كولیژا یاسا
ئەڤرو روژا چوار شەمبی رێککەفتی ٢٠٢١/١١/٢٤ لدەمژمێر ٩ی سپێدێ تا دەمژمێر ١ی پشتی نیڤرو سەنتەرێ ڤەکولینا یێ کولیژا یاسا رابوو برێکخستنا ورکشوپەکێ لسەنتەرێ رەوشەمبیری یێ زانکویا دهوک لژێر ناڤێ (کەتوارێ تندوتیژیێ لهەرێما کوردستانێ)، بو هژمارەکا قوتابیێن بەشێن مروڤایەتی لزانکویا دهوک وزانکویا نوروز، لژێر دروشمێ (ئەم وەک قوتابى دا بەژدار بین دبەرهنگاریکرنا تندوتیژیێ دا)، ئەڤ ورک شوپە هاتە برێڤەبرن ژلایێ بەرێز دکتور رێبەر حسین یوسف.
لدەستپێکێ پەیڤا رێڤەبەرێ سەنتەرێ ڤەکولینا هاتە خواندن ژلایێ بەرێز دکتور فرهاد سعيد سعدي، تێدا بخێرهاتنا بەژداربویان کر وهندەک پێزانین لسەر کەتوارێ تندوتیژیێ لهەرێمێ ئاشکەرا کرن.
ددیڤدا پروفیسور دکتور اسماعيل ابابكر سمینارەک پێشکێش کر لدور تێگەهێ تندوتیژیێ، ئەگەر وکارتێکرن، دگەل شروڤەکرنا یاسا بەرهنگاریا تندوتیژیێ یا کوردستانێ هژماره ٨ یا سالا ٢٠١١.
درینشتنا دووێ دا، بەرێز دکتور نزار امین محمد سمینارەک پێشکێش کر لدور کەسانێن دکەڤنە لژێ تندوتیژیێ، جورێن وێ دگەل دیار کرنا چالنجێن ڤەدیتنا چارەسەریان وئاماژەکرن بئەزموونێن وەلاتێن روژئاڤا.
درینشتنا سیێ دا، قوتابى هاتنە دابەشکرن لسەر گروپان ژبوو گەنگەشەکرنا بابەتی ودانا پێشنیاران.
بریارە ئەو پێشنیار بهێنە دوکیومێنتکرن وبەلاڤەکرن بهەرسێ زمانان، دگەل پێدانا باوەرناما بەژداربوونێ.
سوپاسیەکا تایبەت بو ستافێ سەنتەرێ ڤەکولینا (دکتور فرهاد، ماموستا نێچیرڤان)، بو راهێنەران (پروفیسور دکتور اسماعيل، دكتور نزار)، بو برێڤەبەرێن چالاکیێ (دکتور رێبەر دکتور ئاری)، وماموستایان( م. نجاح، م. اسراء، م. ئاواز، م. چرا).