ب تایبەت کاروبارێن ماموستایان و فەرمانبەران
8- پەیرەو کرنا هەمی یاسا و رێسایێن کو ل سەروکاتیا زانکویێ دەردچن ئەوێن تایبەت ب ماموستاو فەرمانبەرانڤە
9- رێکخستنا دەفتەرا خانەنشینکرنێ بۆ ماموستاو فەرمانبەران
10- سزادان ل دەمێ ئامادەنەبونا هەر ماموستایەکێ یان فەرمانبەرەکێ ل دەمێ دەواما فەرمی یانژی ئەنجامدانا هەر رەفتارەکا نەگونجایی هوشیارکرن و ئاگەهدارکن و سرنج راکێشان بۆ دهێتەئاراستەکرن
ئەرشیف:
بەشێ ئەرشیفێ ل دوو بەشان پێکدهێت ئەوژی ئەڤێن خارێنە:
1- بەشێ دەرکرن و وەرگرتنێ(صادره و وارده): کو دڤی بەشیدا هەمی ئەو فەرمان و نڤیسارێن کو دهێنە کولیژا مە ب هەردو شێوێن ئاسایی و ئەلکترونی دهێنە تومارکرن و خەزنکرن و ب رێکا بەریدێ دهێنە هناردن بۆ جهێن مەبەست و هەمی نڤیسارێن کو ل کولیژێ دەردچن ب هەمان شێوە سەری دهێنە هەلگرتن.
2- بەشێ دوسیێن کەسایەتى: ئەڤ بەشە تایبەتە ب دروستکرن و رێکخستنا دوسیێن تایبەت ب ماموستاو فەرمانبەرێن کولیژێڤە و پولینکرنا وان ب مەرەما ئاسانکاریێ بۆ هەلگرتنا زانیاریان و بەلگەنامێن پێدڤی و مفا ژێ وەرگرتن ل ڤان زانیاریان د دەمێ پێدڤیدا و هناردن و وەرگرتنا ڤان دوسان ل دەمێ ڤەگوهاستنا کەسەکێ بۆ وى جهێ دهێتە ڤەگوهاستن